خفايا محن

الثلاثينيه

ام محمد الجبوريه

الثلاثينيه

البارت 2

🍀🍀🍀🍀🍀🍀
وسن: صارت الخطبه وعبالك مامصدكين اجه واحد خطب بتهم
يومين ردو خبر ماوفقين

عمي من اخذ المشيه اجه يصيح ويكل العمتي اكتله ابنج اليوم
فشلني كدام العالم الي ماخذهم

واخوي الي داس على جرحه وراح ويانا حتى مايكسر بيه

ولج انتي مو رحتي شفتيهم

ليش ماكلتي ناس مو من ملتنا ولج اني اصير علج بحلك العشيره

عمتي تحاول تهدي عمي
ودخل ابوي وخوتي
ابوي تعارك ويه عمي هذا النسب الي ابنك فضله على بنتي
اني بتي ابنك يحط راسها ويه وحده  وصيفه تخبل هذا لو اكو شي مايكدر يتراجع عنه
وكاسر وجهه بيها

وراد ياخذني بس اني كتله خليني هذا الجحيم الي انت ذبيتني بي وختاريته الي
مايتصلح بعد
لان زياد خيرني اذا اروح جهالي مااخذهم واني لواموت جهالي مااتركهم

واكثر شي كاسر ضهري ادم هذا متعلق بجده وبيبيته
هنا انصح كل وحده لاتخلي جهالها يتعلمون على غيرها مهما كان السبب
ابنج او بنتج علمي عليج لا يفاركج ابد
ادم ابني ويعرف اني امه  بس هو روحه بيبيته حتى ينام يمها يعني حتلو
رحت الاهلي ادم يبقه يم بيبته

كل تجهيزات المهر شفته بعيني البنات ماقابلات بس بنات خالته الزياد قامن بالواجب واكثر هنه مايحبني من زمان
واجتهم للحلك بعد

بيوم المهر اجت خالة زياد الزغيره هذي صديقتي
اخذتني غصب عني لصالون وراحت اجرت الي فستان ماروني كلش حلو

شكد حاولت اعترض بس هيه شجعتني

خاله زياد: شوفي اني ماالومج ابو بيتج ورجل صباج صعب بس وداعتج الي اسوي الج راح اشكريني عليه لمن ترحين وشوفين بعينج المصيبه الي وكع روحه بيها

وسن: خاله هو عاشكها بعد مصيبتيش
اني صح انجبرت عليه بس والله احبه
هو ابو جهالي شما يسوي احبه

خاله زياد: بعد روحي لا تبجين والقران اذا ماعض اصابعه ندم بس انتي لا تطي مجال احكري وشوفي والله يرجع متندم

اني اشوفهم مخبوصين وكلها تحجي عن اصول العروس بس ماجنت منتبها شيقصدون يعني وصيفه ومدري شنو

رجعنا من الصالون جهالي مسبحتهم فاطمه ومبدلتلهم

هيه شافتني بقت عيونها اصب
فاطمه: الله يرضه عباده هيج حوريه
عايفها ورايح للقرود

شبكتها وبقيت اطبطب على ضهرها صرت اني ارضي بيها مو هيه ترضيني

رحنا البيت العروس وبيه وماادوس على جرحي
حتى مااتراجع من اخذ قراري النهائي
بعلاقتي بزياد