خفايا محن

عطايا الخالق

ام محمد الجبوريه

الجزء الثالث والاخير

الغريب والي خلاني افكر زوجي مارجع للبيت صار يومين اكثر

اتصلت باخو زوجي
اجه يعيط عليه شنو صار اكثر من يومين وهسه يالله تخابرين
سألت بالمستشفى كالو مامداوم
هسه وين اسأل عليه مين اجيبه اني
بقه يصيح ويحجي

واني صافنه عليه قابل هو يكلي وين يروح ومنين يجي
اشو اني رجل كرسي هنا بالبيت
مايعرفني بس وكت النومه

كتله ياعين هو دوم يطلع ويبقه يومين ويغلق جهازه بس هذي المره تاخر وتصلت بيك

المهم بعد كم يوم اجنا الخبر لكو مقتول بشقه هو ماخذها يجيب بيها بنات

كملت الحد مالتي وامي اخذتني لزياره اشوف الناس عايشه بعالم روحاني

واني يوميه ادعي الهي اذا تقبلت توبتي اريد اشاره منك يارب

كاعده بالامام واباوع على العالم
اجت مرأة توزع سبح انطتني فرحت بيها

واعتبرتها اشاره لان المرأة تخطت كثير نساء كدامي واجت عليه مخصوص

رجعت للبيت بعد كم يوم اجاني اتصال من المستشفى

يردون اجي توقعت على الراتب مال زوجي

رحت لكيت لجنه موجوده وتحقيق
والمستشفى مخبوصه
اسأل شكو محد يجاوب

دخلت للمدير بعد السلام عرفت ابو التخدير معترف هو السبب بوفاة البنيه رغم هو جان واضح بوقتها بس
وكفت زوجي السابقه وجماعه ويا
طلعو منها ورطوني اني

الي صار عمليه وهم خطأ ابو التخدير
توفه المريض بس هذي المره المريض
اخو واصل بالدوله ومايرهم اي تلاعب بالموضوع

وكان من ضمنها اعترافه هو مزيد الجرعه بالخطأ توفت المريضه اني ماعندي غلط

رجعت الدوامي
بعد سنه تعرفت على شاب يداوم بالصيدليه

وصار بينه علاقه احترام وموده
وخطبني وزوجنا
هو هذا نفسه زوجي حاليا
شكد ساعدني وكف وياي الحد
ماتعالجت وهسه جايه اكمل الاجازه مالتي لان ولادتي قربت

حبيبتي الي يثق برب العباد ينصره
والي يعتمد على قوته خسران دنيا واخره

تفارقنه اني وياها دخلت تكمل اجازتها واني دخلت لسونار

ابو السونار عرف قصتي ونقهر عليه
تالي لمن شاف السونار دارلي الشاشه وكالي شوفي شلون دنفش وكح
وفعلا لحد هسه حمودي اوكح خلق الله
ودنفش كل يوم احمد ربي العالمين
واشكر فضله على نعمته وعطايا الي
انتهت.....

استودعكم الله
الذي لاتضيع ودائعه

ام محمد الجبوريه
💖💖💖💖💖