ام محمد الجبوريه
الثلاثينيه
البارت ال5 والاخير
🍀🍀🍀🍀🍀🍀
اروع النهايات هيه الي تاتي بعد تعب وعناء
اروعها هيه الي تاخذها بحب والفه
اروعها هيه الي تكتب بدموع الضحكات
بعد انتضار ودموع الم وشقاء
اروع نهايات الحب هو حب من طرفين
بعد ماكان طرف واحد يذرف الدموع
🍀🍀🍀🍀🍀
زياد: جاي اغير ملابسي ودك مبايلي
شفت الاسم رقم بدون اسم
جاوبت
هلووو سافل اليوم اذكرت ابن عمك
يعني الي يطلع بره ينسه اهله وناسه
نبيل: ههههه هلو صايع اكلتني حاصل فاصل انتضر اسلم
زياد: لك عار شكد صار اراسلك ماجاوب
نبيل : يااخي مو كتلكم فيس ماافتح الي يريدني موجود انستا وتلكرام
زياد: اي شعجب اليوم ذكرتني
نبيل: والله ماناسيك بس اتصلت على رقمك لكيته خارج النطاق
اخذت رقمك هذا من ايمن والله البارحه
وتصلت اريد اعرف صدك حتطلكون انت وسن
زياد: منو كال لا مخليها شويه ترتاح
نبيل: زياد يعني الكلام الي سمعته جذب
طمني بداعت عمي
زياد: نبيل والله ماكو هيج اصلا ايمن وعدني يساعدني منو وصلك هيج خبر
نبيل: زياد تعرف اني عندي علاقه بت خالة وسن
البارحه نحجي وكالت اخوها فرحان وكايل عود بس اطلكها حتى الجهال هو يربيهم
زياد: لا يا عار حاط عينه على مرتي وعلي الفحل اخلي الدكتور يحير بخياطه الساقط
نبيل: اعصابك ابو الحب اذا تحبها هيج ليش ردت تزوج عليها
بس الله عليك شكلت الروحك من تبدل مهره بنطيحه
زياد: اسكت وعلي اغم جان اكلت بوري على طول ضهري شرط ماينبت شعر
نبيل: اكلك الثلاثاء اني يمكم علمود العقد مال ايمن
زياد: احلف صار ساعه تلغي ستوك اتفطنت
نبيل: ههههه نسيت والله حرت بشغلتكم
زياد لا تفرط بوسن والله تحبك
ومره سمعتها تكل للبنات من سالوها تحبي
كالتلهم ابن عمي وفتحت عيني عليه شلون مااحبه وماعندي تجربه قبله
زياد: نبيل والله اني هم احبها بس جنت مكابر ويه نفسي من حسيت خسرتها يالله صحيت
وداعتك ارجعها الحضني وهيه الممنونه
أنت تقرأ
خفايا محن
Short Storyمجموعه قصص واقعيه قصيره تحكى عن لسان ابطالها الذين عاشو تجاربها قصص تاخذكم لعالم خفايا من المحن والذكريات تحوي عبر ودروس للزمن يارب تنال اعجابكم ام محمد الجبوريه
