خفايا محن

جبروت

ام محمد الجبوريه

جبروت
البارت الرابع

لابد مانسلط الضوء على بطل قصتنا القصيره لان يستحق تغيرون نظرتكم عليه
بسبب سويره الي رسمته انسان جاي من دول القوقاز

عباس: اني عباس اكبر اخوتي خريج هندسه نفط

جنت متعين بسبب حادث صار وياي
انسجنت 3سنوات انفصلت من عملي
لان احنه اغلبنا مهندسين النفط نداوم بشركات اجنبيه

راتبي جان بالورق
جنت انطي لابوي وامي ومصرف البيت شايله

اكثر شي احبه بالكون الخيول

اني وجماعتي اربعه اخذنا كاع
وقدمنا على قرض زراعي
رهنه بوكتها 3 بيوت حتى ينجح المشروع

تعبنا بشكل محد يصوره الحد ماكدرنا نوكف مشروعنا على حيله
بوكتها اتفقنا انرتب دوامنا ونزولنا
لان ماجنا نكدر نخلي عمال بالمزرعه

نبقه ندور على الخيول الاصيله
مو بسهوله تحصلها خاصه العربيه منها

يمكن تظحكون اذا اكلكم اكو خيول الها جواز سفر وتصريحات واله دكتور خاص بيها
جنه نطلع السوريا انجيب خيول
لو للباديا

صار عدنا اسطبل عامر بالخيول اكثر واحد جنت احبه
هو المطهم هذا حبيبي جنت اخلي صورته بكل حساباتي

اغسله بيدي وامشط شعره
هيج اعشقه بشكل غريب
وجان يزعل من يشوفني اعتني بواحد غيره

اني فارس جنت اصعد على ظهره وانسى الكون اغير بي

مر على عملنا اني وجماعتي خمس سنوات
تعبنا حتى كدرنا ارتب وضعنا وصار المزرعتنا اسم معروف
ويجون علينا حتى من خارج العراق

جنت من ابات بالمزرعه ابقه اتصفح بالنت هو جان شي جديد علينا العراقين
فد يوم صديقي كالي نزل الكوكو برنامج اخظر تتونس بي

صدك نزلته وبقيت اهز بي وحنه نضحك
مر اسبوع عادي
من رجعت لدوام

حسيت بفراغ ماكو نت هنا

ماعولت اخلص ورجع للمزرعه

صرت كل مااهز تطلعلي نفس البنيه كاتبه سارونه الحيزبونه
وصوره كارتون سنو ويات

بقينه هيج الحد ماصارت صديقتي

بعدها اطورت المشاعر الحب
هيه زعطوطه بس خبلتني

حبيتها بجنون

مره دزتلي صورتها اني طلبت منها
هنا الصدمه الكبرى
اخت صاحب مثنى
اعرفها لان اكثر من مره موصلها للمدرسه بطريقنه

بقيت شكد احاول ابتعد بس ارجع عبالك مغناطيس بينه

الحد ماعاهدت نفسي بس اصير بالجامعه اخطبها