Hindi ko hilig ang sumulat
Hindi hilig ang magbuklat
Nang makakapal na aklat
Na sa'ming tahanan noo'y pakalat-kalat
Sa pambihirang pagkakataon
Ako'y biglang naka-ahon
Sa'king pagkaka-kulong sa blankong kahon
At tanong sa sarili'y saan ako paroroon
Isang aklat ang siyang nagmulat
Sa matagal ko nang natutulog na ulirat
Na siyang nagpaalala sa hapdi't sugat
Sa'king puso na sa pagmamahal ay salat
Pinamukha sa'kin nitong aklat
Na sa kabila ng kabiguan'y 'di pa huli ang lahat
Pagkadapa'y may pag-asa sa lahat ng hamon
ng buhay ay 'di nauubos ang pagkakataong ika'y bumangon
'Di nauubos ang bukang liwayway
Sa araw-araw ng hamon ng buhay
Datapuwat sa kalauna'y darating ang takipsilim
Na hindi nangangahulugay katakot-takot ang karimlam ng dilim
BINABASA MO ANG
Tula, Maikling Kuwento at Dagli
De TodoTula mula sa'king napapanahong emosyon. Makling Kuwentong karanasan ko sa buhay. Dagli mga reyalisasyon ko sa bagay-bagay.