Saloobing kinukubli
Kay kupido gustong isangguni
Asintahin ang tinatangi
Nang sa gayo'y makamtam ang lipi
Gabi-gabi sa isipa'y namamalagi
Hinahabol-habol na wari'y nagmamadali
Tamis sa mga labing naka ngiti
Lumbay ng puso'y panandaliang nawaksi
Dukhang tulad ko'y sa pag-ibig kadalasa'y sawi
Pagkabigo't kalungkutan namumutawi sa aking mga labi
Sa hangin laging humihiling
Nananalamin sa tubig ay napapailing
May pag-asa bang maabot ang bituin
Pursigidong makamtan ang mithiin
Sa una kong akda ay iyong nakita
Lihim na pagtingin sayo tila ika'y nabigla
Tugon mo'y pagsawalang bahala
Dulot sa'kin ngayo'y madalas tulala
BINABASA MO ANG
Tula, Maikling Kuwento at Dagli
De TodoTula mula sa'king napapanahong emosyon. Makling Kuwentong karanasan ko sa buhay. Dagli mga reyalisasyon ko sa bagay-bagay.
