غرام العاشق (روايات ليبيه)

المقدمه +الحلقه الاولى

#غرأم_العاشق

#المقدمه_الحلقه_اولى

الكاتبة مــيــرووو احــمــد

🌹"«قــراءة مـمـتـعـة»"🌹

في صاله افراح كانت امزينه وزمزمات ودنيا شايله بعضها وناس ترقص فرحانه 💃وهديك الحاجه رابطه احزامها وترقص بعكوزها 😅
بعد هداك الرقص الكل قعمز داهش من الهز 😂😂😂
قالو العروس بتخش حطو علي اغنيه حسين الجسمي ""لا إله إلا الله الورد الابيض""
ونزلت العروس من الدروج وماسكه في بوها  ونزلت بخطوات هاديه وماسكه باقة الورد والمصوره قدامها كانو العيون الكل عليها وهي تمشي بتقه 😌👑
وصلت لمسرح

عبد القادر: ربي ايهنيك ابنيتي مش حتلقي خير من ولد عمك ماتزعليش من جدك هو يعرف مصلحتك

غرام هزت راسها اكتفت بالسكوت 

بسرعه ما ركبت الجده والام والعمات والخالات وبنات العيله بالمختصر نعرفو اجواء الاعراس اليبيه كيف 
طلع عبدالقادر الي هوا بو غرام
نزلو الكل بعد تصوير وتسليم وتضبيط  تزبطو الجو اكيد 😂😂

ريهام : اضحكي وابتسمي يا خيه اتقول قاعده في عزا ماهو عرسك شوفي الناس كيف امركزه امعاك

غرام 💔: نضحك علي اقهرتي ماهو انتي عارفه كل شي  😢💔

ريهام وجعتها اختها: عارفه حبيبتي بس مطرا اتسايري كلها ساعه ولا ساعتين واتروحي

غرام دمعو اعيونها: بالله ما اتزيدني يا ريهام اشويا وننفجر 💔😢

ريهام مسحتلها دمعتها علي اساس اتعدلها في مكياجها: ربي ايصبرك حبيبتي كل شي نصيب

غرام 😢: النصيب الي ايفرقك من الشخص الي اتحبه ويجمعك امع شخص تاني عليش انسمو فيه نصيب 💔💔

ريهام بحزن: ربي يجبر بخاطرك واينسيك فيه غلط توا انتي علي ذمة راجل معاش اتفكري في الماضي وحاولي اتأقلمي فحياتك الجديده ايهاب شخص اكويس ماتظلمي روحك وتظلميه 💔

غرام مسحت دمعتها الي في طرف عينها: وين هومي

ريهام: امع عمه مصطفى رفعه امعا

غرام: حسيت مصطفى متعلق فيه واجد

ريهام: اي ماهو الحاجه الوحيده الي قعدت من ريحة خوهم هيثم الله يرحمه

غرام: الله يرحمه

وعد:شن اتهدرزو من امبدري 😂

ريهام: شي

وعد قعمزت علي طرف الكرسي جنب غرام وفاتحه الكاميرا: هيا ابتسمي خلي ناخدو سلفي 

غرام ابتسمت وصورت وعد

وعد: طالعه اتجنني يافرخه بالفيلو  😍

غرام بمجامله: تسلميلي وعقبالك يارب