غرام العاشق (روايات ليبيه)

الحلقه 16

#غـرام_الـعـاشـق

#الـحـلـقـه_16

الــكــاتــبــه مــــيـــروو احـــمــد

ايهاب ابتسم ومسك يدي  :اها اصغارنا عشان حبيبت قلبي حامل بثوأم

انا فتحت عيوني علي كبرهن: احلف

ايهاب ابتسم: والله يا ام اصغاري ❤️

انا قعدت نبكي 😭😭

ايهاب ضمني لحضنه: عشان الي في بطنك خلينا نفتحو صفحة جديده مافيها غير غرام وايهاب واصغارهم بس الماضي ننسوه نبدو حياتنا من اليوم امع بعضنا  ❤️

انا بعدت عنه: انت متخيل نقدر انسامحك بسهوله هدي ايهاب الي انت درته فيا مش اشويا دمرتني دمرت نفسيتي كسرتني  انشوف فيك اتوتي لي عرسك لحظة امس انت انت لهي في عرسك وناسيني شن معناها توا بس بعد عرفت بحملي لغيت كل شي

ايهاب تنهد بوجع وحط ايده ع خدي:  لاني عرفت الي اندير فيه غلط

انا بعدت يده:  معاش اتحط يدك عليا وهدا اتفه سبب نسمعه

ايهاب نزل اعيونه بأسف 😔:  مفروض القرار هدا درته من قبل لاني عارف روحي مش حنكمل في الطريق هدي انا من يوم مسيتك عفتها رهف معاش قعدت انفكر فيها غير فيك انتي بس عارف قراري جا متاخر بس اهم شي عندي توا انتي وصحتك بس الباقي ما ايهمني

انا ضحكت:  بجد ضحكتني علي من بتكدب يا ايهاب ره حياتنا واضحه مستحيل ننسا لحظه وقفتك عليا وقتلي عرسي بعد شهرين ولا يوم عرسنا الي مفروض اتكون امعايا حتي لو مغصوب عليا كنت اقل شي احترمتني وقعدت في البيت مش تمشيلها وترضيها وتكسر بخاطري كله كوم ولا ضربتك ليا

ايهاب حس بروحه حقير في لحظه هذي 💔

انا نزلو ادموعي:  تكلم ليش ساكت بلكي كلامي غلط  💔

ايهاب ساكت

انا انهرت نبكي 😭: شفت وتبي انسامحك💔 انسامحك علي شنو بس قول علي شكك فيا ولا خيانتك ليا قدام عيني ولا علي ضربك ليا ولا علي كسرتك ليا علي شنو بس

ايهاب مسك ايدي وضغط عليها: عارفك شايله بخاطرك مني عارف الي درته كسرك لكن اقسم بالله انحبك ياغرام عطيني فرصه بس مستعد انصلح كل شي بالله عليك علي خاطر اصغارنا 🥺

انا 😭💔: انت واحد اناني ماتفكرش الا بنفسك ما ادخلش اصغاري بينا

ايهاب انصدم: كيف اصغارك ماهو اصغارنا انا وياك

انا فكيت ايده:  اها اصغاري ابروحي ماليكش علاقه بينا طلقني معاش نبيك امشي لي الي بدلتني بيها انا واصغاري معاش نبوك شن يفرق بين امس واليوم  ولا عشان عرفت بحملي بري ازوجها مسامحتك مانبي منك  شي غير ورقتي بس خلاص اتعبت منك 😭😭💔