غرام العاشق (روايات ليبيه)

الحلقه 24

#غـرام_الـعـاشـق

#الــحــلــقـة_24  إضافية

الــكـاتــبــه مـــــيــرووو احــــمـــــد

🌺"«قــــراءة مــمــتــعــة»"🌺

إيلاف بعصبيه 😡: دخلني بعد توقفي ع خطيبي يامحترمه يابنت اصول لو تعرفين اصلا

انس: إيلاف سكر فمك وامشي توا انجيك

البنت: اسفه يانس لو سببتلك مشكله والف مبروك ع الخطبه ماكنت نعرف  ربي ايهنيكم نستاذن انا
ومشت قبل ما يتكلم انس

انس شاف لي إيلاف بعصبيه: شن كنتي اتقولي 😡

إيلاف:كني شن قلت

أنس مسك يد إيلاف بقوه: شن صاير في عقلك انتي

ايلاف 😒: اطلق ايدي

انس بعصبيه: شن الدوه الي توا حكيتها خطيبي ما خطيبي وتغلطي في البنت

إيلاف: شكله هماتك السنيوره زعلت

انس عصب: إيلاااااف من لاخر شن تبي 

إيلاف سكتت اتشوفله 🥺

انس  :نحكي امعاك تكلمي لي وين تبي توصلي انتي 

إيلاف ساكته مش عارفه شن اتقوله ولا كيف بتبرر تصرفاتها وخي نفسها مش فاهمتهم

انس 🤨:بتقعدي هكي فهميني النم

إيلاف: ماما تستنا فيا اطلق ايدي

أنس مسح بيده علي وجه ونفخ بملل وطلق يدها: امشي وربي راسك اليابس انكسرهولك 😏 

إيلاف: تحلم صعب عليك هلبا 😏
ومست خلاته

أنس ايشوف فيها تمشي قدامه ضحك وربي مش صعب عليا الباين طحتي امغير اتكابري 😂قلتها من قبل مافيش حد واخدك غيري 🔥 توا انشوفو نهايتنا وانا انموت في اعنادك هذا سبب حبي لك ❤️ ابتسم ولحقها يمشي وراها كل مره يضحك ويبتسم ❤️

إيلاف خشت عطت اعميمه الميه وبعدها خش طول انس 
سلم عليهم وهدرز اشوي 

أنس: هيا ياعمتي انروح بيكن دزني عمي قالي انروح بيك

إيلاف قعدت اتشوفله انس مارفعش عينه فيها نهائي

ماما: هي يا اوليدي  شنو يا احلام بتروحي امعانا ولا بتقعدي

اعميمه:لالا روحي انتي انا قاعده امع ريهام

ريهام: روحي ياعمتي تريحي اشوي ماتخفيش عليا امعاي مصطفى

اعميمه: هو وين مشا

ريهام: مشاء ايشوف الدكتور توا ايجي 

اعميمه: باهي اتصلي بيه ماتقعديش ابروحك

ريهام  : تمام توا انكلمه

طلعو ماما واعميمه وانس وإيلاف قعدت ابروحي 
اشويا وجاء مصطفى سال عليهم قلتلهم روحو وحكالي شن قاله الدكتوره  جو عهود وحمادي جايبين امعاهم شكلاطه وعصير هدرزو اشوي وروحو