غرام العاشق (روايات ليبيه)

الحلقه 9

#غــرأم_الـعـاشـق

#الـحــلــقــه_الـتـاســعـه ❤️

الــكــاتــبــه مـــيـــروو احــمــد

🌹 "«قــــــراءة مــمــتـــعــة»"🌹

الحاج خليفه وقف قدام الكل وجا جنب مصطفى ودخل يده في جيبه ويتكلم

الحاج خليفه: كلكم عارفين العشاء اليوم بمناسبة ربي رجعلي حفيدي من الموت والحمدلله كانت بينه وببين الموت شعرا 💔كلنا خفنا عليه والحمدلله والشكر لربي اليوم قاعد جنبا وامعانا

مصطفى اعيونه علي جده ايشوفله عارف وقفته عليه وراها شي حط في باله انه جده كان بيحكي علي الموضوع

الحاج خليفه: انا بالمناسبه هدي حبيت نهديه هديه بسيطه وطلع من يدا مفتاح وحطه في ايد مصطفى

مصطفى مستغرب في جده : ومفتاح شنو هدا جدي

الكل ساكت ويسمع الا ايهاب يبتسم ايشوف لي خوه

الحاج خليفه ابتسم: امس طلعت انا وايهاب خديتلك سياره عشان سيارتك الاوله تكسرت

مصطفى انصدم ايشوف لجده  : ليش ياجدي امكلف روحك

الحاج خليفه: مافي شي يغلا عليك غير شد صحتك بسرعه

مصطفى :شكرا ياجدي برغم ماكنش لازم يكفى العشاء الي امدايره ليا ربي ايخليك لينا

انس ضحك: شنو ياجدي وسطات بكل توا نمشي اندير حادث عشان انحصل سياره جديده

الكل ضحك عليهم

مصطفى:شنو حاسدني حتي في الحادث

انس يضحك: اها حتي من الجبس الي في رجليك حاسدك عليه 😂😂😂 تفكيت من شيل وارفع وصل 😂

مصطفى: 😂😂

الحاج خليفه رجع لمكان ايشوف لي مصطفى طول الوقت

مصطفى حس هدية جده مش بلاش وراها شي بس ماحب يحرجه قدام الناس

حطينا العشاء وعشيناهم ومر الوقت
.
.
.
.
.

كنت انساعد في البنات نغسلو في اماعين العزومه 
خش ايهاب شايل سفرة الشاهي خديتها منه

ايهاب :غرام وتي روحك بنروحو

انا: مزال بدري قاعده انساعد في البنات

ايهاب: امصدع وحاس روحي بنمرض وعندي بكرا شغل

انا انخلعت: كنك شن اتحس

ايهاب: مافي شي ماتنشغلي غير هيا البسي انراجي فيك برا

إيلاف: كنكم بتروحو توا

ايهاب ضحك: وانتي كنك عازقه وذنك امعانا الهي في خدمتك 😂😂😂

إيلاف 😂: خزي عليك بجديات ليش بتروحو