#صوتك_كأنه_نبض_قلبي 2
گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
****
من يوم الدفنتچ يمه مامرتاح
شلت الهم ييمه منهد عشريني
وطلگت الفرح يايمه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
****
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني
****
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
****
معذوره ياامي وادري ملك الموت
مايعرف رحم لافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليچ قصور
لوما باللحد چا والله شلتيني
احبچ وابقى احبچ لآخر الانفاس
چي من نور وجهچ كملت ديني
وكفو سياره وقريت الاسم
نزلت اول شي سويته قريت سوره فاتحه
بعدها شلت من تراب على راسي
كتلكم خذوووني وياكم ما رضيتو خفتو علي من موته
وانا بلياكم باليوم اموت الف موته
ولك بويه صار ٤٠ يوم ما شفت طولك
يمه كومي اذوني يا يمه احس روحي غريبه بوسطهم
شتموني و ما حسبو حساب اليتيم
ولج يمه من اول سبوع طردوني
ليش ما خذيتيني وياج
احجي واشيل تراب واذبه على راسي بجيت الوادم كلها
رديت للسياره واصيل متخبل
بس ردينا للبصره خابر جواد
ليلى شنو معناها خلي ضل يم جواد
اصيل وعدت ابوج وامانه هاي بركبتي رالله يا ليلى اذا ما اجت طلاكج باجر يصير
احت ليلى ب ايدها اخذتني ومفكره بيت اختي هسا ارتاح وتخاف الله بيه
بس من اذتني سناء زوجة جواد ما اهتم اذيه اخيتي بت امي وابوي ادك بالكلب
(عوده للحاضر)
فزيت على صوت المؤذن نزلت توضيت وشفت ليلى هن و محمد واصيل يتوضون
توضيت وصعدت اصلي كملت صلاتي وركض رديت للفراش يا حلات نومه
كعدت صبح ع صوت اصيل و ليلى كاعدين يسولفون كمت رتبت فراشي ونزلت
ليلى صباح الخير يا ست ستات جا ضليتي بعد
ملاك صباح نور عذروني اليوم تأخرت بنومتي
اصيل وشوراها يا ليلى نامي بويه ورتاحي ما عدنا شي
مو صحبح ليلو
ليلى اي اي صحيح وخزرتني
شرب جاي مالت وصاح اودعناكم
ليلى لحكي نسا جنسيته و تليفونه و باكيت جكاير ركضت ورا اصيل
عمو نسيت غراضك
اصيل هسا اجي لاوعت بالجنسيه مواليد
١٩٨٠ يعني هسا عمره ٤٠ سنه حيل هواي هههه عمو هاي انت شنو
اصيل شنو
عمو عمرك ٤٠
اصيل اي شيبنا
فز كلبي الهاي الكلمه بس انت ما تتركني مو
اصيل لا تخافين رب العالمين يختبرنا يا بويه
وما يأذينا
ملاك الله يخليك النا
اصيل ويخليج النا
طلع وردلي بويه ملوكه انا من كتلج امس الفلوس تحت امرج ليش مشتريه بس ب ٥٠ بويه ترا الفلوس تحت جدمج
ا
ملاك بس انا ما صرفت فلوس
انا هم فطيره ما فهمت سالفه ابد
كتله اخوي جواد انطاني ٢٥ وصرفت من مصروفي
هناك فهمت نكره اختي ليلى تاخذ من فلوسه وذبهن براسي
هو دنك وطلع
رديت بس لا بحجي وياها ونبي طين عيشتي
ليلى حضري الغدا طالعه للجيران شوي واجي
طلعت رتبت البيت بيهم طابقين جوه صاله وغرفتين والمطبخ وفوك غرفتين وكليدور
وبي طرمه بيها الصحيات
رتبت معندي شي من نوع هم نضيفين
سويت الغدا وكعت ع تلفزيون اباوع مسلسلات
اذكر امي جانت ما صخرني هواي ولا تكلي سوي هيج وهيج نادراً ما
حجيتي ما بيه اكوم
الام ولج كومي باجر تزوجين هم تكليله ما بيه
ملاك ما ما ازوج اضل يمج
الام ههههههههه كومي يا يمه كومي
ريتني متت وياج ولا اشوف هذا ضلم يا يمه
شوي ورجعت ليلى
ودخل محمد السلام عليكم
ليلى وعليكم السلام
انا طفيت نار وصعدت للغرفه اجه وليد خاله اريد نمنم
ملاك تعال صبيت الاكل ووكلته غسلتله واجه يمي ينام كاعد من وكت نام ونزلت احضر وي ليلى الاكل
ليلى وليد وين
ملاك تغدا ونام
ليلى احسن حتى لا يشلع كلب ابو
اجه اصيل السلام عليكم
الكل وعليكم السلام الله يساعدك
اصيل ملاك بتجر توصل البضاعه حضرو روحكم عكبه للنجف
ليلى ما بيه اروح
ملاك خفت بس لا ما ياخذنا اصيل
اصيل لا ترحين جواد جاي ويانا
ليلى ما عجبها الوضع وضلت تحجي شعدك رايح
اصيل عصب عليها وكلها انتي متعوده صار ٥ سنين ولا يوم غيرتي بروحج هسا اذا رحت للنجف نقصج شي
انا ساكته ما اريد احجي ولا كلمه خاف تخرب وما روح خلي ليلى شوي ضوج مو شكال المهم اروح ازور امي وابوي
وفعلاً بعد يومين طلعنا للنجف ويانا جواد علي ما اجه مشغول
هذا يسما اخو بس بالاسم ما شفته بعد كلش
وصلنا للنجف زرنا الامام علي وطلعنا للمقبره
قريت سوره الفاتحه وغركنا كلورهم ماي حطيت راسي على رجلي واعاتبهم بصمت ما ينسمع مني بس نحيبي
يمه تولوني وما رحموني اخيتي الهيه اخيتي راوتني الويل
ليش عفتيني اتمنا يا يمه ينفتح الكبر وادخل يمج راضيه بضلامه بعذابه ربي ارحم من هل بشر
كعدت ب النص ساعه
اصيل ما نسمع بس صوت البجي
جواد يلا خويه كافي خطيه هم ينقهرون
ملاك كمت كمت
بويه اجي هذا درب كله حتى اضل يمك نص ساعه بس لو يصير اضل بمك عمر كامل
مشتاتقلك ومشتاقه الكلمه ملاك كلبي
بويه تمنيت ولو ترد السنين اروح وياك وما ضل لحضه
النومه بصفكم تسوه هاي الدنيا كلها بست القبر وركبت سياره عم الهدوء رجعنا للكوفه زرنا مسلم ابن عقيل (عليه السلام) و المختار الثقي عليه السلام
بعدها لليل ردينا للبصره ما نكدر نبات عدهم الولد مشاغل
ركبت سياره شكراِ عمو اصيل
اصيل ولو بويه سويت
تنهدت الي سويته محد سوا الي
جان جواد يخلي ماي للسياره
اصيل لا تحجين هيج انتي امانه الحجي
ملاك ابوي عرف يأمن
وصلت للبصره نمت وثاني يوم كعدت ليلى تبارك بالتليفون وفرحانه
ملاك اصاير
سدت الخط عازمينا ع عرس تماره تماره الي عمرها ١٥ وانتي ضلي
اجاها صوت اصيل خطبوها وانتي رفضتي لو نسينا ليلو
هي سكتت
نصمدت منو خاطبني وليش َقبلت وليش ما ادري
بس طلع اصيل سألتها منو خطبني
ليلى هاا شو فتحتي عيونج
ملاك اريد اعرف منو خطبني
ليلى صديق اصيل
وليش مقبلتي
ليلى هيج ما عجبني ما قبلت
نزل محمد تريك وطلع ما حجيت بعد وياها
بلشت بترتيب البيت
شفت ليلى كاعده ع تباوع ع تلفزيون وشاده راسها
جيبيلي حبوب راس
جبتلها
وسويلي جاي
سويتلها
وصعدت كعدت ب غرفتي
اباوع ع الحيطان واذكر مواقف اهلي
فد يوم عجبني تليفون يصير شكله مثل القلب وحتى علبته قلب ولونه وردي كتلت روحي علي
جان سعره ٨٠ الف
والدي مقبل كال خاف يلهيج عن دراستج
انا غطيت روحب وما اكلت لليل اجاني بوبه غير اخاف عليج
ملاك ما ما اريد التليفون
جان يطلع هاج هذا تليفون بس ازعل اذا شفتج تلعبين بي وتهملين دراستج
بوسته وحضنته وركصت
يلا كومي جبتلج كباب لا تموتين من صبح الهسا ما ماكله شي
اووف يا شمعة حباتي مستحيل يجي انسان بحنيته
لو امي اوووف يا امي ايرد اشتري فستان
يلا بدلي نزلنا للعشار وشترتلي كل الي بنفسي
فزيت على صوت ليلى تسولف وي اصيل وصيحلي اصب الغدا
كعدنا ناكل
اصيل اليَم البيع الحمد لله
ليلى اي شعبالك انا من يوم يومي وجهي خير عليك
اصيل انتي وين اكو منج
اصيل ونعم زوج ما زعل ليلى بيوم واذا تعاركو ع شي بسيط ليش تطلع وي صحبانك ليش تتأخر ليش تروح للكهوه
وهو يراضيها بكلامه المعسول
محمد كاعد ويباوعلي بنضره غريبه
انا هم بعد ما باوعت ستحيت
لمينا الغدا وكمت اسوي جاي و اغسل المواعين
اصيل الجاي جيبو للطرمه
محمد كوم وياي
كعدو بالطرمه اي كلي شنو وضعك
محمد بخير
اصيل عينك على ملاك
محمد من زمان بس اخاف من نسرا مرتك طلعلي عيب
اصيل هههههه لا هي طلعلك بس انت تحمل
محمد انا هاي اخر سنه كليه اخلص واخطلها واسوف شنو وضع اهلها
اصيل نصبحه روح ل جواد واخطب ليلى لو درت تخرب الاول وتالي
ا
محمد هم فكرت هيج
اصيل وشنو تشتغل
محمد محتار
اصيل انا اساعدك خوش الحمد لله انت عنزك نص هل بيت
جمعلك كم فلس واجراك محل ونترسه الك بضاعه والرزق كله بيد الله
محمد ونعم بالله
اصيل والله هل بنيه مسكينه طيحها بيد من لا يرحم
محمد مرتك خبيثه
اصيل بويه سد حلكك لا نام اليوم بالشارع
محمد هههههههههه لك نسره بعلي
اصيل بس انا اروضها
محمد ذهب ابو وليد
وصل جاي بتسمت الها
محمد
انا محمد عمري حالياً ٢٤ سنه طالب قانون
حياتي مثل اي شاب لا تخلو من البنات و الصداقات لكن
الانسان من يحب الي يحب من كل كلبه يتوب
وانا حبيت حبيت ملوكه وصدك ملاك بنيه تخبل
دبدوبه وبيضه عيونها عسليه وصاحبة ابتسامه تخبل
اول ما شفتها ما حسبت لهل احياس ولا جنت اركز بجمالها
بس من حبها كلبي صارت هي كل الكون
وصلني الجاي شكراً
ملاك العفو عمو اصيل ليلى تكول اريد مسواك للبيت
اصيل تدلل العصر اروح
رحت ورديت ممكن طلب
اصيل امريني
فدوه جيبلنا وياك طحين شفت كيكه بالنت وعجبني اسويها
اصيل تدللين
محمد انا طالع اشتري كم شغله واجيب طحين
صعد اصيل وليلى الغرفتهم واجه يمي وليد يلعب ب الايباد
انا عندي تليفون وبي فيس بوك و بي كلشي وعدنا نت اصيل ما يخلي نت يخلص
بس يخلص يخابر يكول هو بس هذا ونستكم
وفعلاً النساء بالعراق ونستهم بس نت كاعدات بالبيت وين يرحن
اجه طحين وكمت اسوي حسب تعليمات ونتضرتها
وكل شوي افتح الفرن شو هاي ما نفشت خرب نتضرتها تطلع شوي نفشت
طلعتها ستوت من برا كلش
( راوني تفاعليكم واذا تحبون ننشر صور الابطال هم انشرلكم)
