#صوتك كأنه نبض قلبي ٥
ريه وتريد انفاس محتاجه شمه
هوه اليتيم شراد؟ بس ريحت امه
ابو قاسم الملا
تهون عليج المصيبه بويه
ملاك الحمد لله على كل حال
محتاجه شي فلوس الله عليج لا يردج غير السانج
ملاك سلامتك عمي
كام يريد يطلع
صحتله عمي
اصيل امريني
ملاك ما يامر عليك لا ضالم ولا عدو عمي انا بدونك اضيع لو ما انت جان ليلى كطعتني وصل وذبت كل جزء بمكان
اصيل هههههههههه ما شوفيني ما احجي وياها
ملاك ههههههههههه
طلع اصيل ورده هل رجال
لليل راسلني محمد شلونج
زينه
ترا شتاقيتلج
ملاك تشتاقلك العافيه
ما جاوبتيني شنو تحسين تجاهي
ملاك امممممم
ترا ما اريد ال ممممم اريد رد
احس بحساس حلو من احجي وياك
محمد شنو هل احساس
ملاك فدوه محمد ما اعرف اعبر
محمد هم تخافين من ليلى
ملاك يبووووو
محمد ههههههههه
ملاك اروح انام
محمد نوم العافيه
ايامي تمر هادئه
ليلى ع وضعها ما تغيرت ابددد
عصريه وجو حلو فرشنا فراش. كعدنا بالطرمه ندك الباب ام اصيل وزوجة ابو عمار جت وبوستني الحجيه تدرين شتاقيتلج
ملاك تشتاقلج العافيه خاله يشهد الله من تجين افرح
ام عمار جا احنا مالنا سلام
شون ما الج كمت بوستها و كعدت سوالف ويانا
بنيه خلوقه الابعد حد تحب سولف وتضحك
جذب نضري كل شوي ترد ع رسايل ووجها ضاحك
جان كلتلها ليلى ابو عمار ما يفك ياخه شوي
مريم لا و الله جاي ارسل خواتي فدوه العمرهم شتريتلهم شغلات وفرحن بيهن
ملاك بتسمت بحزن ما اريدها تشتريلي بس اريدها تحبني تخاف الله بيه
ردت ليلى ياااالله يخليهم الج وطكتها ضحكه حسيتها ضايجه من شي
لليل وصلهم اصيل رحت انام صاحتلي ليلى بالغرفه
ليلى سمعي باجر الصبح نطلع للكوت انا و اصيل اريدج ديرين بالج على وليد نرجع باليل
ملاك حاضر
محمد ما راح يجي يضل يم اهله عازم اصدقائه هناك
ملاك تمام
طلعو صبح سديت الباب و كعدت ارتب شوي شوي وليد وكح صاير افتر ورا وقت المسلسل هدء كعدت اباوع شوي للعصر مليت وحدي اكلب بالفيس بوك
سألت البنات ليش ما نفشت الكيكه عندي و ليش خربت
كلولي خاف فتحتي الفرن خطيه ميدرون كل ٥ ثواني افتح الفرن ههههههههه
كلولي لازم اول ١٠ دقايق مينفتح
عندي مواد كل الكيكه سويتها ومفتحت الفرن وانا ادعي بلكي صير وجان اباوعلها يا بويه صارت ههههههه
فرحت طلعتها وانا خايفه لا بطنها معجنه
كصيتها بطنها جنن ضكتها حيل طيبه كصصتها
وحطيتها بعلبه الكيك نمت شوي للمغرب ندك الباب
الحمد لله ع سلامتكم
ليلى وين وليد
اصيل الله يسلمج تعاي شوفي شنو جبتلج
دخلت ليلى تلبسه التراكسودات المشتريتهم واصيل جايبلي شكالات و محبس كلش حلو
باعي انا ما اعرف بسوالف نسوان عجبني وجبتهن الج
ملاك يخبلن شكراً عمو الله يخليك النا
ركضت جبت الكيكه والعصير باعو سويتها ونجحت هل مره كله اصيل
يا بويه احلى من جاهزا
ليلى شعجب ما حركتيها لو معجنه ادري بيج ثوله
بس صدك طيبه بتسمت الحمد لله اي علموني بالفيس بوك
اصيل هذا نت شكد بي ي
سيأت بس بنفس الوقت بي حسنات
بويه انتي ديري بالج على روحج
( عرفته جاي يحذرني بس بطريقه حلوه)
لا يدخلج شاب ويكلج ممكن دقيقه من وقتج
ولا يكلج ممكن سؤال
ولا يكلج انا فلان وعندي املاك اووو سوالف الولد ما تخلص
ليلى ضاهر مسويهن
اصيل ميحتاج اسويهن عندي التسواهن كلهن
هي ابتسمت وانا هم بتسمت ول يابه عمي اصيل يعرف يضحك عليها هههههههه
جهزنا العشا تعشو ونامو جانو يباركون الصديق اصيل ولدة زوجته
بليل وصلني مسج الكيكه تخبل
صدك
اي و الله تعجب اريدج تتعلمين اكثر انا احب الحلويات اريد يوميه تسويلي من نزوج
فز كلبي من نزوج هم يجي يوم وازوج واخلص من ليلى تدلل
محمد يعني ترديني
ملاك هههههعههههه خليني انام لا سويني ليلى باجر كباب
لفيت راسي وكعدت صبح ليلى تعبانه مالها خلك ودايخه
صارلها فتره هيج كتلها خاف حامل
ليلى مو حامل سويت تحليل منزلي
روحي دكتور
ميحتاج هو الم كل شوي يجي ويروح بكيفه
ايامنا تمر هادئه
وليلى الما تخلص مشاكلها
بيوم ابو عمار عازم اصيل وهي دكت رجل متروح ستغربت غير اخو
ليلى ما تروح انت تدري هسا خوات مرته جايات ولا تخليني احجي عن ماضيهن الوصخ
اصيل شو ما تعرفين تحجين انتي
ليلى لا اعرف احجي
اصيل بويه ترا سالفه قبل زواجنا
ليلى وكعدت تنبش
اصيل محد نبش بويه
ليلى ما تروح يعني ما تروح
اصيل بدلت ونزلت ضربي راسج بكل حيطان البيت
طلع وهي تتحسب ع زوجة ابو عمار وخواتها ستغربت من ردة فعلها بس خفت اسألها
لليل رد اصيل وهي شايله خشمها ودخلت للغرفه وقفلتها
حضرت العشا و صحتلها جاوبتني ما اريد روحي وكلي بس وليد كعدنا ناكل
اصيل مقبلت تجي مو
ملاك لا
اصيل عوفيها على راحتها
محمد اكول العشا طيب
اصيل هههههههه
ورا العشا نزلت وكعدت تباوع ع تلفزيون
اصيل من نوع ميقبل تلفزيون بالغرف يكول هي الغرفه هلكدوتها وتختنك بتلفزيون بالصاله والكل يتفرج
حتى من يشوف محمد يباوع افلام ع جهاز ميقبله يكله عيونك
اصيل بويه اليوم محد يقلدلنا
ردت ليلى من عمايل ايدكم
اصيل حبينا كبل كفرنا
ليلى لا بس ما نرد نحب
اصيل اصلاِ محد اجه
جان تطفر ما اجت هاي المسلبحه
اصيل ههههههههه محد اجه تغارين يا ليلى
ليلى انا اغار من مراه و
شنو واغار منها بشنو احسن مني
اصيل جا خلي اخابرها
ليلى حتى اسوي المنطقه فاتحه اليوم
هههههههههههههه
محمد ام وليد اذا ضلين هيج تموتين
ليلى هو اخوك شخال بيه
اصيل خذيتج لحم ذبيتج عظم مو
ليلى اي والله
اصيل حافظ كليشتج كلها
شو تعاي باسها من راسها انتي الاصل وانتي ام بيتي شبيج يول اكو واحد عنده الرمان ويروح يدور فراوله
ليلى اصيللللل
عيونه الاصيل روحه الاصيل
ملاك انا اباوع واضحك عليهم عمي اصيل يداهرها وهي معصبه بس راضها بالاخير وصعدو للغرفه
محمد يمته تجين الغرفتنا
خجلت
محمد هانت بس هل سنه و اطلب ايدج ونشوف شنو يصير وي اختج
ملاك ترا اذا درت ليلى مصيري....
محمد اعرف راح اروح ل جواد ونشوف شنو يصير
الله يقدم الي بي خير
محمد احبج
ملاك تحبك العافيه
محمد ما تنطيني علك حجيه
شو اكلج احبج تكليلي تحبك العافيه كاعد بمزار شنووو
ملاك ترا ما اعرف اعبر
محمد راضين بويه راضين
اصيل
عود من جان عمري ٢٢ سنه
زوج اخوي ابو عمار و جانت اخت زوجة ع طول تجي يمنا بنيه حليوه تخبل طويله وعيونها صفرررر تموت وشعرها اصفر اصفر ليكلك امريكيا
جانت صغيره بعمر ١٣ سنه حبيتها حيل
فتره وحاولت اتواصل وياها احجي وياها
بس هي ابددد قافله
عدة سنتين وكبرت هي شوي ضلت تفهم علي و تبادلني نضرات لو صار ليل اروح يم بيتهم اشوفها
ونسولف جنت طايش افكر برعونيه
وبيوم لبست وطلعت الهم وشفتها بالباب دنيا ليل وجان عمها جايلهم زوجته متخربطه وجاي ياخذ سيارتهم
وشافوني سوو الدنيا ضلمه و خذو زوجة ابو عمار
واخو جبير ضل يحجي علي
اصيل انا اريدها
ابو عمار ولك انت تعرف شنو زواج مسؤليه و زوجه واولاد وفتح بيت ولك انت ما تعرف تركز بدراستك تريد تركز بيت واطفال
اصيل مو شكال نخطب هسا وبس اخلص دراستي اخذها
ابو عمار لزمته من قميصه شوف ولك اذا شفتك بعد هيج سوي وي بنات ناس حلكك اشكه وحق الله اتبرا منك لك سرسري خاف الله بنات ناس
وانا جنت متخبل اريدها ليش رافضين
ايام وادك عليهم وامي راحت تطلبها الي وترد زوجته اخوي ابو عمر
كلولها البنيه عرست
نجنيت من شايفيها وياي جان جيرانهم خاطبها وموافقين علي ونطوها الى سنتين ضليت ما احجي وي ابو عمار ومتخبل عليهم يوميه انام بمكان
من اذكر هاي الايام اضحك على روحي خذيت الموضوع بتسرع و بغريزتي فكرت ب اندفاع مثلي مثل هل شباب
ومن يومها قررت افكر صح وتعلمت روحي على خساره
فزيت على صوت وليد يبجي
ليلى وليد
ليلى كايمه
فتحت باب و صارت ملاك بوجها مصخن ترا
اصيل سوله كمادات طالع اجيبله دوه
ليلى وين رايح هسا حتى ماكو صيدليه
اصيل صيدليه المستشفى اليمنا خفاره بيها
طلعت شتريتله العلاج رديت
لكيته نايم
ليلى ليش هيج صار
اصيل وشنو الصار ماكو طفل يصخن يمعوده نصخن ونتمرض و ندخل مستشفى جا هو البشر شنو واكف بقدره الله
سكتت هيه
ملاك والله مثل يوميه ادفي و اديري بالي عليه
اصيل هذا مو دورج بويه دورها بس شسويلها كاضيتها علي ميصير ينام يمنا
سكتنا احنا للصبح تحسن وليد
من صبح اجت الحجيه وكعدت سولف ويانا
بس هل مره نضراتها غير تباوعلي وهي فرحانه
سوينا الغدا وك العاده من شافها اصيل تخبل عليها يداريها مثل طفل ولو كحت جن كلبه وجعه يصيحلها كله اسم الله حقه الام ما تتعوض
للعصر ردت للبيت بس من طلعت بوستني وكالت اتمنا اصيرين بيتي
بتسمت الها من طلعت ليلى كلتلي شتريد منج
ملاك تكلي ديري بالج على روحج
ليلى ما مرتاحتلج
عفتها وصعدت الغرفتي شغلت اقرايه الملا باسم اليوم روحي ملهوفه على امي مشتاقتلها اريدها تزورني بالحلم
عوده قبل ٥ سنوات
من رحت وي ليلى البيتها اول فتره كلش زينه وياي ودللني و تخاف علي كلت ربي عوضني بأختي
بدت شوي شوي اشد وياي تعلي صوتها علي
بيوم اجو عيالها عدها خطار و هي طاحتلي رزايل وثوله وعوبه
الحد ما زعل ابو عمار وطلع كلها انتي جاي تهينينا وطلعين حركتج بالبنيه
هنا بلشت وياي بالحقاره
اصيل جان يعصب عليها ويمقبل بس بعدها ضل ياخذها بالمسايس
واول مره كلتلي طبخي ما اعرف والله
ليلى لا اشوف دخلي للمطبخ وغصباً عليج اطبخين
وبدت تعلمني شنو اسوي بس طلع الاكل ابد مو طيب ومعجن ضلت تغلط علي وعلى ابوي
اتصلت على جواد وحجيتله اجه علي بساعتها وخذاني البيتهم
وهنا شفت الفرق بين شيطانين
بين ليلى وسناء بين الخبث ب ام عينه
سناء جانت تتفنن بالحجي وانا صغيره ما اعرف شنو اسوي استحي ارد التزم صمت عمري ١٥ مكسوره والدي والدتي تركوني بعمر قاسي ضليت احس كل الحوالي وحوش والكل يكرهني...
يتبع.....
البارت ١٥٠٠كلمه البارتات جايه ٣٠٠٠ كلمه
يلا انطوني رأيكم بالبارت ❤️❤️❤️❤️❤️❤️❤️❤️❤️❤️❤️❤️❤️❤️
