#صوتك كأنه نبض قلبي ٤
غابت شمسنه وصفت . دنيانه بس الليل
لا مر علينه الگمر . لا مرنه نجم سهيل
يا بويه هاي البشر . ماخذها روج السيل
شيگضّي هذا الوكت . والدنيه كلها جروح
بيّه كآبة غُرب . يحلالي بس النوح
(ابو قاسم الملا)
ملاك سلامت كلبك
محمد يا ويلي اليوم انام براحه
ملاك فدوه خلي اروح لا اكعد صبح نعسانه
محمد نوم العافيه الله وياج
سديت الخط معقول الدنيا ضحكتلي اي اي ضحكتلي و الله
اصيل كعدت صبح تريكت وطلعت الشغلي
انا اشتغل بمحل ملابس بالعشار
الناس هنا كلها تعرفني وتحبني ما عندي اذيه وي احد
ابو صالح هلا ابو الوليد صباح الخير
اصيل صباح الورد
ابو صالح تعال نشرب جاي سوه
اصيل جايك
فتحت المحل رتبت شوي ورحت يمه كعدنا نسولف
شوي
محمد رحت للجامعه وانا طاير من الفرح
هيج وصير بين ايدي اوووف شكد حلوه دبدوبه تخبل
دخلت للمحاضرات و انا افكر بيها كلشي ما فهمت
خلصت محاضرات ورديت للبيت كبل دخلت لكيتها بالمطبخ تحضر الغدا شهل ريحه الحلوه
ملاك الله يساعدك
ويساعدج بطوطه
ملاك بخجل فدوه لا شوفك......
فلك اسود شيخلصني منها
ودخلت للغرفه ادندن
ليلى سمعت محمد يغني
ها هذا شبي عشكان
ملاك ما رديت عليها دخل اصيل كال مو جوعان ماكل وي صديقي بس اريد كوب جاي
ليلى كومي سوي جاي
ملاك اجيت اكوم ضلي بويه ع الاكل انا احمي واصب
لا عمو لحضات كمت حميته وصبيتله
رحمه الذاك الاب طيب بتسمت
محمد جا اذا هاي كلمه تونسج كل شوي اكلجياها
ملاك هههههه ابوي جان ماكو منه افرح من واحد يترحمله
كعدت اكل واوكل وليد
اصيل اريد انام بشرفكم ما اريد هوسه
هو صعد زلمه ينام ووليد توكح فجأه وجان تصرخ علي ليلى ابوك نايم
وفز اصيل من صوتج كعدت بويه ما سكتون شوي شبيكم
ليلى شسويلك غير ابنك تخبل
اصيل تعال بويه حتركت روح امك
ليلى هيج صارت
اصيل غير انا روحج حتركت انا
ليلى شهكت اسم الله عليك
ندك الباب دخل علي ستغربنا صار هواي ما شايفي
ليلى يااا ذكرت عندك خوات
علي حقكم علي باسها وباسني
بس شكله ضايج
اصيل صبولنا جاي وخلونا وحدنا
علي شلونك ابو وليد
اصيل بخير
علي انا محتاج مساعدتك
اصيل ما اقصر وياك
علي انا محتاج مليونين وضعي كلش مو زين وديانه فوك راسي
لحضات من الهدوء وجان تهد ليلى الكاها منك من اختك
كلكم مجاديه تفترون فوك راس هل زلمه
اختك يمي وانت جاي تطلب مساعده كوم كوم اكول مو ا
ل الله اجيتنا
طلع علي وهو خجلان بس اصيل تخبل وعاركها
اخيررر مره واحد طاب بيتي وطردي اطيح حظج فهمتي صايره عرمه فد نوب دخل للغر فه خذه فلوس وركع الباب وطلع وهي كعدت بالصاله دك وتلطم وتندب حضها
اجت تكوم داخت ركضتلها بيج شي
دفعتني خايبه ما تولين حتركت امج وابوج ع ساعه جابوج بيها
من تغلط على امي وابوي تخليني اشيط
تشعل روحي بناررر و تدفه بيها احسها
عسا كون الله لا يوفقج يا ليلى مثل ما تحركين كلبي كعدت بالطرمه ابجي فوضت امري الى الله ودخلت للبيت
اصيل طلعت من البيت وخابرت علي وينك
علي لا تهتم ابو وليد
اصيل الفلوس بأيدي يمعود لا يخطفوني وليلى تكرع روسكم ههههههه
علي صدك انت اصيل انطيته العنوان
اصيل تفضل ولا تفكر بيهن وقت ما تحب تردهن ردهن يا خوي
علي مدري شلون اجازيك
اصيل لم روحك ودير بالك ع عويلتك بهل طريقه جازيني
عفته ورديت للبيت
ملاك دخل اصيل صاح بويه ملاك
ملاك الله يساعدك
اصيل ويساعدج بويه كلاص جاي
ركضت سويتله ونزلت ليلى شاده راسها
رتاحيتي من سويتي مصيبه
ليلى انا سويتها لو هم يجون علي
اصيل وشنو بيها لو اجاني مو انا زوج اختهم
ملاك تخليني اتفركس ما جن هي اختنا
اصيل يحبنا وهي لا
ليلى وشنو خلفتهم ونسيتهم
اصيل ولج هاي دنيا كلها سلف ودين
وكما تدين تدان
باجر دور دنيا هم الكالي ابن حلال يساعدني هي سكتت
شو تعاي يمي شبي راسج وباس راسها تفضل عمي
ليلى سويلي انا هم
مشيت اسويلها جاي عسا سم وزهر مر
دخل محمد وبيده حلويات الي ول وليد
وهذا ثاني منا يدلل شنو وضعكم
اصيل بويه محمد اخذ الالماس الجبته ل ملاك ولج هنا حلويات شبيج حضنها بس لا تنقهرين عوينت ابو الحلويات اجيبلج باجر محل
ضحكت هي وطلعت انيابها علينا
كعدو شوي يسولفون سوينا العشا وكعد يسولف محمد هاي اخير سنه ان شاء الله يتخرج ويزوج
ليلى وزوجك ب ايدي
محمد ان شاء الله
بعدها غسلت المواعين وصعدت للغرفه
الصبح ساعه ٧ طلعو و اجت ام اصيل
دخلت هل مره بس ريحتها كفايه تخبل هي وريحتها ومشيتها وبكل خطوه صيح اللهم عجل لوليك الفرج
بست راسها وسلمت وكعدت سويتلها جاي ب ستكان وكليجه وكعدت تسولفلي شون اجت وتعبت بالطريق
بوست وليد ونطته مصرف نزلت ليلى باست راسها ليلى ما زعلها تخاف عليها وتخاف من رد فعل اصيل اصيل موتو بس لا تتقربون الامه
خابرت ليلي ع اصيل وكلتله الحجيه هنا
اصيل لا سون شي راح اجيب سمج شوي واجي
وهي كعدت سولفلنا شون جابو خبر اخوها استشهد بحرب ايران حيل نقهرت عليها ضلت تبجي
وردت هنوب تضحك اكول شكد حامله هموم خطيه
كتلها خاله الله يساعدج
ردت ويساعدج يمه
كمت رتبت البيت وغسلت الطرمه دخل محمد شلونج يا حلوه
ملاك الحمد لله امك جوه ركضلها اسمعه شون يبوس بيها ويغنيلها
طبخت تمن وحضرت حبشكلات الغدا
وصل اصيل صبينا الغده
وكعدنا ناكل ويسولفون همه واصيل يفلس ويحط كبال امه
باوعت ل ليلى ضاجت بس ما حجت شي هي تكدر تحجي حتى اصيل يسويها ضلمه عليها
فد مره سمعها دردم بس الامه يروح ويجيب ويحط سوه البيت غضب اسووود
اصيل رجال معدل يحب ليلى وما يزعلها بس هو يكول امي خط احمر
امي تعبت وربت وحدها ابوهم مات وهم صغار ما تزوجت ربتهم احسن تربيه
وزعل يومين ما رد للببت الحد ما خابرته ليلى وكلها انا ما طالع زعلان بس امي خط احمر اليدنا يم امي احسب الله ما خلقه ولا حط محبه اله بكلبي سمعتي
ليلى حاضر بس رد للبيت بدونك وحشه
نتبهت حطلها سمج كبالها هي بتسمت
اتخيلها من تبتسم مثل الساحره شريره تكشر عن انيابها
خلصنا الغدا وشلت صينيه كومي ليلى سويلنا جاي
ملاك مسويه عمي بس اصب لحضات
محمد رحمه على ذاك الاب الطيب
ملاك بتسمت فدوه الصوتك حجيتها بهمس صبيت الجاي وحطيته ورحت اغسل مواعين
ام اصيل يمه تراها بنيه حلال ديرو بالكم عليها
ليلى ميحتاج توصين حجيه هاي اختي
العمه انا خايفه منج يا ليله
ولدي اعرفهم يخافون الله باليتيم الى انتي محد يفلت من ايدج لو نسينا
ليلى سدي الموضوع عمه
كامت ليلى اجت يمي
اصيل اكلج يمه انا قبل فتره حلمت ب عمي
الام اي شنو الحلم
اصيل يمه عمي اجاني و هو وجها عبوس وسلمني قماش اسوووودد وراح لحضات يمه لحضات وردلي وهو يضحك بوصله بيضه والوصله السوده خذاها من ايدي وبدلها بالبيضه
الام هذا الحلم لا سولفه وانطي صدقه يمه
اصيل خوفتيني
الام عمك يريد ياخذ واحد من بيتك
اصيل بالي صار يم ملاك لا حول اله
الام
ادفع صدقه
اصيل كمت على حيلي ركبت سياره ورحت دفعت صدقه الحلم هذا من يوم الحلمته غثني وامي خوفتني بزياده
رديت للبيت وافكر بهل مسكينه ما شافت شي من دنيتها
شافتني ها عمي وين رحت
اصيل رديت ههههههه
ملاك اصبلك جاي
اصيل اي و الله رحمه الذاك الاب طيب هي ركضت استغفر الله كلمه تفرحها
سوتلي جاي وجابته
للعصر امي طلعت وانا رحت للكهوه يم اصدقائي
ملاك حطينا الزوالي وكعدنا نغسل هسا احنا بدايه صيف نغسل الزوالي شتويه
بديت اغسل وهي تأمر هيج وهيج فركي
وليد يريد يلعب ما قبلت
ملاك خلي يجي يلعب وانا اشبحه وابدله
ليلى روح يمه اجه يلعب بالصونده والصابون الي ع الزوالي تونس حبيبي
خلصت غسل متأخر وما مسوين عشا
ليلى بس تخلصين غسلي طرمه وسوي عشا
ظهري نكسر نصين وهي ما ترحم ما حجيت وياها اعرفها بس راح تغلط
دخل اصيل انتي سوي عشا هي خلصت الزوالي اريد اليوم عشا من ايديج الحلوه الجنهن كاهي
هي بتسمت وكالت اسوي العشا باوعت العمي اصيل بتسمت
تقربت منها النسوان يحبن واحد يدلعهن
ملاك عمي يوميه دلعها هههههههه
اصيل لج ضحكتج حلوه
ملاك شكراً دخلت بدلت ملابسي اجاني مسج من محمد مشتاقلج
تشتاقلك العافيه
خلي اليوم نتخابر
اخاف ليلى تسمعني
طيب نزلي اليوم بليل شوي جوه بس احجي وياج
لا فدوه والله اذا تكضني تموتني ونبي
محمد شووون نكضيها هيج
ملاك فدوه اصبر علي
محمد اصبر العمر كله والله احبج
ملاك.....
محمد شنو تحسين اتجاهي
اريد اكله احس بسعاده من احجي وياك واجاني صوتها ملاااااااااك فزيت ضميت تليفون ونزلت هاا
خلصت بس صبي الاكل صبيت وكعدنا نتعشا و محمد ما شال عيونه عني وانا خايفه لا تكضه الساحره شريره
بس فدوه النضراته يخبل
خلي اوصفلكم محمد
محمد طويل بس ما عنده عضلات بس وسيم حيل حلو ونضيف النضافه عدهم فد شي هو واصيل
عيونه سود وشعره اسود
ليلى وين صفنتي مو جاي احجي وياج
كولي
ليلى كالو على كبرج الشهاده
اصيل الله وكبر بويه مو هيج الحجي
ملاك قهرتني بكلمتها كمت من العشا
اصيل انتي شنو ما تحسين
ليلى جا مو جاي احجي وياها
محمد تركت العشا وصعدتلها دكيت الباب
ملاك فتحتله الباب
محمد يروحلج فدوه محمد وعشيرته لا تبجين
ملاك ما بجيت
محمد وتكابرين هم
سألتج وما جاوبتيني اجه صوت الكاتيوشه طشرتنا
ملاك هههههه
محمد بويه ضحكه لو شمس طلعت بعد المغيب
ملاك هاي انتو كلكم هيج تتغزلون حلو
محمد الي يشوفجن لازم يتغزل بيجن حسن مو بأحد
سمعنا صوت اصيل ع درج نزل ع سريع محمد
اجه اصيل كعد يمي زعلانه
ملاك لا
اصيل ترا اختج خبله ما شوفيني ساكت خاف احجي ودجني بالليل
ملاك هههههههههههه
ضحكي بويه دنيا خلصانه
ملاك عمي تدري ساعات اكول ليش ما خذوني وياهم ليش خلوني اليلى تهين بيه
اصيل هاي دنيا نضامها تعب الوادم محد عايش مرتاح ممكن انتي تكولين محد عايش مثل ضيمي بس لو تسمعين مصايب ناس
يتبع......
يلا راوني تفاعلكم
ملاحظه البارتات هل كم بارت قصيره بعدها راح اصير ٣٠٠٠ كلمه للبارت ♥️♥️♥️♥️♥️
