صوتك كأنه نبض قلبي ٢٢
لچموا...
كلبي بحجايات
حتى بنومتي يصلن "
ملاك باوعلي وفز وصاح وين الحادث
باوعتله هسا جايين
قريبين عليكم
كل للسايق طير
جواد _ يابه اريد نفهم شنو صاير
ابو عمار _ السياره البيها اصيل مسوين حادث
وكل الي بالسياره متوفي
جواد_ باوعلي لا نزلت مني دمعه ولا نقهرت
ولا حسيت ب اي احساس مجرد عرفت رب العالمين جبر بخاطري
زوج عمتي _حوبه اليتيمه قابل قليل
ابو عمار تخبل وصلنا يم الحادث و سيارات الاسعاف
نزلو كلهم لا باوعت ولا نزلت ولا اي شي سويت
حاطه بنتي بحضني واسبح بسبحتي لكيت روحي اكول شكراً يا الله
شكراً يا الله جنت اكول ما عندي حظ ولا راح يجي يوم واشوف حقي
بس شفته
رد جواد وعلي كل شوي واحد منهم يباوعلي ويضرب على فخذه وصلت للبصره
بس نزلت ركعت باب البيت وكتلهم ربي ما ضيع حقي ولا نساني مهلهم بس ما هملهم طعنو بيه واذوني و ذلني
ربي ما قصر ولو ميت هاي حوبتي ولو عايش ربي لطف بي الخاطر اولاده وانا من اليوم راح البس علي اسود لئن هو مات بالنسبه الي
رديت البيتي الدمعه ما نزلت بس صليت الربي وشكرت ربي لئن طلع حقي تعجبت ع قسوة كلبي
بس هاي القسوه هم الصنعوها بيه هم الي خلوها تستفحل ع كل احاسيسي
"جواد طلعت الهم
زوجته وشعندك رايح بعد سواه بيكم
_مهما يكن اله وكفات حلوه ابو وليد
_طلعت وخابرتهم يابه شنو الاخبار
كالو زوجة ابو عمار متوفيه
وزوجة ابو وليد مكطوعه ايدها
لا اردياً كتلهم يا ايد
كالو بعدنا ما نعرف
سألت واصيل
اصيل الحد هسا بغرفه العمليات
"ملاك"
صبحت الصبحيه صليت وقريت قرأن وانا احس بحلاة دنيا كعدت ع درج ولاولاد يلعبون يمي كعدت العب وياهم طوبه
ومتونسه وويانا سناء شطولها تبين من سياج البيت
ميحتاج نكول منو بالباب سناء شوفه من ورا الباب
سناء_ فلك طرج خايبه اخاف احجي عليج لا شورين بيه
ملاك_ هههههههه اي شعبالج كرفتهم
جواد وصلت للمستشفى شفت مراه جبيره واكفه شايفها عرفتها ام ريم السلام عليكم
وعليكم السلام المراه هلكدوتها
تبجي ما تعرف تروح للطب العدلي
لو تضل يم بتها
ضلت تبجي وتكول حوبت اخيتك ما عدتهن
كتلهن يمه يتيمه والله فوك الراس محد سمعت
اذنها وخربن بيتها يمها بتها صغيره
تكلها يمه مو وقتها
طلعو ريم باوعت الايدها مكطوع جفها الايمن كله
الجف الي حلفت بيي
خابرت ملاك
ملاك_ جواد يتصل رديت ها جواد
جواد مبتوره ايدها ايدها الي حلفت بيها عليج وطعنت بشرفج بتروها
ملاك _ بس ايدها حسافه تمنيتها تموت
جواد _اسراء انطتج عمرها
ملاك_ الى جهنم وبأس المصير
جواد _وحبيبج بغرفة العمليه
_انا ما عندي حبيب انتو احبابي و اهلي وناسي هذا الي بغرفة العمليه ما اعرفه
جواد ارتاحي يا خويه ربج ردلج حقج
سديت الخط وانا مرتاحه بيه راحه لو اوزعها للعالم كله ما تخلص
جواد _ ٥ ساعات ياله طلع من غرفة العمليات
طلع وشفته رجله بيها بلاتين و ثانيه مكسوره ثنينهن مكسورات
وجها حيل متأذي وكالو كتفه مخلوع
جسمه بي جروح قويه
الي عرفته وياهم عائله جانت كلها ميته بس بنيه طالعه منهم
ضليت يم اصيل اباوعله وانا اكله ضلمت اخيتي ليششش
ساعه ١٢ بليل فز من نومه فتح عيونه وضل يباوع للسقف شفت دموعه تنزل ها ابو وليد
"اصيل"
نزلت من السياره جان بالكراج سياره يصيحون بصره بصره صعدنا ستاركس الستاركس صغيره وضيكه صعدنا وويانا عائله بس ٣ كراسي ناقصها انا و اسراء وريم
من صعدنا شفنا العائله متوتر الوضع بيناتهم
واكو بنيه خطيه تبجي صغيره يطلع عمرها ١٤ سنه
طلعنا من الكراج وكل شوي واحد يشمر ع الثاني حجي
هذا يكله اسكت لا تخليني افضحك
وهذاك يكله لك مو اختك ك.....ه
بنص الخط السريع وواحد كله لك مو شافتها اختي واحد فوكاها وذاك كام نزع حذائه وشمره علي لك اختك وحدها ساقطه وجاي تطعن ب اختي هنوب دار ع اخته صغيره وضربها كله منج جبتيلي سمعه وهذولي يحجون عليه
ابو سياره تخبل كلهم اذا ما صيرون اوادم هنا انزلكم
وهم هدو عليه هم ٥ مدري سته ما كدر يسوق واجت كباله شاحنه يشهد الله من شفت شاحنه كلت سامحيني ملاك
شفت سياره طارت ارتفعت ورتفعت ما وعيت ع اي شي بعدها
جواد _ الحمد لله ع سلامتك
اصيل _ هاي حوبه ملاك
_ ربتت ع كتفه كوم خويه كوم ولم شتات نفسك
_ انا ضلمتها انا ذليتها وأذيتها ما حسبت حساب الامانه الامانه الي عمي خلاها عاتق عليه ولا فكرت بيتيم ولا فكرت بولدي ولا فكرت ب ام بيتي
الي وياي شنو صار بيهم
زوجة اخوك انطتك عمرها
وزوجتك نكطعت ايدها ايدها الي حلفت بيها ع شرف اختي
يشهد الله ما جاي اشمت بس اخيتي كضتها بجي وما ضاكت طعم راحه
اصيل _ اريد اشوفها اريدها سامحني
_تدري لبست اسود كالت كلوله انت متت بالنسبه الي
_......
ملاك رد جواد وكال وضعهم مو زين ابدد واصيل طلب يشوفج
كتله خلي يطيب ويجي
جواد_ تسامحي
ملاك_ اي اسامحه اذا عتذرلي اسامحه
انا عندي اطفال لازم ارد بيتي كمت من يمه والتهيت وي اطفالي
سناء_ حقها هم خطيه تريد ترد البيتها
جواد _ بكيفها ما اغصبها ع شي بس هذا مو حجيها صبح كل شوي براي
خوله بعد الي سمعته خابرتها وهلهلت الف مبروك
َملاك_ ههههههه الله يبارك بيج
لج والله فرحتلح بالنبي
ملاك_ شكراً
خوله_ بس اسراء....
ملاك_ كلمن يجي يومه
خوله _الله يرحمها ربي وين وهيج يلف العار محمد بويه البس احمر
ملاك_ هههههههه علي القماش دادا
سديت الخط وعدة الايام وردت المدرسه ووليد نجح
صار بالثاني اول يوم مدرسه ندك الباب فتحه وليد وصاح بابا انا مطلعت ولا نزلت باسه وكله جبتلك ملابس كامله ما كدرت اجي قبل هل وقت تفضل
جواد _ تفضل تفضل ليش ضال بالباب
دخل اصيل اباوع من شباك الغرفه يمشي ع عكازه
رجله بعدها مطابت والبلاتين بيها بس هو يكابر ويمشي عليها
جواد_ ام جلال سويلنا جاي
طلعو الاولاد للمدرسه
شوي واجه جواد كال مو كلتي خلي يجي ويعتذر يريد يعتذرلج
ملاك_ لا انا مكلت هيج انا كلت يلم الناس الي خلاهم شهود علي من زوج عمتي الاخوته الاهله كلهم كلهم
ويجي يعتذر ساعتها ارد ويا
"اصيل"
بعد ما طلعت من المستشفى امي دارتني واخوي
بعد ٣ ايام الفاتحه بيتنا صار كئيب بس اولاد ابو عمار وكفو وي ابوهم ما خلو بهمه وساعدوني هواي شهرين وفتح الچبس عن رجلي وثانيه بيها بلاتين ضليت امشي ع عكازه شوي تأذيني بس انا ما احب اكعد
اما ريم فااا ريم ما شفتها من يوم الحادث بيت اهلها واصلاً مناوي اشوفها
رحت ل البيت ملاك اريد اعتذرلها اريدها تسامحني
بعد السمعته كلت حقها ترخصت وطلعت
رديت البيتي طافي ما بي احد كلها تهجولت
ذبيت العكازه من ايدي وكعدت ع الكرسي
حطيت راسي صرخت صرخت بكل ما املك من قوه
ضليت وحيد احس حيطان البيت تتقرب علي الحيطان تخنكني
انا شنو سويت انا بغبائي دمرت كلشي
انا وين جنت وين صرت انا خذيت طفله كلت الها اكون السند واكون الاب واكون الام
تالي صرت الوجع بالنسبه الها
انا شنووو انا جان الكل ياخذ شوري بكلشي هسا ماكو احد اصلاِ لا صديق لا اخ لا زوجة لا اطفال
دموعي تنزل
ملاك
انتضر جيت اصيل انتضرها بفارغ الصبرر
انتضرها مستعده اقدم عمري قربان واشوفه كبالي يعتذر
