#صوتك كأنه نبض قلبي٨
حكمة الحياة
خلق الله الانسان من ماء وطين فمنه من فاق ماءه طينه فأصبح نهرا ومنهم من فاق طينه ماءه فأصبح حجرا
ركضت الها واسمعها تكلها لج شايفه لو دنيتي ل اصيل افصم ظهرج انا ليلى خاف ما تعرفيني اعلمج انا
لج انتي خلك وحده سا....
ك..... بواكه زلم اصيل ما يكلب حثالات
وسدت الخط
ملاك نفسها
ليلى هاي طلكت ناويه ع خراب بيتي
ملاك الله يسامحها قلة زلم مثلاً ودور مزوج
ليلى الك.... يدورن مزوج تحرك كلب زوجة وتهدم بيته وتاخذه الها تكلج عنده خبره
ملاك بس الما تستحي هيج سوي هي لو تحط نفسها بمكانج ترضى لا و الله بس هنا قليلات شرف
نزلت اسوي العشا ساعه عن المكالمه واجه اصيل عيونه حمرررررر اول ما فتح تسجيل صوت وهي تحجي وتغلط ليلى
ليلى ضلت ساكته ما حجت ولا كلمه
اصيل كلها لمي ملابسج والاهلج كبل
ليلى فوك ما تريد تاخذك مني
اصيل اتصلت عليج هي انتي لازم ما تردين
ليلى شنو اخاف منها
اصيل اذن لمي ملابسج وولي هسا يا ليلى بعد ما بيه اتحملج
هي هم ما تسمحلها كرامتها لمت ملابسها وانا هم
اصيل انتي ولي ملاك ووليد هنا يضلون
ملاك فدوه عمو انا وي اختي
ليلى اي عيوني انت صاير للنسوان جسر بس الي ما تتحمل خليها يمك اشبع منها
ملاك ركضت وراها حيل خجلت من كلامها
اصيل محمد هذا سويج وصلهم
وصلنا البيت جواد نزلت ليلى وكالت جيبي الغراض
محمد مطولين هنا
ملاك الله واعلم
محمد راح احجي اهلي بموضوعنا ع الاقل توكفين الي
ملاك تنهدت فدوه خلي يصالحون ياله اذا درت ليلى تخرب كلشي
محمد تمام
نزلت ركض لا يشوفنا جواد
دخلت هي وشافتنا سناء الى تخبلت
انا بيتي دار رعايه مطلقات ويتامه شنوو
جواد ما حجه بس كلها لمي ملابسي وع بيت اهلج
البيت الي ما يلم خواتي لا خير البي يلا
هي هم تصلت ع اخوها وضلت دردم الحد ما طلعت وليلى كعدت تبجي بالغرفه
مدري اواسي ليلى اواسي جواد خرب بهيج عيشا
اسوء شي ما تحس ب الاستقرار متعرف انت ليش عايش ع شنو
محمد رديت للبيت واصيل كاعد بالطرمه يشرب جاي و يدخن
اصيل وديتهم
محمد اي
اصيل ما خايف بس على هل بنيه
محمد على طاري البنيه ناوي احاجي جواد
اصيل ياريت والله ع الاقل اصير بذمتك تطلع من ذمتي
محمد بس انت استعجل وصالح ليلى
اصيل لا جا ان شاء الله سنه جايه تحاجي جواد عمي انا زهكت ولك البصمه بت شوارع متحجي هيج
ما خاله مسبه ما كايلتها
محمد غيرة نسوان
اصيل هو انا مسوي شي مو يمها ٢٤ ساعه
محمد تغار يا خويه
اصيل المصيبه انت جاي تعقلني خايب دكوم من يمي لا ادفرك
محمد جا فوكاها
اصيل نهههههههههه
محمد ترا انا جوعان وانتو طلعتو مرتي وديحتوني
اصيل ههههههه احلى شي من كتلها ضلي انتي هنا عوزها تبجي والله هل بنيه نضيفه كلب هنيالك يا محمد
محمد وين يا خوي وراي حصبه وجدري
اصيل اصير اصير لا تخاف
ملاك مر سبوع لا جواد رد زوجة ولا عمي اصيل اجه
ليلى ضلت تحوس تخاف لا تركه وهذيج تلف علي
ليلى ماكول بس حسبي الله على كل وحده تخرب بيوت
ملاك امين
اتصل تليفوني محمد سديته وراسلته لا تتصل ليلى يمي
محمد شنو الوضع يمكم
ملاك ليلى حيل تعبانه
محمد واصيل معاند
ملاك الله يهديهم
محمد على حظي عود ردت احاجي جواد
ملاك اصبر شوي
محمد صابر شوراج يا بت كلبي صابر
ملاك ثاني يوم ليلى حممت وليد و بدلتله لبس طلعه وكصتله صوره وحطتها ع وتساب وكتبت طالعين انا و وليدي
ملاك وين طالعين
ليلى خايبه انتي ما تلصمين وين اطلع انتضري هسا شوي ويتصل اصيل
ملاك ضليت صافنه انا َما اعرف هل سوالف صدك ثوله
وفعلاً بس شافها اتصل وين موليه
ليلى وانت شدخلك
اصيل اجي ادوس بطنج والله
ليلى شتريد اصيل
اصيل وين موليه
ليلى اريد اروح اونس طفل ضايج
اصيل عود من تردين للبيت انا اونسه
ليلى مالك دخل بينا روح ل ريم
اصيل لج انتي خبله شي
يا بت ناس انا مو من شغل للبيت
ليلى ودليل وصلك صوتي
اصيل اضلين ثوله لج هي جاي تخرب بينا وتريدني انتي تركيلها مجال تلعب ب راحتها
ليلى شنو قصدك
اصيل انا رجال واريد حقوقي حدج يومين اذا ما رديتي ازوجها
ليلى الله وياك سدت الخط وهي تحترك
اصيل هههههههههه
محمد انت ذبيت بانزين ع نار
اصيل خليها هسا تبين
محمد لك هاي خبله أصدك ترا
اصيل خ صدك
محمد هم ممكن سويها
اصيل لا انا احب ليلى وهي ام بيتي صح انتو شوفوها شريره بس انا وياي انعم من الكرت وحياتي مرتاح بيها ليش اجيبلها مصيبه
محمد جا ردها بعد اخوك
اصيل تكوم من يمي لو شلووون
محمد كايم بويه كايم
ملاك جواد رد زوجته وليلى وسناء مسويات حلبه مصارعه
كل شوي نزال وهاي سب وهاي تغلط وهاي جر و هاي شك و الغدا صار ينطبخ ع دفعات
وجواد خطيه ضل ما يجي للبيت اجاني اتصال عمي اصيل
اصيل الله يساعدكم بويه
ملاك ويساعدك
اصيل نسيتيني شنو
ملاك حقك علي بس و الله عمي انا هنا صايره حكم
اصيل هههههههه اصاير
ملاك كول شنو مصاير
اصيل هههههههه كلي ليلى اليوم اجي عليكم
سديت الخط وطرت الليلى من كتلها وهي كالت خلي اروح احضر روحي
ومن اجه عمي اصيل كالت ما ارد الى بشروط
اصيل وشنو هل شروط
ليلى ما تروح الاهلك اذا هاي هناك
اصيل كمت شوفي بويه انا احبج اي وانتي ام بيتي بس انا ما يتشرط علي تردين تردين كل الهلا ما تردين الله وياج انا ساعة الاريد اروح اشوف امي لا انتي ولا عشيره بكبرها تكضني ليلى حطي عقلج براسج
كلمه من جواد وكلمه من اصيل ردينا للبيت وطول طريق
وهو يتغزل بيها اول ما دخلنا خذاها للغرفه ووليد يمي
محمد شتاقيتلج
ملاك انا هم
محمد واخيراً طلعت منج كلمه
ملاك والله استحي
محمد قابلين يابه
صعدت للغرفه نومت وليد و طول الليل احجي وي محمد
اصيل طلعت الصبح للشغل
ابوصالح لاكاني الله يساعدك خويه
اصيل ويساعدك
ابو صالح اليوم شباب عازمينا ع العشا بمطعم......
تجي
اصيل اي راسلوني من امس
ابو صالح تمام
كضيت الصبحيه استلم بضاعه وارتب بالمحل
رديت الظهر للبيت ملاك الله يساعدك
نزلت ليلى لابسه كلبيه و المكياج ومرتبه روحها
الله يساعدك حبيبي
اصيل الكمر شعده نازل ظهريه خجلت هي
ملاك هم تخجل نعمه
صبيت الغدا
محمد انا بليل طالع معزوم بالكوفي وي صحباني
اصيل وانا عازميني اصدقائي
ليلى على راحتكم
ملاك لميت صينيه وكعدنا نسولف ونضحك
وكل شوي اباوع ل محمد بنضره خاطفه اخاف من البلاء الاسود لا شوفني
العصر بدل محمد وكشخ والعطر يوصل الاخر شارع راسلته ترا اغار
محمد اروح فدوه لليغار
نزل عمي اصيل هم لابس الزي العربي وهو طويل
ليلى اليوم عدكم عرس شنو
اصيل ههههههه احنا حلوين قابل مثلجن
ليلى شتقصد
اصيل انتي الكمر كعدي ع صفحه انا اكول ع ملاك
ملاك يااااا ههههههه
اصيل لج انتي ملاك اسم ع مسمه طلع وهو يضحك
اصيل ركبت سياره ونطلقت للمطعم
انتضر اصدقائي اجو وبعد سلام والكلام كعدنا ندردش عن امور الحياة و المحلات و البضاعه شي يكول البضاعه بتركيا حلوه
بس البضاعه ب ايران ارخص
انا كاعد كبال دخوليه الي يدخل اشوفه
شفت اخوي محمد.......
يتبع...
يلا تخميناتكم للقصه
محمد مع منو دخل للمطعم اصدقائه لو......
خليت فيديو ع كروب الفيس خزوره فزوره من هو بطل القصه روحو وعلقو
بكرا تبدي الاحداث ♥️♥️♥️♥️♥️♥️♥️
