#صوتك_كأنه_نبض_قلبي ٢٠
مـن أول هـلا بِـ مـلكاك لِـ اخر شوغة بِـ الله ويـاك حبيـتك .
ملاك_ انت الي جاي تحجي صدك
اصيل_ اهووو ترا تعبتيني ما صدكين باجر بيت اهلي ساعه ٥ معزومه يابه وسد الخط
سندت روحي ونزلت ع بيت جواد دكيت الباب مثل المسودنه
جواد _ يارب سترك ركضت بطرك شورت لكيتها بالباب تبجي مسنوده بالحايط هاا خويه بيكم شي
ملاك _ احلفك ب امي وابوي حجيلي ازوج علي
جواد _منو كلج
ملاك_ جاوبني
_خيولي هذا الحقير ما يسوه ظفر منج
_ضليت ادك على راسي شلعت شعري كله ليشش شنو سويتله
جواد _ حضني وكعد يواسبني خيولي يكفي انتي يمي وبيتج وحدج والي يسويلج هلكدوت اطرده الج هذا ميستاهلج يا روحي
سناء اجت حضنتني و تواسيني
وانا روحي مسنحه مالي خلك روحي اريد اروحله واعاتبه واكله بشنووو قصرت شنوو سويت
الله ياخذ حقي منك يا اصيل
حسبي الله ونعمه الوكيل
طول الليل انا افتر بالحديقه لا عيني غفت ولا كدرت انام ولا صعدت شفت ولدي اريد صبح يطلع واريد اروح اشوف هاي الخذاها بشنو احسن مني اجت بالي ريم اي اي اكيددد ريم منو غيرها والحد ما طلع صبح كد ما صفكت بيدي كطعتهن
غيبت وليد من المدرسه ساعه ب ب ٣ كتلهم نزلويم سناء نزلت وليد وخليت بنتي يمها
بدلت لبست فستان ابيض يمووت هو جايبه الي بوحده من روحاته البغداد
ولبست حذاء بيجي
سرحت شعري وحطيت مكياج مكياج يموووت سويت روحي لعابه بس هاي لعابه من جوه طافيه بس رماددد
هسا تاخذني
جواد _رايحه شمتيهم بيج
ملاك_ رايحه انعل صفحه اهلهم وارد
خذاني جواد لبست عباتي وحطيت شال ك العاده يغطي وجهي وكفت يم باب بيت اهله
ما نزلت انتضرتهم يطلعون البيت ريم
اي اكيددد ريم قابل منو غيرها وفعلاً طلعت سيارات المعازيم يركصون والاغاني والهورنات كلها ع كلبي يدكن طبلل
وصلو ودخل هو شفته لابس كاجول حبيبي
نزلت ودخلت نزعت عباتي ورتبت روحي يم باب البيت هم مسوي بالحديقه كاعد يلبسها ذهب
دخلت عليهم وصلت يمه هو شافني كام بالمبارك
بالمبارك يا حبيبي بالمبارك يا ابو بيتي
بده صوتي يعله ويعله
بالمبارك يا من كتلي انا سندج
بالمبارك يا زوجي تقربت منها خذيتي بالعافيه عليج صدكي يلوكلج
الف الف مبروك بس مثل ما لفيتي عليه وخذيتي تجي المثلج وتلف علي ويشمرج ويروحلها
شوفو يا ناس يا عالم هاي خذت زوجي بسحورتها انا الي عمر ٢٣ سنه ام الطفله منه واربي ابنه هي خذته من عدنا ما كدرت تاخذه بمحبه هي خذته بسحورتها
اصيل _ ردي للبيت انتي ب اي حق جايه هنا نكتت ايده من ايدي
لا تلمسني انا جايه هنا حتى اكلك بالعافيه عليك ريم انت الي ما صنت العشره يا اصيل وعد مني الك تندم
اسراء تخصرت الي شنو جايه تخربين خطبه اختي ما يريدج هيه كوه
بتسمت صحيح ما يريدني كمت وجريتها الي من ايدها منو الي ميريد منو لج خاف هو خليتنه نايم بس جسد يتحرك انا بحيلي لا سحورتجن تفيد وياي ولا اي شي
وداعتج ما يدوم ويجي يوم اوكف هاي الوكفه وي هاي ناس وشوفين
وانا احجي دخلت خوله بعباية راس جرتني امشي نروح
ملاك_ وكفت بنص الطرمه ما كول غير حسبي الله عليكم
طلعت وروحي محتركه حرك
هو كاعد بالكوشه وشحلاته وانا حاركه دمي
صعدت بسياره اخوي وخوله وياي
جواد_ ارتاحيتي طلعتي الي بكلبج
ملاك_ بجيت اي و الله ارتاحيت هذا هو
جواد سوي الي تردي والي يمنعج عاتبي
بس انسي انسي خيولي لج هذا رجال نغسل دماغه
ملاك_اصلاً ما انتضر منه شي سكتت وانا جبت الدرب كله بجي احس روحي تريد تطلع بس متكدر
واذكر صورته شون كاعد يمها اي اكيد هسا باسها وحضنها وانا يا اصيل وانا هانت هيج عليك ليش
وصلت للبيت تلكتني سناء
اي عيني امس رجلي مضروب ورادلي بسببج وهسا تاخذي وين ما تردين
وجواد صرخ عليها
انا ما رديت صعدت للبيت وهنا قفلت الباب وكعدت الطم
ليشششش بشنو قصرت شنَووو سويت سحروك حتى كلبك سحروه
يمه جاي تشوفين شجاي يصير بيه ليش تركتيني
بويه اذوني حيل اذوني
عافني وانا صغيرونه حبيته وحتاجيته بحياتي
وهو شنوووو سوه تركني وراح
لطمت ودكيت وبجيت وصرخت ووليد سوده علي واكف يباوعلي ويبجي تعال يمه لا تضوج حبيبي انا احبكم اكثر شي بالدنيا
بابا بعد ميريدنا
_لا حبيبي يريدك ويلعب وياك بابا حباب مسحت دموعه وكمت ل بتي اسكت بيهم ثنينهم يبجون
الله لا يراويج يوم فرح عسا ربي يطلعها بيج ويقهرج مثل ما قهرتيني
"اصيل"
الحفله كلها ما طايقها من اجت وشفتها وانا احس اكو شي غلطط لا كدرت اصور ولا كدرت افرح بريم
ختنكت اكثر واكثر خلصت الحفله رديت للبيت غادي جنازه
خوله وصل اصيل يجر روحه جر
ليش هيج سويت يا خويه
اصيل.....
_ملاك تموت عليك وكاعده تنطرك كل يوم وتكول هسا يصير زين ويرد النا
تالي تزوج عليها
_ احسن خلي ترتاح مني انا مو كفو
انا اكو شي بيه ما جاي يتقبلها جاي اضوج منها اكرها
خوله _خفت احجي بالسحر لا يتخبل علينا
شرب ماي وصعد
اصيل تصلت ريم ما كدرت ارد سديت التليفون ونمت
احلامي كلها مو زين احس ايامي كلها مو زينه تعبان ومريض صلاتي تركتها احس التعب مأثر ع كلشي بحياتي
"ملاك"
ينتهي الأمر كل ليل بجلوسي وحدي بزاوية مظلمة، ولا أحد يهتم.🖤
دنيا ليل طفيت كل اضويه البيت وكعدت ابجي واذكر كل لحضه بينا حسيت بروحي شكد ضعيغه
كضيت الفجريه كلها ابجي لا عيوني ترضه تنام ولا كلبي يريد ينسا اتخيل يحبها و يحضنها ويبوسها ويكلها بويه ويبوسها من راسها وتحبل َجيبله طفل وانا انا شنووووو
انا خلص وقتي وكترني ع صفحه
بين دموعي شفت فوني اتصل هو
اي اي و الله هو فتحت الخط
"اصيل"
فزيت من نومي كله احلام و كوابيس
لا اردياً اتصلت عليها
فتحت الخط بس نشغت بجيها اسمعها
اسوه تبجين علي
ملاك _والله ما ابجي عليك ابجي على روحي يا اصيل
هيج هانت كلها هانت
كدرت اطلعني من كلبك كدرت تنساني
_.....
تعبتني كلت هو السند وهو الاب والام وهو ابو اطفالي
تالي تركتني وعفتني وخلص ريم تاخذ مكاني
_من اشوفج اول مره احس بلهفه وحب
بس لحضات يتلاشه كلشي واحس روحي تختنك
روحي احسها تطلع من جسمي
احس جسمي فجأه ينحل اخدر احساس يتعبني
مجرد افكر بيج اتعب
_ الايام تمر عليه اكضيها اشم بملابسك
واكول تهون هسا يدخل علي ويكلي ليش تاركيني انا بدونكم تعبان
انا ما اكدر
ما جنت تكدر تنام بدوني
صار ١٠ اشهر ما شايفيك بتك ما حست بحنانك
تجي شوفها من الباب وانت الجنت تكول ادللها
_ مسحي دموعج ولا تبجين انا ما استاهل
_ولا ابجي عليك عمة عيني التبجي عليك ابجي لئن صدكتك ولئن حبيتك ابجي ع روحي لئن ضعيفه
حسيت روحي مثل النمله وانت العسل نصبتلي الفخ بعسلك وخليتني اغرك غركتني وما تركتلي مجال انقذ روحي
_.....
روح ماكول بس يم رب العالمين الحساب سديت الخط
وضليت ابجي اكثر سمعت صوت الاذان كمت اصلي ع مصلايتي عيوني يصبن وادعي ربي يصبرني
ادعي ربي يخليني قويه الاجل اطفالي خلصت مصلايتي ونمت اليوم عطله وليد ميكعد من وقت
كعدت ع الدرج صافنه بدنيتي شنو بعد ضامتلي معقول بعد اكو اكثر من هيج اي و الله معقول قابل هي دنيا شعدها بس ملاك تكفخ بيها
شفت سناء باوعتلي حاركه روحج علمود رجال خايبه كلبي اليبجي ع رجال اشلعه واذبه للجلاب
ملاك _ ترا امس سمعت جلال يحجي وي صاحبته الفجر
سناء شنوووووو
َملاك_ كلنا نطلع قوتنا ع غيرنا ولج دريتي بي مصاحب شهكتي مو مزوج بالله عليج دخلي البيتج كعدت يمي تبجي الله يلوم الي يلومج
ملاك...
سناء اضلين هيج
_تردين اكوم اكتلج معندي مانع
_جا شنو انا جيس ملاكمه تفرغين غضبج بيه
_جا سكتي
_شرايج نروح البيت ريم نربدها ونجي
_ههههههه خطيه عرسها بعد جم يوم
_والله خوش هم ضحكين عبالي وجهج وجه البومه
_اكلج سناء تكومين من يمي لا احط بيج دفره بالعباس انزلج الدرج دقلات
_خايبه شبيج اشاقيج وين اولي
_وليتي وما رديتي ان شاء الله رجعت صفنت وهي تلاشيني ماما خاله خوله تتصل
السلا عليكم
وعليكم السلام يابه شنو امس رحتي وما طمنتيني
ملاك_قابل اموت لا ما اموت ماتت امي وابوي وما متت اموت ورا اصيل لا
_يمعوده انا خايفه ولج هاي ما تتعاشر
لا تخافين تتعاشر هي ما تريد تأذيج هي جنت انا بالها وخلصت مني
_اوووف ولج انتي فاهيه والله ارد للبيت وادخل بطن عينها
_اي وتالي شنو يصير اكضي العمر مثل الديوجه نتعارك
على شنو على زلمه
جاي اكول تعبت تعبت
خوله....
_ضلو ساكتين افضل
_شكلج والله استحي اواسيج
_لا تواسيني ولا شي تعلمت اصلاً دنيا معدها غيري عاجبها الصفع عليه بشرفج يمته عرسه
_بعد شهر
_كليلي اريد احضر اكل لحم بعرس زوجي
_هههههههه ولج وانتي ضايجه دورين اكل
_جا شسوي اضحك ع زماني الما ضحكاني
جبتها من عمري ١٥ سنه تكفخ بيه ليلى ماتت ليلى تزوجت زوجها ههههههه زوج اختي خذيته قله زلم مدري والله
تالي ما تالي زوج اختي خوش ضرب الضربه القاضيه
كاعده صافنه بالسالفه هم بعد وراي شي لو خلص اخذ نفس
خوله تحجي ملاك وادري بيها بغير عالم تصفن وتتحسر وتحجي
_خليني اروح هاي سعلوه كاعده يمي
سناء خاب بالعباس صوجي كاعده يمج
كامت تروح وردتلي تدرين ليش ما تموتين
_ليش
_لئنج عار وركضت ضحكت عليها اي بالنبي مجذبتي
صعدت الغرفتي ادرس بوليد وذكور يمي يبووو شكد تحب تهوس وشنو تلكا بالكاع تاكله
ما عسا شعر هم تاكله المهم تلكا شي
مو حللك مصيبه
ولو لكت واير الكاها تعضعض بي ولج يمه ما تخافين انتي يبوو عليه
شلتها وتخرمشني ب اضافيرها راح صير سنه وطالعتلها سنوو مو سنون ليكول سجينه كل شوي عاضتني
"خوله" غسلت البيت بماي وملح وشغلت سوره البقره وعليت صوت
دخل اصيل سلم واجه يصعد رأستن رجال كض راسه بيك شي
طفي التلفزيون
خوله ياا ليش كلام الله يخفف المشاكل بالبيت
هو هيج كتله وهو عاط لج اكلج طفي صوته مزعج تفتهمين ركضت طفيته هو صعد
والله خفت بس لا متلبسه جني
رد محمد وحجيتله
_اخوي صاير عفطي هو الياخذ ريم شنو يكون
