💜 لنتقرب الي الله 💜

💜يا تارك الصلاة انتبه ٢💜

السلام عليكم ورحمة الله وبركاته 💕
أخباركم ايه احبتي في الله ❤️✨
النهاردة بإذن الله هنستكمل حديثنا عن تارك الصلاة
في البارات اللي فات قولتلكم أن العلماء اختلفوا هل تارك الصلاة كافر كفراً مخرجاً من الملة ولا كفر أصغر غير مخرج من الملة وشوفنا اراء الائمه هنستكمل من هنا ........
وبناءاً على المذاهب اللي بتحكم على تارك الصلاة بالكفر الاكبر: فتارك والصلاة لا يقبل منه أي عمل لا زكاة ولا صيام ولا حج ولا أي شئ
👈 يعني انتي ياللي مبصليش تاعبة نفسك وصايمة وصيامك في الاخر مش مقبول وعمالة تتصدقي وفي الاخر مش هتتقبل منك ولا هتنفعك
فعن رسولنا الحبيب صلى الله عليه وسلم قال ( أول ما يحاسب به العبد يؤم القيامه الصلاة فإن صلحت صلح سائر عمله وإن فسدت فسد سائر عمله )
👈يعني يوم القيامه يوم ما تقفي قدام ربك أول حاجة هتتحسبي عليها وتتسألي عنها هي الصلاة ومهما كنتي بتصومي وتزكي وتتصدقي وبتعملي خير فكل ده مش هيبقي ليه أي لازمة لو مبصليش
🗯 انا عارفة أن كلامي شديد أوي ومرعب بس للامانه بتفرض عليا إني لازم أعرفك قد ايه الموضوع أخطر مما اي حد يتصور
⭕️انتي عارفة أن حتي العلماء اللي قالوا أن تارك الصلاة كافر كفر أصغر قالوا ايه قالوا : يكون كفره كفراً أصغر ويكون كافراً فاسقاً يرتكب معصية عظيمة أعظم من الزنا وأعظم من السوق وأعظم من شرب الخمر
👈يعني انتي ممكن تكوني إنسانة محترمة جداً وعفيفة جداً عمرك ما تفكري تعملي حاجة من الكبائر دي ولكن للاسف الشديد إنتي مش بتصلي ترككم الصلاة أعظم من السوق والزنا وشرب الخمر
📡 في حد يرضي بكده في حد يرضي بانه يكون اما كافر او فاسق وفاجر
كل ده عشان ايه عشان مش عارفين نحافظ علي ركعتين مش بياخدوا ٥ دقائق او ١٠ دقائق بالكتير اوي
إنتي تعرفي أن المولي عز وجل يتبرأ من تارك الصلاة والنبي صلى الله عليه وسلم يتبرأ منه وذلك لقوله صلى الله عليه وسلم ( لا تترك الصلاة متعمداً فإنه من ترك الصلاة متعمداً فقد برئت منه ذمة الله ورسوله )
وانتي للاسف بتسيبي الصلاة متعمداً وخاصة صلاة الفجر تلاقي كتير من الناس يظبط المنبه علي معاد الشغل مع انه عارف أن معاد الفجر ودي مصيبة كبري الشغل اهم عنده من انه يكون كافر او مسلم
خايف لو صحي متأخر بياخد جزا ويضيع من مرتبه شوية فلوس ومش خايف لتضيع منه الجنه
خايف علي نفسه ليتعذب شوية في الدنيا ومش خايف علي نفسه من العذاب الابدي في جهنم
خايف من تأنيب المدير بتاعه في الشغل ومش خايف من غضب ربنا عليه

هقف عند هنا النهاردة وأن شاء الله نكمل بكرة هو مش باقي غير فصلين وننهي الموضوع ده واتمني ينتهي وكل تارك صلاة تائب الي الله

#يا _تارك _الصلاة _انتبه

#لنتقرب _الي _الله

#الجنة_تستحق

#الدكتور_مصطفي_زايد