هتكلم عن بداية الالتزام 💚
((ازاي نقرب من ربنا..؟))💚
بصي يا جميله الموضوع ده حله بسيط جدآ بس انتي ف الاول جددي النية كده بينك وبين ربنا وأوعديه انك مش هتعملي أي ذنب م الذنوب ال كنتي بتعمليها ف الأول ...💚
وخلي بالك انك وعدتي ربنا مش أي حد ... يعني لازم توفي بالوعد ده ...🥺💚
أول حاجه تبدئي بيها طريقك لربنا هي " قلبك " 🤍
قال رسول الله " ألا و إن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب "
- قلبك هو الأساس ، فأول حاجه تعمليها : نضفي قلبك بكثرة الإستغفار ، عمل ورد إستغفار يومي ليكي هتلاقي قلبك انشرح وهتحسي ب الطمأنينة ..💚
★ الصلاة....
بالنسبة للبنوتات ال مش بيصلوا مش بتصلوا ليه ...!؟
ع فكرة ال فاضل مش كتير وهتندموا بعدين..! 💔
وبالنسبة بقا للبنوتات ال بتصلي وبتقطع بصي يا جميله ...
انتي عليكي بس تفرشي سجادة صلاة ف ركن صغنن ف أوضتك ... وهو ده هيبقي المسجد بتاعك وأهم حاجة الخشوع ... افتحي الشباك بتاع أوضتك وهيبقي في هوا وانتي بتصلي احساس ب راحة كبيرة وكل حاجة حواليكي هادية بجد شعور جميل ..💚🌿
★ نتوضأ براحة ونتقن ف الوضوء ...💚
ونقول الدعاء ده بعد الوضوء ... اللهم اجعلنا من التوابين واجعلنا من المتطهرين.... 💚🌿
★ ننوع ف السور ال بنقرأها ف الصلاة ... ولو بتصلي بسرعة بطئي شوية ... ركزي ف كل كلمة بتقوليها ... تخيلي نفسك قدام واحدة صحبتك بتحبيها أوي ف طبعا واقفة معاها وبتتكلموا كتير ومركزة معاها بقا طبعآ ...
ما بالك بقا ب ربنا ال خلقك وخلقك كل الناس ال حواليكي دول ...
وياريت بلاش الكسل ال احنا بنبقي فيه دا 😂
يعني تصلي أول ما تسمعي صوت الأذان على طول ف وقتها كده ... 💚🌿
ومننساش طبعآ .👇💚🌿
صلاة الضحى... 💚
أقلها ركعتين وأفضلها ٨ أكثرها 12..
وقتها ؟؟ من بعد الشروق ب ربع ساعه إلي قبل الظهر ب ربع ساعه ...
كنزها الأول ... ركعتين لو قُمت بصلاتهم كأنك تصدقت ب 360 صدقه في اليوم عن مفاصل جسمك....
كنزها الثاني .. ركعتين لو قُمت بصلاتهم تُصبح من الاوابين" "في الحديث ( قال ﷺ لا يُحافِظ علي صلاةِ الضّحي إلا اواب وهي صلاة الأَوابين )"الأوابين جمع أواب والأواب هو الكثير الرجوع إلي الله بالتوبه وقيل هو المطيع !قال تعالي { فإِنه كان للأوابين غفوراً }"...
حافظي عليها دي كنز ...💚💚
قيام الليل أو التهجد : هي الصلاة من بعد العشاء لقبل الفجر وعدد ركعتها مفتوح وأقل حاجة ركعتين ... 💚💚
★ السنن الرواتب :... ركعتين قبل الفجر...
أربع ركعات قبل الضهر + ركعتين بعد الضهر + ركعتين لو واظبتو عليهم بيحرمكو جسدكم من النار بأذن الله 🤍....
ركعتين بعد المغرب ...
ركعتين بعد العشاء ...
ومتكسلوش عليهم ده هيتبنيلكو بيت ف الجنة ... 🥺💚💚
أنت تقرأ
💜 لنتقرب الي الله 💜
Short Storyالكتاب ده أنا كتبته لياخذ بايدي وايديكم إلي الله ❤️ مش كل الي هيكون فيه من كتاباتي ولكن باذن الله يكون كلام مفيد لكم وسبب في تقربكم إلي الله 💕 فاتمنا انكم تقراؤه وتستفيدوا منه 💜 احبكم في الله 💕 # رحمة _أحمد # لنتقرب _ألي _الله #الجنة _تستحق
