💜 لنتقرب الي الله 💜

💜يا تارك الصلاة انتبه ٤والاخير💜

السلام عليكم ورحمة الله وبركاته💗
أخباركم ايه احبتي في الله❣️
معلش طولت عليكم في الموضوع ده بس بجد للموضوع ده مهم جداً جداً جداً
وان شاء الله النهاردة اخر فصل
أنتو تعرفوا أن الصلاة كانت اخر وصية من النبي صلى الله عليه وسلم لأمته قبل موته فعن ام سلمة رضي الله عنها قالت ( كان اخر وصية رسول صلي الله عليه وسلم حين حضره الموت: الصلاة الصلاة (مرتين ) وما ملكت ايمانكم وما زال يغرغر بها في صدره وما يفيض بها لسانه )
تخيلو لو حد عزيز عليكو وهو بيموت بيوصيكيكم وصية هتهتمو بيها وهتنفذوها ولا لأ
هتقول :طبعاً هنفذها دي وصية الغالي
طيب ده النبي صلى الله عليه وسلم اللي انتو بتشهد وتقولوا اشهد ان محمد رسول الله هو اللي بيوصيكم وبياكد عليكم وبيقول (الصلاة الصلاة )
مش عايزين تنفذوا وصية النبي صلى الله عليه وسلم لك ليه 
وبعد ما الكلام والايات والاحاديث الخطيرة دي مستنين ايه عشان تصلوا لحد امتي هتفضلوا بعيد ومش عايزين تعرفوا
لحد امتي هتفضلوا مصممين انكم تقرأوا صيلتكم لربنا
انتوا فاكرين انكم هتعيشوا سعداء وانتم مبتصلوش والله العظيم ما هتعيشوا سعداء طول ما انتم مبتصلوش عارفين ايه لان ربنا قال في كتابه الكريم:(وَمَنِْ أَعْرَضَ عَن ذِكْرِى فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمِىٰ )
وعلي العكس تماما السعادة كلها والراحة كلها والمتعة كلها هتلاقيها في الصلاة
انتو لما بتسمعوا المؤذن لازم تعرفوا إن ده داعي بينادي عليك علشان تروح تقابل ربك حبيبك
لازم اول ما تسمع الله اكبر يبقي الله اكبر من شغلي وبيتي واولادي ومذكرتي ودروسي وفلوسي وتجارتي وكل شئ في الدنيا سيبوا كل اللي في ايديكم بسرغة وتعالوا بسرعة لبّو الندا
الجيزة مش اكل وشرب وشغل وزواج وانتهي الامر الحياة قيمتها ايه من غير العبادة اللي احنا اصلاً مخلوقين عشانها
قال تعالي ( أَفَحسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لاَ تُرْجَعُونَ )

💜 يلا نجدد التوبة من دلوقتي ونعاهد ربنا إننا بإذن الله هنحافظ علي الصلاة ومش هنفرط فيها تاني ابداً
يارب تكونوا استفدتوا للموضوع💗
اللهم ثبتنا جميعاً واجعلنا من عبادك الصالحين المقيمين الصلاة في أوقاتها 🌹
اسئل الله أن يرزقني وإياكم جنات النعيم وان يجمعنا في الفردوس الأعلى وان يغفر ذنوبنا اجمعين💕
والسلام عليكم ورحمة الله وبركاته🌹

#الدكتور_مصطفي_زايد

#لنحافظ_علي_الصلاة

#يا_تارك_الصلاة_انتبة

#لنتقرب_الي_الله

#الجنة_تستحق