طارق روح بيته وكان قاعد ومش طايق حد
شهد:بيبي
طارق:نعم
شهد:مالك ياروحي
طارق: مليش انا عادي اهه مفينيش حاجه
شهد:لا فيه قولي
طارق:إسراء هتعمل عمليه واحتمال نجحها ٥٠٪
شهد:اووف يادي إسراء طارق دا اللي شاغل همك انا مش فاهمه يعني
طارق:طالما مش فاهمه تبقى تسكتي
شهد:لا انت اتجننت بقى حتى انت بتحلم بيها وبتقول اسمها وانت نايم انا معدتش مستحمله
طارق:اووف اعملك ايه يعني
شهد:انا عاوزه نرجع تاني مش انت اتجوزتني عشان بتحبني ايه ياحبيبي
طارق:لا انا متجوزتكيش عشان بحبك انا اتجوزتك عشان ارضى نفسي وشهوتي وبس لأنك كنتي بتدلعي عليا لكن انا بحب إسراء
شهد:وتقولها قدامي انا مش فاهماك بتقولها قدامي ياطارق (ونبره صوتها عليت)
طارق ضربها بالقلم :انا مفيش حد يعلي صوته عليا انتي فاهمه
شهد بزعيق:طلقني ياطارق طلقني
طارق:انتي طالق وبالتلاته كمان واوعى اشوف وشك هنا تاني يلا اطلعي براااااااا
شهد عيطت وطلعت لمت هدومها ومشيت
طارق قعد في البيت وكان حاطط راسه بين ايديه الاتنين ومضايق تاني يوم راح لاسراء وخبط إسراء كانت نازله هي قالت لأمها وابوها عن المرض وانها هتعمل عمليه
هي اللي فتحت
طارق:انتي رايحه
اسراء:اه انا هروح انهارده ممكن تقعد مع الولاد شويه عشان ماما وبابا جايين معايا
طارق:طب خليهم هنا وانا اجي معاكي
اسراء:لا هما هيجوا معايا لو مش هتقعد خلاص هتصل على يحيى وهو هيقعد معاهم
طارق:لا لا عادي انا هقعد معاهم
اسراء:شكرا
طارق:على ايه ودخل إسراء سلمت على الولاد ومشيت طارق كان قاعد معاهم وبيلاعبهم
عدت الايام واسراء في المستشفى والدكتور متابع حالتها وحددوا معاد العمليه وكانت بكرا طارق مقدرش يقعد اكتر بعيد عنها وخلي الولاد مع ياسر وراح المستشفى هو والعيال في بيته هو
تاني يوم
هي كانت نايمه ومركبنلها محاليل وملبسنها لبس العمليات طارق دخل القوضه كانوا الممرضين هما اللي معاها
طارق:ممكن تسيبونا لوحدنا شويه
الممرضين طلعوا
طارق قعد إسراء وكان قاعد على ركبته ومسك ايديها هي كانت بتشيل ايديها بس هو كان ماسكها جامد عشان متشيلهاش
طارق:انا السبب عارف كل حاجه مرت عليكي كنت انا السبب فيها بس انا بحبك واقولك على خبر انا طلقت شهد انا مش عايز دلوقتي غير انك تقومي بالسلامه عشان ولادنا وعشان انكل وطنط وعشان يحيى وعشاني انا كمان وباس ايديها
هي كانت عنيها حمرا
اسراء:لو مطلعتش من العمليه عايشه خلي بالك من الأولاد لأنهم أغلى حاجه عندي وانت ابوهم وهتعرف تتصرف معاهم
طارق:بعد الشر عنك انتي هتقومي بالسلامه صدقيني ودا وعد مني
اسراء:ومن امتى ياطارق وعودك بتتنفذ (وجات لفي وشها الناحيه التانيه)لو سمحت ياطارق اطلع من القوضه
طارق بصلها شويه وبعدين طلع
الممرضين دخلوا وخادوها قوضه العمليات طارق ويحيى وامها وابوها كانوا برا مستنين
بعد ٥ ساعات ممرضه طلعت اللكل جري عليها
الممرضه:عايزين دم فورا والا هتروح مننا
يحيى:ا انا اخوها خودوا دم مني
الممرضه:فصيله دمك ايه
يحيى:فصيله دمى Bموجب
الممرضه:للأسف مينفعشي لإن فصيله دمها Aسالب
طارق:ا انا فصيله دمى Aسالب
اللكل بصوله
الممرضه:طب تعالي معايا
هو راح معاها واخدوا منه دم كتير
الممرضه:ماتقومش دلوقتي ارتاح ومشيت
اول لما مشيت طارق قام وراح عندهم
يحيى:انت جيت ليه
طارق:انا هستناها هنا
ابو إسراء :لا متستناهاش روح استريح واقعد مع ولادك
طارق:انا مش هسيبها ودا اخر كلام عندي ووقف سند على الحيطه
يحيى:طب اقعد انت اصلا دايخ دلوقتي
طارق:لا انا هفضل واقف
يحيى بصله وسكت بعد شويه راح وجابله عصير ساندوتش عشان ياكل
يحيى:خود كل
طارق:مش عايز
يحيى:طارق كل بقى يلا
طارق:مش هاكل يايحيي ريح نفسك
يحيى:طب اقعد كدا وقعده
طارق قعد ومعملش حاجه
بعد ٥ ساعات الدكتور طلع اللكل جري عليه
ندي:ها يادكتور
الدكتور:الحمد لله هي كويسه بس هنحطها في قوضه على ماتفوق يعني
ابو اسراء:وهي هتفوق امتي
الدكتور:معرفشي على حسب بس معتقدش انها هتفوق دلوقتي ولو فاقت فهتبقي مش عارفه هي فين يعني هتبقى دايخه كدا بس دا مع الوقت هيخف
يحيى:شكرا
الدكتور مشي وهما طلعوا إسراء طارق كان بيبصلها وبس هما دخلوها القوضه وهما قعدوا برا
يحيى:هو انت سايب الاولاد فين
طارق:في البيت عندى بس ياسر عندهم اه انا نسيت الراجل زمانه عاوز يمشي
يحيى:طب انا هروح اشوفهم
ندي:خدني معاك يابني
هما مشيوا وطارق قعد على الكرسي وكان مستني ابوها كان بيبصله(يونس)
يونس:عجبك كدا كل دا بسببك
طارق:عارف ان هو بسببي وانا بحاول أصلح غلطتي انا بحبها والله بس
يونس:بس عشان تخنطت خلاص سيبها وروح لواحده رفيعه عشان دي معدتش تنفع شوف دلوقتي بقت رفيعه خالص اهه هترجعلها
طارق:انا بحبها ياانكل بحبها اووي وعايزه ترجعلي انا بتعزب كل يوم على فراقها عني وطلقها مني
يونس:والله لو بتحبها هتحبها لآخر العمر حتى لو زادت ١٠٠٠ كيلو بس انت مبتحبهاش انت بتحب البنت الرفيعه بس واذا انت بتتعزب فهي كمان بتتعزب اهه من اول لما قولتلها كدا وطلقتها وهي بتتعزب
طارق:انا بحبها انا عرفت غلطتي كل إنسان خطاء ولا ايه انا غلطت وهصلح غلطتي ودا وعد مني ليك وليها وللكل
يونس سكت
تاني يوم إسراء صحت بس مكنتش في وعيها كانت دايخه ومش عارفه هي بتعمل ايه
اللكل دخلها هي كانت نايمه على السرير وبس طارق بصلها وكان بيبصلها دايما وزعلان عليها
ندي:روحوا انتوا انا ههتم بيها
يحيى:لا ياماما انتي لازم ترتاحي وتاخذي ادويتك انا اللي ههتم بيها يلا امشي انتي وبابا
هما مشيوا
طارق: يحيى روح انت انا اللي هقعد معاها
يحيى:لا طبعا
طارق:ارجوك والممرضه هي هتهتم بيها في اللبس وكدا انا بس عاوز اقعد معاها عشان خاطري عاوز اعرفها اني لسه بحبها
يحيى:اووف
طارق:يلا
يحيى: ماشي بس خلي بالك منها
طارق:دي في عيني
يحيى مشي وطارق قعد وكان بيبصلها
اسراء كانت نامت هو كان بيحسس علي شعرها
طارق:بحبك وبحب ريحه شعرك وبحب حضنك وبحب ضحكتك وبحب كل حاجه فيكي انا غلط بس انتي هتسامحيني صح لا انا اقدر اعيش من غيرك ولا انتي واولادنا مش هيعيشوا كدا بردو
