اسراء كانت مشغله لبنتها تقى كرتون على الشاشه متوصل بتليفون طارق جوزها وكانت قاعده جمبها
جه رساله لطارق فطارق نسي خالص ان تليفونه متوصل بالشاشه وفتح الرساله وكانت في الشات بين طارق وشهد
شهد:حبيبي انا صورت قسيمه جوازنا جبتها من المأزون وصورتها
طارق:تمام يا حياتى
شهد:هبعتلك صوره منها
طارق: تمام
شهد بعتتهاله
اسراء اتصدمت
ودخلتله القوضه
اسراء:ا انت متجوز يا طارق
طارق:ا ايه اللى انتى بتقوليه ده (طارق في الوقت ده كان متعصب اوى عشان الشغل وكمان شهد طلبت منه انها تيجى البيت ومش عارف يتصرف اواى فكان عصبى اوى وروحه في مناخيره )
اسراء:طارق انا شوفت الرساله دلوقتى برا على الشاشه
طارق:ا ايوه متجوز يا اسراء هو انا هخاف منك
اسراء:ايه البجاحه دى
طارق مسكها من شعرها
طارق:اتلمى يا اسراااء
اسراء:ااااااه بتوجعنى اوعى
طارق:صوتك ميعلاش عليا يا قطه بدل ما اقطعلك لسانك
اسراء:انت اتجننت ااااه
طارق:اه اتجننت عشان متجوز واحده شبهك
اسراء:اااااه اوعى انا بكرهك
طارق:وانا اكتر
اسراء:اومال مطلقتنيش ليه
طارق:عشان تقى مش اكتر ومتجوز واحده ضوفرها برقبتك وبرقبه اهلك وبحبها وبموت فيها وهعلن جوازى منها قدام الكل وهجيبها تعيش هنا في بيتى
اسراء: طلقنى
طارق:مش مطلقك
اسراء:قولتلك طلقنى
طارق:اه عشان تاخدى البنت
اسراء: عمرى ما همنعك منها
طارق:مش هطلق
اسراء:لو راجل طلقنى
طارق:انا راجل غصب عن عين اللى خلفوكى
اسراء:يبقي تطلقنى
طارق:انتى طالق يا اسراء
اسراء اتصدمت جامد
اسراء:بالسهوله دى
طارق:اه جدا اسهل مما تتخيلى
اسراء:ت تمام
طارق طلع برا البيت خالص وكان زهقان
اسراء لمت الهدوم بتاعتها وبتاعه البنت وسابت ورقه ليه ومشيت
هو طلع واتمشي شويه ورجع تانى لقا البيت ضلمه
طارق:تقى اسراء
محدش رد
طارق طلع القوضه لقى الورقه وكان مكتوب فيها
"اسفه انى مشيت واخدت تقى من غير ما استأزنك بس وقت ما تحب تشوفها صدقنى هتشوفها عمرى ما هحسسها اننا منفصلين ودايما هخليها فخوره بيك وعمرى ما هقسيها عليك واى وقت تحب تشوفها فيه تعالى احنا في بيت بابا وماما واعمل اللى انت عايزه خلاص انا وانت اطلقنا وانا بتأسف ان كنت عملت حاجه غلط او قولت كلمه غلط واتمنى انى لو عملت حاجه غلط تسامحنى عشان نبقي خرجنا بالمعروف زى ما دخلنا بالمعروف والف مبرووك "
طارق نام على السرير وكان بيبص للجواب لحد لما نام
تانى يوم طارق جاب شهد البيت وكان مبسوط وبيقنع نفسه انه مبيحبش اسراء وكده احسن وهو مبسوط وعدى شهر على كده وطارق مبسوط ومرحش ولا مره للبنت
اسراء بقا كانت موجوعه اوى وكل يوم تعيط ومخنوقه
وكانت بتهتم ببنتها
اسراء بدأت تتحسن وبدأت تنزل
هى نزلت السوبر ماركت وكانت بتشترى حاجات
وطارق كان بيدور على القهوه اللى بيحبها بس مش لقيها كانت اسراء دايما اللى تجيبهاله
هما كانوا ماشيين خبطوا في بعض
اسراء:اسفه جدا لحضرتك
طارق انتبه للصوت وبصلها
طارق:ا اسراء
اسراء بصتله
طارق:ا ازيك
اسراء:الحمد لله اخبارك ايه
طارق:تمام الحمد لله تقى عامله ايه
اسراء:بخير الحمد لله بعد ازنك
طارق:ا اسراء
اسراء: نعم
طارق:القهوه اللى بحبها مش لقيها بتجبيها منين
اسراء:من الدور اللى فوق
طارق:ت تمام
اسراء كملت شراء طارق كان خلص وبيحاسب هى كمان خلصت وراحت عشان تحاسب
طارق خلص وكان بيحط الحاجه في الكيسه
الراجل بتاع السوبر ماركت كان بيعاكس اسراء
رجب:ايه الحلاوه دى
اسراء مردتش
رجب:هو القمر غضبان ليه ومش بيرد عليا ده انا حتى بموت في القمر
اسراء:لو سمحت يلا عشان عايزه امشى
رجب:صاروخ على الارض ايه الجمال والحلاوه دى بس ده انتى تتحطى على الجرح يطيب انتى وتكه
اسراء:اوووف
طارق كان سامع ومتعصب جامد
رجب:ياجميل ارضى علينا بقا ونتجوز
طارق ضربه جامد
رجب:اااااه انت ازاى تعمل كده
طارق:مراتى وعلى الله تيجى يمها تانى
ورما الفلوس وخاد الحاجه ومسك اسراء من ايديها وطلع
اسراء:شكرا
طارق:متنزليش لوحدك تانى
اسراء:اتفضل وادتله الفلوس لان هو اللى حاسب
طارق:اسراء عيب كده شيلى فلوسك
اسراء:لو مأخدتش الفلوس مش هاخد الحاجه اتفضل
طارق:لسه عنيده زى ما انتى متغيرتيش
اسراء مردتش
هو خاد الفلوس واداها الحاجه
طارق: اسراء متجيش هنا تانى لوحدك
اسراء:ربنا يسهل ومشيت
طارق فضل باصص عليها لحد لما اختفت ومشى
راح البيت وكانت شهد عامله الاكل
هو قعد ياكل
طارق:يع الفراخ نيه يا شهد
شهد:فين النيه دى يا طارق ما الاكل حلو اهو
طارق:والله نيه اووف
شهد:مش نيه كل رز
هو كل رز
طارق:ارز مطابش بيقرمش في بوقى اهو هو انتى يا تعمليه معجن يا شايط يا لسه مطابش
شهد اتحرجت وادتله صوبه كفته
طارق جه يكسره مش عارف عمله جامد لقا قلم جواه واتكسر
طارق:قلم! قلم في الكفته دى بقت حاجه تقرف مش عارف اطفح
وقام وطلع من البيت
وكان بيتمشى وبيشرب سيجاره وسرحان وبيقول في نفسه
طارق:ايه اللى انت عاملته في نفسك ده مبسوط يا طارق كده لما انت وهى كل يوم خناق وحتى مبتعبركش ولا ترن عليك ولا تقوم وراك وهى اللى غلطانه كل اكلها بايظ وهى مش منتبها لحاجه خالص والبيت مش نضيف ومش عارف تاكل حاجه خالص كانت معاك اسراء وكنت مبسوط معاها لبسك مكوى وبيتك نضيف وبتعمل اكل جميل وحلويات ومش مخليانى عايز حاجه وزى القمر وبتشرف بيها في كل مكان و بموت فيها وهى كانت بتحبنى وبنتى معاها انا اللى طمعت واتجوزت سكرتيرتى ياريت تكون انبسط دلوقتى حياتى كلها اتشقلبت لما كان حد يعاكس اسراء كنت افضل اضرب فيه لحد لما يروح المستشفى وكانت هى تضايق وانا احضنها دلوقتى مقدرتش اضربه غير بوكس بس وبقولها متطلعيش لوحدك بتقولى ربنا يسهل كلامى معدش هيمشى عليها ومش قادر احضنها انا اللى عملته في نفسى روح بص على بنتك اللى مشوفتهاش من وقت ما طلقت امها
هو راح وخبط وكانوا هما بيتغدوا
اسراء ليها اخ اسمه احمد هو اللى قام فتح
احمد:اهلا طارق
طارق:ازيك يا احمد
احمد:الحمد لله اتفضل
طارق دخل
اسراء كانت لابسه طرحه وبتأكل تقى
تقى شافته
تقى:بابى
اسراء بصتله باستغراب
طارق:ازيكوا
الكل:الحمد لله
احمد:اتفضل يا طارق لسه بناكلوا
طارق:ش شكرا
احمد:ياعم كل دى سوسو عامللنا كفته وفراخ في الصنيه
طارق بص للأكل وبصلها
طارق:هو بصراحه انا جعان
اسراء:اتفضل
هو قعد اسراء حطتله في طبقه وقعدت وكانت بتاكل وبتأكل تقى
طارق:ازيك يا تقى
تقى: كويسه يا بابى
طارق:انتى محضنتنيش ليه هو انا موحشتكيش
تقى:لاء مش وحشتنى زى ما انا موحشتكش لان احنا من لما انا ومامى جينا هنا وانت مش بتجيلى خالص وانا مش بشوفك وقولت لماما قالتلى انك مسافر وعندك شغل كتيير
طارق بص لاسراء بشكر
اسراء:ماشى يا حبيبتى يعنى هو كان مشغول
تقى:يعنى هو مش عنده تليفون يرن عليا
طارق اتحرج
طارق:اسف يا حبيبتى مش هتتكرر تانى اوعدك
تقى:ماشى
طارق ابتسم
خلصوا اكل واسراء طلعت فوق طارق قعد مع تقى
وبعدين نده اسراء
طارق: اسراء اتفضلى
اسراء:ايه ده
طارق:دى فلوس للبنت
اسراء:طارق انا معايا فلوس ومش مخليه البنت محتاجه حاجه
طارق:ماشى يا اسراء انا عارف بس دى النفقه ليكى وللبنت
اسراء:انا مش محتاجه ليا ولا للبنت ومش هاخد فلوس ولو عايز تجيب حاجه ابقى هاتهالها انت سواء لبس العاب بقا اللى يريحك لكن انا مش هاخد فلوس أنا اسفه
طارق بصلها ياما
وبعد شويه مشى
وكان مضايق وبيفتكر لما زعقلها وطلقها
وبس كده 💖💖
