كان عيد جواز اسراء ومحمود الاول
ومحمود كان جايب فاتح فونه على الشاشه ومحضر الصور والفيديوهات اللى هتتعرض ليه هو واسراء عليها بس هو ميعرفش ايه اللى مستنيه
بالليل والصور بتتعرض جه فيديو محمود مع اقرب صديقه لاسراء وهما الاتنين مع بعض وبيضحكوا وبيتصوروا وكانوا على السرير مع بعض
اسراء لما شافت صاحبتها المقربه كده اتصدمت بس الصدمه الاكبر كانت لجوزها وحبيب عمرها
محمود اتصدم ومكنش عارف الفيديو ده جه وسط الصور ازاى هو اصلا مكنش على تليفونه
راح بسرعه وشد الفون وقفله
اسراء كانت ساكته خالص وسكوتها ده كان مخوف محمود اوى
محمود:ا اسراء
اسراء مكنتش بترد
محمود:ا اسراء انا
اسراء:محصلش حاجه يا محمود
محمود:ي يعنى
اسراء:عادى محصلش حاجه انت مش عايزنى وبتحبها انا هزعل ليه عادى
محمود:لاء يا اسراء انا والله العظيم بحبك
اسراء:لاء بلاش كده طول عمرى بقول عليك زكى بلاش كده اكيد انت مخونتنيش وانت بتحبنى وانا مش زعلانه انا بس عايزه اطلق
محمود:انتى بتقول ايه انا بحبك انتى مش عارفه انتى ايه بالنسبالى
اسراء: عادى انا بنت يتيمه زيك كنا مع بعض في الملجأ وحبينا بعض ومكنش عندنا حتى مكان نعيش فيه اشتغلنا مع بعض من واحنا في الثانوى وطبعا الدار اللى بتعلمنا انا زاكرت ودخلت هندسه وانت دخلت تجاره كل واحد فينا اشتغل بس انا اللى اشتغلت اكتر كل فلوسى كنت بديهالك لحد ما بنيت شركتك وبقت اكبر شركه بتعبنا ومجهودنا او بالاصح تعبي ومجهودى انت بقا ربنا فتحها عليك وشايفنى مش عايزه فلوس منك ولا بقولك حاجه وكل الفلوس محطوطه باسمك وانا اللى قيلالك فقولت اشوف بقا واحده تانيه غير دى خلاص دى كانت للفقر بس عشان متعبش لوحدى لكن بقا لما ربنا يكرمها عليك تشوفلك بقا واحده بنت ناس ومبسوطه وكده فإيه اللى يزعل في كده عادى متعوده على الجرح من صغرى يا محمود
محمود كان بيدمع
محمود: اسراء اسمعينى والله انا
اسراء:مش عايزه اعرف يا محمود وابقي قول لصاحبتى اللى لسه عارفاها من سنه بس بقت اغلى صاحبه عندى والمقربه ليا قولها انى مش زعلانه منها لو فارق معاها زعلى اصلا طلقنى بقا
محمود:مش هقدر
اسراء:محمود انا كنت بصور اللى انت مزوقه والفيديو دلوقتى اتعرض وانا كنت بصور فممكن ارفع قضيه واقولهم الاسباب ومعايا الفيديو دليل وتتفضح وكل حاجه تروح يلا طلقنى
محمود:ارجوكى
اسراء:طلقنى يلا يا محمود
محمود:ا انتى طالق
اسراء طلعت فوق ولمت هدومها وغيرت ونزلت
محمود:هتروحى فين
اسراء:اى مكان
محمود:انتى معندكيش حد ولا عندك مكان خليكى هنا وانا اللى هطلع
محمود:لاء ربنا مبينساش حد اشوف وشك على خير وطلعت
هو عيط جامد وقعد يتفرج على صورهم
وراح لشهد بعد شويه
شهد:مالك
محمود:اسراء عرفت كل حاجه
شهد:ينهار اسود عرفت ازاى
محمود:الفيديو اللى انتى كنتى بتصوريه اتعرض لاننا كنا بنحتفل وبعرض صورنا على الشاشه
شهد:اووف رمانسي اوى انت
محمود:انا في ايه وانتى في ايه الفيديو ده ازاى جه على تليفونى
شهد:يامحمود لما انت كنت في الحمام قولتلك ابعته قولتيلى اه وانا رتبت الصور وحطيته في النص عشان اسراء متشوفهوش
محمود:انا في الحمام واكيد افتكرتك بتقولى هتمشي النهارده او ريحتك وخلاص لكن مسمعتش كلمه انقلك الفيديو دى خالص اووف
شهد:طلقتها
محمود:ايوه
شهد:خلاص بقا اهى عرفت بدل ما كنا زى الحراميه
محمود:ا اه عندك حق زى الحراميه والاوساخ اللى خانوها وهى ملهاش حد تروحله ومشيت ومش عارفه هى رايحه فين وطلع من البيت وكان بيتمشي وبيبص للنيل
اسراء كانت بتتمشي في الشوارع ومش عارفه تروح فين
راحت عند عماره كانت دايما بتدى للبواب فلوس هو ومراته وعياله وبتعطف عليهم لما كانت متجوزه محمود
البواب شافها
البواب:الست اسراء اهلا اهلا بيكى
اسراء:ازيك يا عم سيد
سيد:الحمدلله مالك عيونك متنفخه ليه
اسراء حكتله هو ومراته
مراته عيطت
سيد:ربنا ينتقم منه
اسراء:لاء لاء انا مش زعلانه انا عايزه شغل لو عرفت تجيبلى عند حد من بتوع العماره
سيد:الاستاذ طارق ده عنده شركه كبيره اوى مراته عايزاله سكرتيره محترمه ومتلفش عليه لانها بتغير عليه انا هقولها عليكى وتشغلك عنده وعلى المكان اللى هتعيشى فيه هنا في الشركه عاملين مكان للموظفين
اسراء:مش عارفه اشكرك ازاى والله
سيد:متقوليش كده انتى خيرك مغرقنا من ساسنا لراسنا
اسراء:ارجوك يا عم سيد متقولش كده مش انا زى بنتك
سيد:واحلى كمان وحضنها هو ومراته
تانى يوم سيد خد اسراء وطلعوا لمشيره مرات طارق
سيد:دى يا ست مشيره محترمه جدا اضمنهالك برقبتى والله وكمان مهندسه ومجتهده اوى
مشيره بصتلها من فوق لتحت
اسراء مكنتش محجبه بس كانت بتلبس طويل
مشيره:تمام من بكرا الساعه ٨ بالظبط تكونى في الشركه الاستاذ طارق منظم وبيحب التنظيم ومينفعش يروح قبل سكرتيرته سمعانى
اسراء:ا ايوه
مشيره:تمام عندك بيت او لاء وبيتك بعيد او لاء
اسراء:لاء معنديش
مشيره حطت رجل على رجل
مشيره: احنا عشان شركتنا كبيره وبتهتم باللى عندها لينا فندق كبير Seven stars عاملين جزء منه للموظفين هجبلك قوضه فيه
اسراء:شكرا جدا لحضرتك
مشيره:تقدرى تمشى
اسراء:تمام بعد ازنك ومشيت وكانت خايفه وبتدعى ربنا انه يقف جمبها
محمود كان في البيت مخرجش وكان بيتفرج على الصور ومحتار اوى
تانى يوم اسراء لبست كويس وراحت الشركه الساعه ٨ في واحده هناك كانت بتفهمها الشغل وفهمتها في نص ساعه اسراء قعدت على المكتب وكانت بتقرا ملفات في الشغل وكده بعد شويه طارق جه وشاف واحده جديده قاعده دخل وقال
طارق: صباح الخير
اسراء:صباح النور
هو دخل واول لما قعد طلبها
هى دخلت
طاارق:انتى هنا جديده
اسراء:ايوه
طارق: مدام مشيره اللى قالتلك تيجى
اسراء:ايوه
طارق:اسمك ايه بقا
اسراء:تحب اجيب لحضرتك الملف بتاعى
طارق:لاء مش لازم اسمك ايه بس وسنك
اسراء:اسمى اسراء وسنى ٢٤ سنه
طارق:متجوزه
اسراء:مطلقه
طارق:اااام تمام يا اسراء حد فهمك الشغل
اسراء:ايوه المدام نهى فهمتهولى
طارق:وانتى فهمتيه بسرعه كده بما انك اول يوم وجيت لقيتك لوحدك
اسراء:ايوه فهمته
طارق:انتى كليه ايه
اسراء:هندسه
طارق:ماشاء الله قسم ايه
اسراء:الكترونيات
طارق:ماشاء الله تمام يا اسراء تقدرى تطلعى وتحضرى الملفات عشان عندنا اجتماع وانتى طبعا بتحضرى معايا
اسراء:تمام
هى طلعت وحضرت الملفات
وطارق طلع ولقاها واقفه بضهرها وبترتعش
اسراء:يارب اقف معايا يارب يارب عدى الاجتماع على خير
هو سمع وابتسم وجه من وراها وقال جمب ودنها
طارق:متخافيش ليه خايفه كده وضحك
اسراء بتوتر
اسراء:ع عادى مش خايفه هو بس عشان اول يوم
طارق:طب متخافيش انا شغلى مش صعب هو بس مشيره اللى بتحب تعمل الحبه بتوعها وتخوف اى حد
اسراء:عشان بتحب حضرتك
طارق:انا بحبها والله بس هى مش بتثق فيا ولا في حبي ليها فكره عينى زايغه انا اه في بنات حاولوا يلفوا عليا بس كنت بعرف واكرشهم وعمرى ما وقعت لواحده فيهم هى بقا شغاله تكرش السكرتريا وتجيب غيرهم حتى لو معملوش حاجه يعنى هى اكيد نقتك وجابتك من فوق لتحت
اسراء ابتسمت وبس
ابتسامتها كانت حلوه اوى هو ابتسم
طارق:يلا
اسراء:اتفضل حضرتك الاول
طارق:متقوليش حضرتك قوليلى طارق وبس وكمان السيدات اولا اتفضلى
هى ابتسمت ومشيت هو مشى وراها وكان اول مره يعمل كده هما راحوا الاجتماع
والكل اتعرف عليها طارق كان بيبصلها طول الاجتماع
وبعدين قام يشرح وكان بيبصلها هى بس كأن الكلام كله ليها هى
طارق:المشروع ده لو اتنفذ هيبقي ....وسرح في عنيها جميل اوى وعميق وبيدى امل في الحياه وبيطلعك من همومك وينسيك العالم
امير:هو ايه ده
طارق فاق
طارق:المشروع المشروع ما تركز يا امير
امير:انا برده
طارق:ا ايوه كفايه كده يلا كله على مكتبه
الكل قام ومشى الا اسراء كانت بتلم في الحاجه
طارق:استنى هشيل معاكى
اسراء:لاء اتفضل حضرتك وانا هجبهم
طارق:لاء خلاص بقا وشال الملفات وطلع
الكل كان بيبصله لانه عمره ما عمل كده
طارق راح مكتبه
طارق:مالك يا عم طارق في ايه ده اول مره تشوفها اول لقاء ليكوا في ايه اكيد مش هتحبها واكيد مش هتعجب بيها من اول مره اتلم يلا الله هى قمر اوى بس مينفعش كده اللى انت بتعمله اتلم بس انا ليه حاسس انى اعرفها او شوفتها زمان اووف انا هندهلها تقعد معايا وتحكيلى عنها
هو طلبها وهى دخلت
اسراء:حضرتك عاوزنى في حاجه
طارق:ايوه وقام وقرب منها
هى خافت وبعدت بسرعه
طارق:ايه خوفتى ليه انا بس بشبه عليكى
اسراء:ل لاء انا اول مره اشوف حضرتك
طارق:طب تعالى ههههههه اقعدى بس ومسك ايديها وقعدها
اسراء: نعم
طارق:احكيلى عنك
اسراء:عنى انا
طارق:ايوه واهدى انتى خايفه ليه
اسراء:مش خايفه
طارق:طب احكى
اسراء بدأت تحكيله انها كانت يتيمه وحكتله عن محمود وانهم مع بعض وانها دخلت كليه ازاى واتجوزت وهو خانها وكده ودمعت
طارق:ده غبي ومش بيفهم حاجه والله خساره كل دمعه بتنزل منك دى ومسح دموعها مش عاوز اشوف العيون الجميله دى بتعيط ابدا
اسراء:انا مش بعيط عشانه انا بعيط لانى اتخدعت فيهم
طارق:عشان قلبك ابيض وكويس انك اكتشفتيه على حقيقته قبل ما تحملى منه مش انتى مش حامل
اسراء:ايوه مش حامل
طارق فرح بس مش عارف ليه وقلبه كان بيتقطع وهو شايف دموعها
طارق:خلاص بطلى عياط وانسى الجزمه ده وعندنا شقه فاضيه قصادى في العماره هشتريها واجهزها واسكنى فيها
اسراء:لاء لاء انا مدام مشيره قالتلى على الفندق وشكرا لحضرتك اوعدك ان لما يبقي معايا فلوس هأجر شقه واعيش فيها
طارق:انا مستحيل اخليكى تقعدى في الفندق
اسراء:ا اه خلاص انا والله عارفه انه كبير ومينفعش نقعد فيه وغالى
طارق:ل لاء لاء مش كده انتى فهمتى ايه مشيره مش بتقعدكوا في الفندق الفندق للسياح ده مبنى صغير كده ورا الفندق عامل زى السجن قوضه كبيره ومليانه سراير زى السجن في اكتر من قوضه للعمال هو نضيف وواسع والسراير حلوه وكل حاجه بس انا مش هقعدك فيه عشان متتعامليش مع حد منهم لانهم غجر وممكن حد يضايقك لان صحابها وقرايبها بيحبوا الكلاحه فبيروحوا يشتغلوا في شركاتى وعشان عايزين يكونوا مع بعض يروحوا المبنى ده ويقعدوا هناك وهما اصلا كالحين انا هحجزلك قوضه في الفندق وببلاش عشان متتكلميش ياما وازعل منك
اسراء:لا لاء ابقي اخصم التمن من مرتبي كل شهر
طارق ضحك
طارق:ربنا يسهل تعالى نروح دلوقتى واختارى القوضه اللى تريحك لان في العماره مش هيسبوكى في حالك وتجهيزها لسه هيغيب وحد بقا يضايقك ويتكلموا عليكى وكده انا برده هشتريها واجهزها عشان لو زهقتى من هنا تقعدى فيها
اسراء:لاء ده كتير اوى
طارق: ولا كتير ولا حاجه بس اوعى تزعلى على الكلب ده والله ميستهلكيش ابدا
اسراء:حاضر وابتسمت
هو ابتسم ومشيوا
وبس كده 💖
ياترى طارق حب اسراء من اول نظره
وهو يعرفها من زمان او لاء
وايه هيحصل بنهم لسه
