النتيجه بتاعه الورم بتتأخر بس هى مستحملتش ولما شالت الدرنئه والمحاليل وكانت قادره انها تمشي نزلت مصر على طول
هى روحت متأخر نامت عشان محدش يتخض .
تانى يوم طارق كان مع العيال في النادى
فلاش بااك
طارق:مبسوطه يا حبيبتى
اسراء:اووى اوى
طارق:نفسي بقا لما نخلف نجيب عيالنا هنا
اسراء:ياا سلام نجيبهم ونفسحمهم ونكون مع بعض ويلعبوا حوالينا ونطلع نجرى وراهم ياااااه
طارق:بحبك انا مشوفتش جمال كده
اسراء:عشان انا حلوه بس لكن لو طخنت هتكرهنى
طارق:والله لو وصل وزنك ل 100 كيلو برده زى القمر وبحبك
اسراء:طارق هو انت ممكن تتجوز عليا
طارق:مستحيل بس ايه جابها في دماغك
اسراء:اصل بصراحه بخاف اوى والفكره دى بتجيلى كتيير اوى في بالى انت عارف انت لو اتجوزت عليا انا هموت والله مش هفضل معاك وهموت او هيحصلى حاجه وحشه يجيلى مرض وحش سرطان او فيروس سى او الامراض الوحشه بقا بمجرد ما انت هتتجوز وانا هبعد وانا هتعب اكيد
طارق:بعد الشر عنك مستحيل ابعد عنك او اتجوز اصلا ليه هو انا اتهبلك طلعى من دماغك الافكار دى يا قمر انت
اسراء ابتسمت
باااك
طارق:انا غبي اوى قالتلى انها هتتعب وكانت حاسه انى هتجوز وانا اقولها مستحيل وعيط
العيال جابوا ايس كريم هو شاف الايس كريم وافتكر
فلااش بااك
اسراء:حلو اوى الايس كريم واحنا على النيل
طارق:اه جميل بس فكره مجنونه اننا ناكله في شهر 12
اسراء:انا برج الحوت واسأل عمرو دياب عنه بقا غنا لبرج الحوت وكمان مش هو قال ايس كريم في ديسمبر وديسمبر ده شهر 12 كل دى جميله اوى واستمتع بيها
طارق:انا مش بستمتع غير بيك انت يا جميل وطلع يجرى وراها وكانوا بيهزروا
اسراء راحت هى ويحيى يجيبوهم راحوا ڤلته وخبطوا شهد فتحت
اسراء:ازيك
شهد:كويسه اوى اوى
اسراء:الاولاد موجودين
شهد: طارق راح بيهم في النادى
اسراء:تمام شكرا
شهد دخلت وقفلت الباب
اسراء راحت هى ويحيى واستنوهم عند بوابه الكومباوند
بعد ساعه هما جم وشافوا اسراء طلعوا جرى عليها
وحضنوها واسراء كانت بتحضنهم وتبوس فيهم
طارق راحلها
طارق:حمدالله على السلامه
اسراء:الله يسلمك شكرا على كل حاجه
طارق:دول ولادى
اسرا:برده شكرا
طارق:ها النتيجه ظهرت
اسراء:لسه
طارق:خير ان شاء الله انا بدعيلك طول الوقت
اسراء ابتسمت
اسراء:شكرا انا هاخد الاولاد بقا
طارق:ت تمام
اسراء خادتهم ومشيت
هو كان بيبص عليها وهى ماشيه
طارق:جه اليوم يا اسراء اللى تقفى برا على بوابه الكومباوند ومتدخليش الڤله اللى عملناها سوا وتستنى هنا وتاخدى الاولاد وتمشوا ومتدخلوش الكومباوند معايا بدل ما كنا بندخل سوا دلوقتى بقيت انا داخل لوحدى وانتى خارجه
اسراء روحت والعيال حكولها كل اللى عملوه وهى هظرت معاهم ولبستهم بيجامات زيها ونامت معاهم وحضنتهم كلهم وكانت بترقيهم وبعدين نامت
طارق كان مش مبسوط مع شهد زى اسراء وكان بيفكر وفتح تليفونه وجاب صوره فرحهم كانوا زى القمر ومبسوطين
فلااش بااك
طارق:ينهار جمال شكلك يهبل من جمالك يا روحى
اسراء:بجد حلو
طارق:حلو ايه حلو ده شويه ده انتى مفيش حد يوصف جمالك ابدا
اسراء:ميرسي يا حبيبي وانت كمان زى القمر
طارق:مش هوصل لربع جمالك ابدا ماتيجى نكمل هنا وبلاش ننزل
اسراء:طارق انزل قدامى يلا عايزين نعمل السيشن بقا عشان اجهز للفرح
طارق: يادى السيشن يلا وانكچها
طارق:بحبك
اسراء ابتسمت
طارق:مش هتردى
اسراء:لاء
طارق:حسابك في البيت بتاعنا مش دلوقتى
اسراء ضحكت هو شاف ضحكتها ضحك
طارق:ربنا ما يحرمنى منك ومن ضحكتك دى ابدا
بااااك
طارق:انا ليه كده مش انا اتجوزت عليها ليه بفكر فيها وبحنلها ليه بس انا اتجوزت عليها وعايزها برده معايا مكنتش عايز اطلقها انا بحبها وكل الكلام اللى قولته ليها بغرض انها تلاقى مبرر انى اتجوزت عليها
هو بص لشهد النايمه جمبه على السرير
طارق في سره:اسراء مكنتش بتنام الا لما ننام انا وهى سوا ومتبقاش مديانى ضهرها بتبقي في حضنى انا خسرت كل حاجه من بعد ما إسراء سابتنى ومشيت
هو نام بعد تفكير طويل
تانى يوم
طارق راح الشركه بتاعته
واحد من صحابه دخله لقاه سرحان
ياسر:مالك
طارق:ها مليش
ياسر:بجد مالك بقالك كام يوم مش متظبط
طارق: بحبها
ياسر:هى مين دى
طارق:اسراء بحبها اوى يا ياسر وندمان انى طلقتها انا طول عمرى متسرع وهى عارفه نفسي تفهمنى وتعرف انى ندمان وغلطان وترجعلى انا بحبها اوى انت مش فاهم انا الناس كانت بتحسدنى عليها من جمالها ورقتها وأسلوبها وانا سبتها مليون واحد عينه عليها وممكن ياخدها انت فاهم ده احنا كنا قصه حب بينضرب بيها المثل
ياسر:طارق انت اللى اختارت كده لما اتجوزت عليها وفضلت عليها واحده تانيه وانا حزرتك
طارق:غلطه وندمت عليها انا هقوم اروحلها عايز اشوفها
ياسر:ربنا معاك
طارق مشي وراحلها وخبط
امها فتحت امها اسمها ندى
ندى:ازيك يابنى
طارق:الحمد لله يا طنط الاولاد هنا
ندى:ايوه اتفضل
طارق دخل
اسراء طلعت من المطبخ وهى لابسه بيجامه ومريله المطبخ وشعرها مفرود وشكلها زى القمر
طارق لما شافها افتكر لما كانت في البيت وهو يدخل معاها
اسراء:مين يا ماما
ندى:ده طارق يا حبيبتى جاى يشوف العيال
اسراء دخلت جرى المطبخ
ندى جابتلها طرحه واسراء لبستها وخرجت
اسراء:ازيك يا طارق
طارق: الحمدلله ازيك انتى واخبار صحتك
اسراء:الحمد لله بخير هندهلك الاولاد
اسراء:فريده حمزه هاتوا عمر وانزلوا
هما نزلوا وسلموا على طارق
اسراء جابت كيكه لطارق
اسراء:اتفضل
طارق:تعبتى نفسك ليه
اسراء:لا تعب ولا حاجه
اسراء تليفونها رن
اسراء:ايوه يا دكتور
الدكتور:اسراء ممكن تجيلى العياده
اسراء بخوف:ف في ايه
الدكتور:تعالى بس وانتى هتعرفى
اسراء:تمام
اسراء لبست ومشيت طارق مشي وراها هى دخلت العياده ودخلت للدكتور وطارق دخل وراها
اسراء:طارق ايه اللى جابك هنا
طارق:اسراء لازم اطمن عليكى
الدكتور:اتفضلوا
هما قعدوا
الدكتور:اسراء الحمد لله الورم حميد
اسراء بفرحه:الحمد لله
الدكتور:الحمد لله بس انتى هتعملى عمليه تانيه ونعملك بالمنظار عشان مكان الورم بحيث الخليه متنشطش تانى وتعمل طبيعيه
اسراء:ط طب هى خطيره
الدكتور:للأسف اه لان الورم في المخ اكتر منطقه حساسه في الجسم بس لازم تتعمل
طارق:يعنى نسبه نجاح العمليه دى كام
الدكتور:50٪
اسراء:ط طب لو معملتهاش
الدكتور:الورم هينشط تانى وكأننا معملناش حاجه واحتمال كبير المره دى هيكون خبيث
اسراء:طب هعمل العمليه دى امتى
الدكتور:هتتحجزى فى المستشفى هنا بكرا واراقب صحتك واعملهالك وهتتعمل هنا
اسراء:شكرا يا دكتور
الدكتور:العفو
هى نزلت وطارق وراها
طارق:هتخفي متخافيش
اسراء:مش خايفه بس لو جرالى حاجه خد بالك من العيال
طارق:اسراء احنا اللى هنربوهم انا وانتى وانتى هتقومى بالسلامه
اسراء سكتت
طارق ركبها العربيه
طارق:اسف
اسراء:على ايه
طارق:انتى قولتيلى انى لو سيبتك او اتجوزت عليكى هيجيلك مرض وحش واهو جالك
اسراء: هههههههه انت لسه فاكر ده كلام وبس وانا ربنا كاتبلى كده فعشان كده بشوفه
طارق:اسراء انا بحبك اوى انتى مش متخيله كنت عامل ازاى وانتى مسافره وخايف عليكى ارجوكى خليكى جمبي ومتبعديش عنى
اسراء:طارق الكلام ده ملهوش داعى دلوقتى احنا مطلقين ومينفعش اللى انت بتقوله لانك متجوز وكمان كل حاجه بنا انتهت وكنا بنتكلم او بنتعامل كويس ده عشان الاولاد فلو سمحت بلاش الكلام ده
طارق:حسي بيا ارجوكى انا ميت من يوم ما سبتينى عارفه ليه مكنتش رادى اديكى الاولاد عشان تفضلى في البيت بس لما رفعتى القضيه خلاص وعارفه ليه طلقتك انا لا انتى رفعتى قضيه وساعتها كانوا هيطلقونا بالتلاته ومش هعرف ارجعلك غير لما تتجوزى وانا هموت لو انتى اتجوزتى غيرى طلقتك انا مره واحده بس بس والله كل يوم وانا معاكى بقلبى وبعقلى وفكرى انتى الحب الاول والاخير في حياتى والله انا اكتشفت انى محبتش شهد انا اتجوزتها ارضاء لنفسي وعشان اقنع نفسي انى عادى اقدر احب غيرك بس والله محبتش غيرك ولا بحب ولا هحب انتى حياتى وكل كلمه قولتهالك وجعتك انا بتعاقب عليها ببعدك عنى ولما سمعتى اسمى دخلتى جرى تدارى منى ولبستى طرحه قدامى وصورتنا اللى اتشالت من على الحيطه وسفرك لوحدك وعدم دخولك البيت اللى انا وانتى عملناه سوا انا اتعاقبت بده كله والله صدقينى
اسراء:لاء يا طارق في حاجه بنا انكسرت وهى اهم حاجه يا طارق
طارق:ايه هى
اسراء:احترامك وتقديرك ليا راحوا
طارق:اسف ياريت كنت اتشليت قبل ما اقولك كده
اسراء:مبقاش ينفع
ونزلت من العربيه ومشيت
هو عيط جامد
وبس كده 💔💔
