اسراء وطارق متجوزين واسراء مكنتش بتخلف وطارق بيحبها اوى ومش رادى يتجوز وكان عايش مع اهله في بيت عيله كبير اهله جابوله واحده وهى اتدلعت عليه وهو وافق يتجوزها واسراء كانت عارفه وساكته وغيرته خالص من يم اسراء في يوم كان عند شهد خطيبته الجديده وروح البيت الساعه ١ بالليل واهله نايمين واسراء كانت مستنياه تحت
طارق:ايه مصحيكى لحد دلوقتى
اسراء:مستنياك
طارق:ليه هو انا هتخطف
اسراء:مش بعرف انام الا لما تيجى واطمن عليك
طارق:لاء ابقي اتعودى عشان ببقى قاعد مع شهد ولما هى تيجى هقسم بنكوا وهتبقي لوحدك
اسراء بحزن:ربنا يسهل
طارق:واقفه ليه ما تطلعى
اسراء:مش هتطلع
طارق:هو انا محتاج حد يشوفنى لما اطلع ويستنانى هو انا صغير يعنى انا راجل يا اسراء افهمى بقا ده ايه البقر اللى الواحد عايش معاهم دول انا مش هتخطف تخلف والله
وطلع فوق وسابها
هى غسلت وشها وطلعت فوق
اسراء:هتعوز حاجه
طارق:هعوز ايه يعنى نامى
اسراء:حاضر تصبح على خير
طارق:وانتى من اهله
ونام بس هى فضلت تعيط ياما لحد لما نامت
هو صحى الصبح لقا عنيها منفخه ووشها احمر
طارق:اووف بقا ده منظر الواحد يصحى عليه ده الواحد يجيله صرع
اسراء كانت صاحيه بس مفتحتش عنيها وكانت سامعاه هو قام لبس ونزل
هى صحت استحمت ولبست وقعدت في قوضتها طارق مكنش بينزل الا لما يفطر معاها طارق بيحبها بجنون بس شهد غيرته جامد من يمتها لكن هو بيعشقها
بعد اسبوع كان الفرح
طارق رجع بدرى عشان يتغدى وكانت اسراء بتحضر الاكل معاهم
وشافته بس مرحتلهوش
هو طلع غير ونزل
وقعد جنب اسراء
طارق:جماعه انا حجزت القاعه اللى الفرح فيها
الكل:تمام الف مبروك
طارق:معلش يا اسراء روحى لأهلك اول اسبوع جواز ليا عشان هى متزعلش وتحس ان ضرتها في البيت من اول يوم يعنى انا عايزها تحس انها عروسه
اسراء:حاضر
اسراء مشيت قبل الفرح بيوم وطارق اتجوز واسراء فضلت هناك عند اهلها وطارق راح شهر العسل هو وشهد ورجعوا بعد شهر وده كله اسراء في بيت اهلها وطارق مكنش يعرف
لما رجع البيت الكل كان في استقباله
طارق: اسراء فين وحشتنى اوى (طارق كان بيفتكر شهر العسل بتاعه هو واسراء ولما كانت شهد تبقي نايمه كان يفتكر اسراء ويفتكر انها عمرها ما عملتله حاجه غلط ولا عملت حاجه تزعله وهو قلب عليها فتره وانه بيحبها اوى وظلمها وشتمها ياما اوى وكمان خلاص اتجوز شهد وبقوا الاتنين زى بعض)
امه اسمها امال وابوه على
امال:عند اهلها
طارق:لسه هناك من ساعه لما مشيت
امال:ايوه والله وكلمتها مره تيجى اعتزرت وقالت انها مشغوله
طارق:طب انا هروحلها
امال:ماشى
طارق راح بيت اهلها
هى فتحتله
طارق ابتسم
طارق:وحشتينى اوى
اسراء:وانت كمان
طارق حضنها جامد
اسراء دمعت ومسحت دموعها وطلعت من حضنه
اسراء:حمدالله على السلامه
طارق:الله يسلمك يلا نمشى
امها:امشى يلا مع جوزك
اسراء:خلينى شويه
ابوها:يابت يالا امشى
اسراء:حاضر
هى مشيت ورجعت البيت
غيروا وكلوا وطارق راحلها القوضه
طارق:وحشتينى اوى
اسراء:وانت كمان
طارق:طب يلا
اسراء:يلا ايه بس روح روح لمراتك
طارق:لاء منا معاها من زمان انتى اللى وحشتينى
اسراء:انا كبرت خلاص راحت عليا
طارق:والله ده انتى اصغر منى واصغر من شهد ده انتى عندك ٢٤ سنه
اسراء؛بس والله ما قادره (اسراء كانت بتاخد حبوب مهدأ ياما وكانت تعبانه)
طارق: اسراء مالك يا حبيبتى ليه مش عايزانى اقرب منك وشكلك تعبان
اسراء:لاء عادى انا كويسه تصبح على خير ونامت
هو بصلها شويه وهى نايمه وباس راسها ونام
تانى يوم صحى قبليها ولقاها نايمه بصلها بابتسامه
طارق:ربنا يخليكى ليا يا اجمل حاجه في حياتى ايه الملاك ده وباس راسها
هى بعد شويه صحت وشافته
اسراء:صباح الخير
طارق:صباح القمر
اسراء ابتسمت
ولبسوا ونزلوا اسراء سابت مكانها لشهد
طارق بص لاسراء
طارق:ده مكانك
اسراء:ا انا مرتاحه هنا وكان في عنيها كسره
طارق لاحظها
طارق:تعالى يا اسراء انا هقعد بنكم انتى جنبي من ناحيه وهى من ناحيه
اسراء:انا مش زعلانه هو احنا عيال صغيرين انا مرتاحه كده
هو سكت بس كان بيبصلها وملقهاش كلت غير ربع رغيف بس وقامت
طارق:اسراء استنى انتى رايحه فين
الداده:هى اكلها كده يابنى شهر هنا قبل ما تروح لاهلها واكيد الشهر اللى راحت فيه لاهلها مش شايفها نشفت ازاى
اسراء:انا شبعت متكبروش الموضوع وطلعت فوق
طارق كان مضايق عشانها
راح شغله ونام مع شهد وعدى شهر واسراء زى ما هى
راح لاسراء وكانت قاعده على السرير
طارق:ايه القمر ده
اسراء:شكرا وابتسمتله
طارق:لاء والله مش بجامل قمر
اسراء ابتسمت
طارق:مالك بتقعدى لوحدك ليه
اسراء:برتاح كده
طارق:بس انتى متغيره
اسراء: ازاى انا زى ما انا
طارق:ليه مش بتهتمى بيا
اسراء بكسره:لانك مش صغير ومش هتتخطف وعشان متقولش عليا بقره
طارق افتكر اليوم اللى قالها فيه كده واتكسف اوى
طارق:انا اسف
اسراء:ههههههه يابنى عادى انا ببررلك موقفى بس لكن عادى انا مش زعلانه وكمان انا كده اطمنت عليك معاك واحده تانيه يعنى لو انا قصرت هى مش هتقصر
طارق:بس انا عايزك انتى مش بحس براحه الا وانتى معايا
اسراء:انت بتناقد كلامك ليه بزمتك بتحس براحه ووشى ده شكل الواحد ميصحاش عليه
طارق:اسراء ارجوكى انسى اللى فات انا مش عارف انا قولت كده ازاى اسف
اسراء:لاء متتأسفش انا مش زعلانه روح يلا لشهد
طارق:انا هنام معاكى
اسراء:لاء اصلى هنام دلوقتى فمش مستاهله روح روح
طارق: اسراء انا بحبك اوى والله اوعى تفكرى انى حبى ليكى قل
اسراء:لاء مش هفكر امشى يلا امشى
طارق بصلها شويه ومشى
بعد فتره مرات اخو اسراء ولدت اسراء راحت هناك اسبوعين لما رجعت لقت الكل عند قوضه شهد
اسراء:هى مالها يا ماما امال
امال:حامل لولولولولولى
اسراء اتصدمت ودخلت لقت طارق حاضن شهد
اسراء:الف مبروك
طارق:الله يبارك فيكى
ومهتمش انها لسه راجعه من عند اهلها ولا قالها حاجه والكل نسى اصلا انها جات ومطلعولهاش اكل ولا ندهوا عليها ومش مهتميين بيها هى راحت تانى لاهلها
ايمن اخوها واشرف ابوها ومنه امها ومى مرات اخوها
وكانت بتعيط
اشرف:انا هطلقك منه يا بنتى
اسراء:انا همضى على اوراق الطلاق اهو ومضت
منه:ولا يهمك بكرا تتجوزى سيد سيده
اسراء:انا تعبانه انا هنام هنا
ايمن:اطلعى يا حبيبتى فوق
اسراء؛لاء خلونى معاكم
هى بصتلهم شويه
ونامت
مى:سوسو اطلعى فوق اصحى انتى كده هتلوحى رقبتك
اسراء مردتش
منه:سوسو يلا اصحى
اسراء مردتش هما بصوا لبعض
اشرف:ا اسراء
اسراء مردتش
ايمن: اسراء اسراء وشاف نبضها ملقاش في نبض هما اتصدموا وطلبوا الدكتور
الدكتور:البقاء لله
منه:لاء لاء بنتى بنتييي وعيطت جامد
الكل عيط
ايمن:محدش يقول لطارق احنا هننده عليها هنا بس وندفنها وبلاش هو
الكل كان بيعيط
هما ندهوا عليها وغسلوها
وكانوا بيدفنوها
اشرف:سوسو انتى كده خلاص موتى يعنى مش هتحضرى جنازنى انا كنت فاكر انك اللى هتدفنينى وتجيلى التربه بتاعتى لكن انتي اللى موتى قبلى وانا دلوقتى اللى عندك وبدعيلك والله يا بنتى عمرك ما زعلتينى ولا زعلتى حد والكل زعلان لموتك بس انتى روحتى لواحد مقدركيش ولا عرف قيمتك ومرمتك وخلاكى تاخدي مهدأ لحد لما روحتى منى وانتى لسه معشتيش حياتك
ايمن:يلا يا بابا
اشرف:لا اختك بتخاف من الضلمه انا هقعد معاها
ايمن:يا بابا متحيرنيش والنبي قوم انا تعبان
اشرف:روح انت انا هقعد مع اختك
ايمن:يلا بس عشان ماما يلا يلا وخده ومشى
ومشيوا وعدى ٣ ايام بتوع العزا
عند طارق بعد اسبوع على وفاه اسراء
طارق:ياااه اسراء انا نستها خالص
امال: كلنا والله يابنى ده انا زعلانه اوى من نفسى لانها يوم ما جات كانت غايبه بقالها ١٤ يوم محدش فينا اهتم بيها ولا ندهنالها على الاكل ومشيت ولا حد فينا عبرها
طارق:والله انا ظالمها معايا انا هروح اجبها وحشتنى اوى
وراح ليها
وخبط
مى اللى فتحت وكانت لابسه اسود
طارق: مى اسراء موجوده وكان مستغرب لانها لابسه اسود
مى عيطت ومردتش ودخلت
طارق دخل
مى:في ايه وفين اسراء
هى عيطت وبصت على صورتها
طارق بص لقى صوره لاسراء وعليها شريطه سمرا
طارق:ه هو ايه ده ايه الهبل ده اسراااء اسرااااء
مى بعياط:والله العظيم ماتت من اسبوع
طارق:ا اسبوع ؟وافتكر ان ده يوم ما شهد حملت
هو اتصدم جامد وبص لصورتها كانت بتضحك في الصوره
طارق:انتى مموتيش هما كدابين يا اسرااااء وطلع فوق يدور عليها في الاوض بس ملقهاش دخل اوضتها لقا الستاير مقفوله والشبابيك مقفوله وحاطين في النص عند مخدتها مصحف
هو نزل
طارق:مى والنبي لو ده مقلب قولى حرام عليكوا انا والله مش هزعلها تانى انا اسف
مى:والله ماتت خلاص هعمل فيك مقلب ايه بس ماتت ماتت
طارق:ل لاء هى مماتتش معقوله هتسبنى لاء لاء وكان بيعيط ده انا بعشقها وهى عارفه كده هو انا اقدر اكمل حياتى من غيرها دى هى حياتى كلها اصلا هى بس عامله مقلب فيا
الباب كان مفتوح دخل منه ايمن واشرف وآمال وكانوا تعبانين خالص ولابسين اسود واسر ابن ايمن معاهم
هما شافوه
ايمن: انت ايه اللى جابك هنا ها
طارق:انتوا لابسين اسود ليه حرام عليكوا قولولى هى فين وانا والله مش هزعلها
ايمن:هى خلاص راحت عند اللى خلقها اللى احن عليها منك ومننا كلنا بس انا مش مسامحك منك لله منك لله ربنا ياخدك لانك اللى دمرتها كنت واخدها ورده منك لله
طارق:هى مماتتش افهم بقا ده مقلب بس مقلب وكان بيعيط جامد
اشرف:بص يابنى بنتى ماتت خلاص وانا مش قادر اتكلم ولا قادر الومك بنتى خلاص عند اللى خلقها وفي راعيته اللى عليك بس انك تدعلها بالرحمه وتسامحها لو في يوم عملتلك حاجه ضايفتك
طارق:ض ضايقتنى!ع عمرها انا اللى ضايقتها ل ليه مقولتوليش ليه
ايمن:عشان انت ولا حاجه بالنسبالها
طارق:انا جوزها
ايمن:لاء خلاص قبل ما تموت مضت على اوراق طلاقها منك شوفت بقا يعنى اخر حاجه عملاها قبل ما تقابل ربنا مضت على اوراق الطلاق وجابله الاوراق
طارق شافها وعيط جامد
ايمن:اطلع برا ورماه قدام البيت وقفل الباب
طارق:لاء افتح يا ايمن ايمن افتح والنبي اسراء عايشه هى مش هتسبنى انا متأكد انا بحبها اوى والله راحت قبل ما تعرف كده طب ازاى انا عشت معها سنتين لا زعلتها ولا هى زعلتنى وعشقتها اوى لكن اخر فتره دى مش عارف كان مالى لكن والله محبتش حد غيرها ولا بحب حد قدها وكان بيعيط جامد وبيزق الباب
في ناس جايه تعزى
طارق:امشوا انتوا جايين ليه هى مماتتش امشوا يلا اسراء مماتتش هى عايشه بس بتختبرنى بس
ايمن فتح للناس وزق طارق
طارق كان بيعيط جامد
طارق:طب ودينى طيب للترب بتاعتها
مى:اسر روح معاه ومع السواق هيوديكوا الترب دى مهما كان مراته ولازم يشوفها (اسر عنده ١٠ سنين)
اسر:حاضر
اسر طلعله
اسر:يلا نروحلها
طارق قام ونزلوا وسواق اسر وداهم
هما دخلوا
اسر وطارق قعدوا على الارض
اسر:عمتو بالله عليكى ردى عليا اول مره اناديكى ومترديش عليا انا بحبك اوى انتى ربنا مرزقكيش باولاد بس انتى امى واختى وحبيبتى انا ابنك صح انتى اللى بتهتمى بيا عن ماما مى انتى سبتينى ليه مش انتى قولتيلى انك هتعيشى وتكبرينى وتزكريلى وتجوزينى صح قومى بقا عشان انا مضايق ومش عارف اقعد وانتى مش معايا وجنبي وانا كده هموت والله طب بصى ايه رأيك تيجى تاخدينى واجى معاكى انتى مش بتحبى تقعدى لوحدك انا عارف وجتلك اهو قومى بقا والنبي
طارق كان بيعيط
طارق نام على التراب كانه حضنه
اسراء قومى يا حبيبتى انا جتلك اهو محدش قالى انك موتى ولا كانوا هيقلولى وانا والله روحت عشان ارجعك بس الوقت كان اتأخر كنتى موتى ومن اسبوع كمان يعنى بقالك اسبوع كامل هنا لوحدك وانا مش عارف تعرفى يا اسراء انا محبتش حد غيرك ايوه والله ولا عمرى حبى قل ليكى بالعكس ده بيزيد اكتر واكتر كان نفسى نكمل حياتنا سوا انا معشتش معاكى الا سنتين بس عدوا بسرعه اوى وكانوا احلى سنتين عمرى ما سمعت منك لفظ وحش ولا زعلتينى انتى ملاك بس انا اللى جرحتك وازيتك بس انا ازاى هكمل حياتى من غيرك ده انتى عمرى كله ازاى وعيط جامد ازاى هرجع البيت مش لاقيكى فيه وابقي عارف انك مش هترجعى تانى يعنى مش عند اهلك وترجعى كرسيكى هيبقي فاضى مش هشوفك قاعده على الفطار تانى ولا هشوفك قاعده معايا ولما اخاف من حاجه او ابقي زهقان مش هجرى عليكى واترمى في حضنك ولما ابقي تعبان من هيهتم بيا ويدعيلى انا مش هسيبك انا عارفك بتخافى من الضلمه بس انا بخاف من الحياه ومحتاجك ايه رأيك اجيلك انا هدعى ربنا انى اجيلك عشان انتى تطمنينى وانا اطمنك ااااااااااه انا مش عارف احضنك مش لقيكى انتى دلوقتى تحت وفاصل بنا تراب حتى لو شلته مش هلاقى غير جسمك مش هلاقى روحك يارب خدنى يارب خدنى لعندها يارب بحق رحمتك خدنى وارحمنى من العذاب ده اسر مشى مع السواق وطارق كان لسه نايم على التراب وبيعيط وبيكلم اسراء
الحارس بتاع المدفن جه
الحارس:يلا يا استاذ
طارق:لاء انا هفضل هنا
الحارس:يا استاذ مينفعش ده ممنوع يلا أمشى
طارق:قولت هفضل هنا مش همشى واسيبها
الحارس:هى عند اللى خلقها وحميها من الدنيا هى في حمايته ورعايته وعند الناس اللى سبوقونا ووحشونا ادعلها بالرحمه ده اللى هينفعها لكن القعده هنا مش هتنفعك ابدا ولا هاقدم حاجه ولا تأخرها يلا عشان ممنوع كده
طارق عيط ومقامش
جم اتنين قوموه وكانوا بيوده برا
طارق:لا لاء سيبونى معاها سيبونى
الحارس:مينفعش
طارق: اسراء هما مش رادين يسبونى معاكى حبيبتى انا هجيلك والله قريب مش هعرف اعيش من غيرك سيبونى معاها
الحراس زقوه برا وقفلوا البوابه بتاعه المدفن
هو عيط ومكنش عارف يدخل
هو مشى روح بيته وكان تايهه وهدومه متربه
الداده فتحتله واتخضت من شكله
امه شافته
امال:مالك يا طارق ايه عمل فيك كده وفين اسراء
طارق شم ريحه الاكل وكان الاكل اللى بيحبه اسراء
على:ما ترد يابنى هى زعلانه ولا ايه ده امك عملتلها الاكل اللى هى بتحبه
طارق:هههههه متأخر اوى وزعيه على روحها بقا
الكل اتصدم
امال:م ماتت
طارق:اه ماتت ماتت من قهرها ماتت لانى اتجوزت عليها واحده زباله ماتت لان انتوا اهملتوها وانا قبليكم ماتت لان ملقتش لنفسها مكان في البيت ده ماتت وسابتنى وبدأ يكسر في كل حاجه
شهد:طارق ربنا يرحمها خلاص انت بتزعق ليه هو احنا اللى موتناها
طارق راحلها وضربها بالقلم
طارق:انتى طالق بالتلاته ومش عايز اشوف وشك انتى دخلتى حياتى واتدلعتى عليا وخلتينى اهملتها وعاملتها وحش لحد لما ماتت انتى طالق طالق طالق وكان بيزقها لبرا ورماها برا البيت وطلع فوق قوضته هو واسراء وبص للقوضه لقا صوره جوازهم متعلقه
هو عيط جامد وراح حضن الصوره
طارق:سامحينى انا سبتك في اكتر وقت انتى محتجالى فيه سامحينى انا بحبك اوى اوى هو راح لدولابه وفتحه لقى صوره ليه ملزوقه جوه الدولاب
طارق:ياعمرى اسف وعيط وفضل يخبط راسه في الدولاب ونزل هدومها وقعت ورقه ووقعت حبوب
طارق مسك الورقه وفاتحها وكان مكتوب فيها
(ايه شويه البقر اللى انا عايش معاهم دول )
(هو انا هتخطف يعنى انا مش صغير )
(اسراء روحى عند اهلك اسبوع عشان شهد متحسش ان ليها ضره من اول يوم)
(استغفر الله العظيم ده شكل الواحد يصطبح عليه )
ومكتوب تحتيه
(حسيت ان دى النهايه بتاعتى وبتاعه علاقتنا)
اسراء كانت كاتبه ده كل الكلام اللى قالهولها وزعلها بيه وهى كتبت ان دى النهايه
طارق:يارب يارب كنت اتشليت قبل ما اقولك كده انا السبب انا السبب كلامى ليكى ضايقك وبعدك عنى خلاكى بتعتبرينى غريب مقولتليش على وجعك ااااااااه يارب خدنى يارب
وبص على الحبوب ولقاها حبوب مهدأ لعلاج الاكتئاب
طارق:انا زباله انا زباله وعيط وسرخ جامد
وفرد هدومها على السرير ولبس البيجامه للمخده وكان نايم وسط الهدوم وبيشم فيهم
هو شاف خيال اسراء وبيضحكله
طارق:ا اسراء
اسراء:ايوه ليه بتعمل في نفسك كده وطلقت مراتك اللى هتخلفلك وتحقق حلمك
طارق:مش عايزها هى اللى بعدتنى عنك ولو على اللى في بطنها خلاص انا مش عايز حاجه من الدنيا غير انى اجيلك وبس
اسراء:ليه دى الحياه حلوه اوى انا كان نفسى اكمل فيها بس مقدرتش لانك اتغيرت معايا وبعدت عنى كنت هطلق منك ومضيت بس انا روحى كانت فيك
طارق:ياعمرى انتى انا اسف انا عايز اجى عندك خدينى معاكى
اسراء:لاء خليك هنا لحد لما ربنا يخدك لعنده
طارق:مش هستحمل بعدك عنى حياتى كده خلاص انتهت من غيرك
اسراء:لاء هتكمل انسانى بقا انا خلاص مبسوطه عند ربنا ومش زعلانه عيش حياتك وانبسط
طارق:لاء مش عايز تعالى في حضنى ارجوكى انا محتاجك وقام يحضنها بس ملقاش حاجه
طارق:اسراء اسراء عيط جامد
وعدى اسبوع وطارق مش بياكل حاجه وقافل على نفسه الاوضه
في يوم اسراء جاتله
طارق:اسراء وحشتينى
اسراء:انت مش بتاكل ليه
طارق:مش عايز ولا عارف اصلا
اسراء:لاء لازم تاكل
طارق:لاء انا عايزك ارجوكى تعالى
اسراء:مش هعرف اجيلك
طارق:طب انا هيجيلك
اسراء:ربنا يسهل بقا سلام
طارق:خليكى معايا شويه
اسراء:لاء بطل عياط بقا انا مبسوطه فوق وابتسمت وفجأه خيالها اختفى
طارق:نفسى تكونى قدامى حقيقي لكن ده خيالك حتى خيالك مش عارف المسه وكلامك بلسم ليا
انا هجيلك يا حبيبتى ونام بس نام ومقامش تانى طارق مات من حزنه عليها ومش عارف يكمل حياته غير بيها بعد اسبوع من معرفته لخبر وفاتها
اهله كسروا الباب عليه ولقوه ميت ولقوه كاتب ادفنونى جنبها
هما استأزنوا اهل اسراء ودفنوه جنبها
ارواحهم اتقابلت فوق وبقوا عند ربنا ومع بعض ارواحهم مع بعض فوق وجسمهم مع بعض تحت وفعلا مقدرش يكمل من غيرها وساب الحياه وراخلها يكمل حياته معاها فوق وفي الجنه (وبكده طارق واسراء ماتوا واندفنوا سوا عاشوا قصه حب عظيمه وماتوا وهما روحهم في بعض )
بس كده
طارق مقدرش يكمل من غيرها مقدرش يستحمل بعدها عنه الحب مش كلمه وبس الحب بتحمل معانى كتيره اوى لما كان بيقولها انتى روحى وعمرى مكذبش كان بيقولها بجد لان روحها طلعت وهو روحه طلعت بعدها ومات وكان عايز كده عشان يروحلها ومنتحرش عاشن يعرف يدخل معاها الجنه
