هو وداها الاوتيل وطارق راح للمدير بتاع الفندق اللى هو معينه
طارق:ايمن بقولك ايه عايز القوضه اللى انا باخدها دايما لما اجى هنا مش هى فيها كل حاجه جاهزه
ايمن:ايوه هو انت هتيجى هنا ولا ايه
طارق:لاء ده للأنسه اسراء بص يا ايمن كل اللى تطلبه يجيلها ومتاخدش منها فلوس اشطا
ايمن:اشطا بس مين دى
طارق: ملكش فيه واوعى تخلى حد يضايقها
ايمن:ههههه ماشى يا عم
طارق راحلها لانه كان مقعدها
طارق:اسراء تعالى اوديكى القوضه بصى فيها كل حاجه واطلبى اللى انتى عايزاه متقلقيش ولو اى حد ضايقك قوليلى
اسراء:انا بجد مش عارفه اشكرك ازاى
طارق:تشكرينى على ايه بس يلا اوديكى قوضتك
اسراء:تمام وراحت معاه
طارق:خدى بالك من نفسك
اسراء:تمام
طارق مشي ورجع البيت
مشيره:ها البنت الجديده عامله ايه
طارق:كويسه
مشيره:يعنى
طارق: اقولك ايه يعنى يا مشيره
مشيره:يعنى مايصه ولا لاء
طارق:هو انتى يعنى مشوفتيهاش
مشيره:يمكن قدامى حاجه وقدامك حاجه
طارق: لاء يا مشيره محترمه جامد ومش مايصه وبتتحرج واللى انتى بتدورى عليه موجود فيها خفى بقا
مشيره:باتت فين
طارق:زى ما قولتلها في مبنى العاملين وبصلها بقرف
مشيره:تمام
طارق قام ونام وكان بيفكر فيها وبس
طارق:معقول يا طارق حبيتها بس ازاى ده انا اول مره اشوفها بس حاسس كأنى اعرفها من زمان وفضل يفكر كتير وبعدين افتكر حاجه من ٦ سنين
فلاش بااك
كان بيتفسح مع صحابه في الملاهى طارق كان عنده ٢٠ سنه واسراء كان عندها ١٨ سنه
اسراء كانت مع محمود في الملاهى
اسراء:محمود احنا معناش فلوس جايين نعمل ايه
محمود:عايز افسحك يا حبيبتى احنا مش بنخرج ابدا وانتى مسؤله منى عايز افسحك
اسراء:بس احنا معناش فلوس يا محمود يلا نروح ربنا يهديك يارب
محمود:طب استنينى هنا بس مش هتأخر
اسراء:هتروح فين
محمود:جاى اهو
اسراء:تمام
هى وقفت على جمب وبعدين في ولاد جم وعاكسوها
الولد:ايه القمر ده
الولد ٢:قمر ايه بس ده صاروخ
الولد ٣:ما تيجى يا قمر وهنظبتك
اسراء:ابعدوا عنى
الولد:توء مش هنقدر انتى هتيجى معانا وكانوا بيشدوها
اسراء:اوعوا الحقونى
طارق شافها جرى بسرعه عليها وزق الولاد عنها
طارق:مالكم ومال خطيبتى
الولد:خطيبتك !اجروا يا عيال وطلعوا يجروا
طارق بصلها لانها كانت مخضوضه وبترتعش
طارق: اهدى يا انسه
اسراء:شكرا
طارق:ده واجبي
اسراء ابتسمت
طارق راح اشترلها مايه
طارق:اتفضلى
اسراء:لاء شكرا مش عايزه
طارق:لاء عشان تهدى يلا
هى شربت
اسراء:شكرا
طارق:متقفيش لوحدك كده لانك يعنى زى القمر
اسراء:ا انا مستنيه واحد
طارق:مين
اسراء:خطيبى
طارق:انتى مخطوبه ازاى انتى شكلك صغير اوى وازاى هو سايبك كده
اسراء:خلاص حصل خير اتفضل انت
طارق:لما يجى
هو وقف معاها وكانت عجباه اوى
طارق:اسمك ايه
اسراء:اسمى اسراء
طارق:اسمك جميل اوى مليان رقه وشكلك مليان جمال وبراءه
اسراء ابتسمت باحراج
طارق ركز معاها وكان مضايق اوى انها مخطوبه
طارق:انتى مش لابسه دبله ليه
اسراء:اصل احنا كنا في ميتم ولسه خارجين منه ومعناش فلوس
طارق:اه
اسراء:اهو جه اهو
هو جه وكان مضروب
اسراء:م محمود ايه اللى حصلك ده مين عمل فيك كده
محمود:متقلقيش يلا نمشى
اسراء:انت كويس
محمود:ايوه يلا ومسك ايديها ومشى
طارق فضل يبص عليها كتير وراح لصحابه
على صاحبه
على:مالك يلا
طارق:شوفت واحده وعجبتنى اوى بس مخطوبه ومشيت مع خطيبها
على:هههههههه فكك يلا
طارق:يلا
هو مشى
باااك
طارق اتعدل وفرح اوى
طارق: اسراء هى ويتيمه ومخطوبه وقالتله محمود اه والله هى الحمدلله وكمان زيها اوى
ونام وكان فرحان
تانى يوم راح الشركه اسراء كانت هناك
طارق:صباح الخير
اسراء:صباح النور
طارق:عايزك جوه
اسراء:تمام
هو دخل وهى دخلت وراه
طارق:مش حاسه انك شوفتينى قبل كده
اسراء:ي يعنى بس اكيد مشوفتش حضرتك
طارق:يا سوسو بلاش حضرتك دى
اسراء:ح حاضر
طارق:متأكده انك مشوفتنيش ابدا
اسراء:اكيد لاء
طارق:فاكره من ٦ سنين لما كنتى في الملاهى وفي عيال ضيقوكى وفي واد قمر مز عسل كده شافك وجالك دافع عنك ووقف معاكى وقالك ان اسمه طارق وجه خطيبك ده وكان مضروب
هى وقفت شويه وبعدين افتكرت
اسراء:ا ايوه هو انت اللى
طارق:اللى مز العسل
هى ضحكت
طارق:عارفه يوميها كنت زهقان اوى لما عرفت انك مخطوبه
اسراء:ليه
طارق:مش عارف والله بس اضايقت اوى
اسراء:انا هطلع اكمل شغلى
طارق ابتسم وهى طلعت
عدى على كده شهرين طارق فيهم كان بينجزب لاسراء بشكل غير طبيعى ومبقاش عارف يقعد من غيرها بقا بيكتر الشغل عشان يفضلوا مع بعض وشايفها قصاد عينه
في يوم خلصوا شغل الساعه ٩
اسراء:بقينا بنتأخر اوى في الشغل
طارق:بتتعبى
اسراء: ابدا حضرتك بتساعدنى دايما مش بتعب بس عشان حضرتك يعنى
طارق:ههههههه يا اسراء بلاش حضرتك دى
اسراء:والله مش عارفه مقولهاش اتعودت عليها
طارق:قولى ورايا
اسراء:اقول ايه
طارق:قولى طارق
اسراء:ط مش عارفه
طارق:تانى تانى بالراحه يلا طارق
اسراء:طارق
طارق ابتسم
طارق: سهله اهى عارف انك بكرا هتيجى تقولى حضرتك برده
اسراء:ههههههههه ربنا يسهل
طارق:طب يلا نمشى واوصلك
اسراء:حضرتك والله بتتعب خالص بتيجى كل يوم توصلنى وبعدين ترجع
طارق:ياختااى حضرتك تانى امشى يا اسراء يلا
هى ضحكت ومشيت
هو فضل بااصصلها شويه وبعدين نزل وراها
هو فتحلها العربيه
طارق:تفضلى يا مولاتي
اسراء استغربت بس ابتسمت ولسه هتركب
محمود طلع من ورا الشجره وقال
محمود:بقيتى مولاته
طارق واسراء اضيروا وبصوله
طارق:انت مين
محمود:هو انتى مقولتلوش ولا ايه
طارق:يبقي انت محمود طليقها
محمود:هههههههه لاء منا قولت يا واد يا محمود هى عدتها ٣ شهور ومعداش على كده الا شهرين وكام يوم
قولت بقا الحق ارجعها ليا قبل ما العده تخلص وتعدى ال٣ شهور
اسراء:انت اكيد اتجننت انا مستحيل ارجعلك خلاص مبقتش احبك
محمود:احسن حاجه عملتيها انى لما قولتلك انتى طالق مشيتى عارفه ليه انا هقولك عشان متقوليليش طلقنى بالتلاته انتى فاكره انى مش بحبك توء انا بموت فيكى رغم انى خونتك بس في رجاله كده وانا منهم ومستعد اطلقها عشان تحبينى تانى فانا بقا فضلت وراكى الايام اللى فاتت على ما تهدى خالص بس شكل الصناره بتاعه الاستاذ طارق غمزتلك ووقع في حبك فانا قولت الحق نفسى واعرفه انى رجعتك
اسراء:انا مش هرجع بقولك وانت هطلقنى بالتلاته دلوقتى انت سامع ولا لاء
محمود:لاء يا روحى انتى هتيجى معايا وجه يمسك ايديها
طارق مسكها ولواها
طارق:ورحمه امى لو لمستها لكسرلك ايدك
محمود:ابعد بقولك
طارق:والله العظيم يا محمود لو قربتلها لدفنك مكانك اركبى يا اسراء العربيه
اسراء:طب تعالى
طارق:اركبى انتى بس يلا
اسراء:حاضر
محمود:خليها تيجى عشان مطلبهاش في المحكمه واقول ان مراتى ماشيه مع راجل تانى وافضحها
طارق:اعلى ما في خيلك اركبه وضربه بالبوكس وقعه وركب العربيه
وطلع على طول
محمود:وحياتك يا اسراء لوريه وهاخدك برده
طارق واسراء وهما في العربيه اسراء كانت بتعيط
طارق:اهدى يا اسراء
اسراء:كده انا لسه مراته وفي اى وقت ممكن ياخدنى
طارق:طب يبقي يعملها كده اقسم بالله ادفنه حى اتكلم بعصبيه جامد
اسراء:ا انت متعصب ليه
طارق: عشان هو حيوان ازاى يعمل كده ازاى وخبط على الدريكسيون
اسراء عيطت جامد
طارق حضنها
طارق:اهدى بس والله ما هيقدر يقرب منك احنا النهارده هنام في العربيه عشان يلف حوالين نفسه ولو راح الفندق ميلاقكيش
اسراء:طب وايه زنب حضرتك
طارق:انتى وبصلها بحب
اسراء سكتت ووشها احمر
طارق أبتسم
طارق:اسراء هطلع اغطى العربيه من برا
اسراء:هتعرف تدخل
طارق:اه مش هغطى الجزء بتاعى ولما ادخل هعمله من الشباك
اسراء: تمام
هما كانوا في شارع فاضى في بيوت وناس ساكنه بس الشارع هادى يعنى
هو عمل كده ولما دخل قفل العربيه من جوه والشبابيك وشغل التكيف عشان يجبلهم هوا
وعربيته كانت من اللى ممكن تخلى الكرسى ينزل ويناموا عادى
هو عمل كده
طارق:نامى يلا وكان بصصلها
هى كمان بصتله
اسراء:مش عارفه اشكرك ازاى
طارق:بوجودك جمبي
اسراء ابتسمت ونامت
هو فضل يبصلها كتير وبعدين نام
وبس كده 💖💖
