:هااا ايه رائيك
-انتي هتيجي كداا..؟!
:وحش
-لا حلو بس مش هينفع للحلفه خاالص
:طب اعمل ايه انا مش هلحق اروح اغير واجي تاني
-ولا يهمك يا ستي هو انا عندي كام فاطمه في حياتي، احلى طقم لاحلى فاطم
راحت عند الدولاب و قعدت تختار لبس ينفع للحفله وبعد كام دقيقه جيت وهي ماسكه فستان اسود قصير شويه
-كإنو معمول عشانك يا جميل
:بس دا قصير وانا محجبه
-ياستي اقلعي الحجاب انهارده بس وكمان دا يوم واحد بس، وكمان هقولك حاجه مش الوحده يوم فرحها ساعات بتجي وتروح الفرح بشعرها ومش كدا وبس فاكره لما كنا في المدرسه والمس اللي كانت منتقبه قلعت النقاب يوم فرحها، فـ دا يوم في العمر ياستي ومتبقيش متشدده اووي كدا وكلنا في الحفله هنكون اخوات عادي
:يخربيت سنينك دا انتي لو كنتي دخلتي مُفاوضه مع إسرائيل كان زمان فلسطين رجعتلنا تاني، هاتي هدخل اغيره بسرعه واجي
خت الفستان ودخلت غيرته ولبست جزمه كعب معاه، وخرجت
-يخربيت كدااا، صاروخ ارض جووا ماشي على الأرض، يخربيت حلاوتك ياشيخه
:بجد حلو
-دا انتي هتغطي على صاحبه الحفله
:طب يلا عشان منتأخرش
خرجنا و ساره وقفت تاكسي ومشيناا، بعد شويه وصلنا الحفله وروحنا قعدنا ولقينا شاب جاي عند الترابيزه بتاعتنا
°ايواا بقااا على القمر الي وصل ومقلناش
-سوري يا جوو بس معرفتش اسيب فاطمه لوحدها
°هو احنا هنكلها ولا ايه
-لا الموضوع مش كدا
°خلاص مفيش مشكله، تسمحيلي بالرقصه دي يا سووو
-اكيد ياا جوو، فاطمه هروح ارقص معاها واجي بسرعه
:ماشي
مشيت وخلتني لوحدي وكنت خايفه جداا خصوصا اني اول مره اروح حفلات كداا، كل شويه حد كان بيجي يطلب انو يرقص معايا بس كنت برفض بحجه اني دايخه شويه، ولاحظت واحد قاعد لوحده بعيد وكإنو مش حابب الجو وكان كل شويه يبصلي بس طنشت وبعد شويه لقيت ساره والشاب جايين تاني
-تعالو ناخد صوره مع بعض
°معنديش مانع
-يلاا يافاطمه انتي لسه هتفكري دي مجرد صوره
استسلمت وقمت اتصور معاهم وساره نزلت الصوره على الانستا من غير ما اعرف
-مالك قاعده كدا ليه مقومتيش ترقصي ليه
