#اسكريبت
_الجزء الاول
:على فكره انت عيل رخم اوووي
_عيل... ورخم.. انتي عاقله يا بت
:بت اما تبتك
_لا دا انا امي داعيه علياا بجد، انا كان مالي ومال الجوازه السودا دي
:بقولك ايه يا صاحبي ما....
_صاحبي.؟! هو انا عيل بل....
:ولااااا بقولك ايه متقطعنيش وانا بتكلم خليني اقول الكلمتين الي حفظاهم وامشي
_قولي
:مبدائيا كداا انا مش موافق على الجوازه دي يا متولي
_ولا انا والله يا خِضر
:امال جيت ليه ياعم ايه الرخامه دي
_هو انا جاي بمزاج امي
:امممم، افهم من كدا انا مغصوب على الجوزاه زي
_يعني حاجه شبه كدا
:طب والعمل
_انا كان ليا واحد صاحبي اتحط في نفس الموقف و اتفق هو العروسه أنهم يتجوزه جواز صوري وبعدها يطلقوا
_:واتطلقوا
_لا بقا معاه معاذ و جنه
:صحبك دا مش جدع على فكره
_بقولك ايه فكك من صاحبي دلوقتي احنا هنتجوز سنه وبعدها نطلق ونقول مش متفاهمين مع بعض
:وانا ايه الي يخليني أثق فيك مش ممكن تعمل زي صاحبك ومتطلقنيش
_لا من الناحيه دي متخافيش لاني اصلا بحب واحده تانيه وعايز اتجوزها
:ومروحتش تطلب ايديها ليه
_بابا مش موافق
:ليه
_هبقا اقولك بعدين
:طيب كدا تمام انا هقولهم اني هصلي استخاره وبعدين اقولهم اني مرتاحه
_تمام وانا هكلم فريده واشرحلها
:طب و......
كانت بتتكلم وفجأه لقيت والدها دخل
&هااا ياولاد ايه رائيكم
رفعتلها حاجبي وبصيت لعمي عشان تفهم فيصلي وهزت رأسها بمعنى تمام فهمت
:هصلي استخاره الاول يا بابا
&تمام يا ولاد ربنا يتمملكم على خير
/نستأذن احنا بقاا يا أبو أسماء
&معقوله هتمشو بالسرعه دي
/ان شاء الله نعوضها المره الجايه في قرايه الفاتحه
&ان شاء الله
_عن اذنك يا عمي
$اذنك معاك يابني
