"وَفِي ذَٰلِكَ فَليَتَنَافَسِ ٱلمُتَنَٰفِسُونَ"
_مش عارفه، بس كل الي اعرفه اني عايزها متكونش زي بنات اليومين دول....
-مالهم بنات اليومين دول ياعم
_يعني مش عايزها تكون ماشيه بـ بنطلون وبلوزه قصيره عشان تلف نظر كل الي رايح والي جاي وتسمع كلمه حلوه منهم واد ايه هي حلوه لا يا صاحبي الراجل مننا بيدور على الي مِحافظه على نفسها وخايفه تخرج من البيت ولبسها ضيق أو مُلفت وهي مش واخده بالها..
-مش فاهم قصدك اوووي..
_يعني عايزها تصحينى في نص الليل عشان نصلي القيام ولو مردتش اصحى تكوب مايه عليا لحد ما اصحى.. عايزها تصحيني لصلاه الفجر وتقولي صلاه الفجر دا اول امتحان ليك من ربنا عايز تسقط فيه مش كفايه كنت بتجيب ملاحق في المدرسه هتجيب هناا كمان.. عايزها تيجي تقولي انت نسيت اكيد كنت ناسي صح وانا ابصلها باستغراب ومش فاهم فـ تقولي مش بقولك كنت ناسي بكرا الاتنين ياا استاذ يعني لو صومنا بكرا ربنا هيحرم علينا النار لمده 70 خريف.. عايزها تيجي كل يوم وتقولي سيب الزفت داا لان داا معاد التسميع حضرتك ونقعد نسمع قرآن لبعض.. عايز زوجه صالحه يا خالد.. نقعد نتنافس مع بعض عشان محدش يسبق التاني في الجنه ونكون مع بعض.. عايز زوجه تعني على طاعه الله ويكون كل هَما انها ترضي ربنا مش انها تلحق تشتري على الموضه قبل صُحابها....
-بس صعب تلاقي حد كداا يا آسر صعب اوووي
_مش صعب ولا حاجه لو احنا عايزين حب حلال نصلح الي بنا وبين ربنا اصل الحب نور ونور الله لا يهدي لعاصي.. وانا بحاول على قد ما اقدر أصلح الي بيني وبين ربناا
-طب يلاا عشان المحاضره هتبدأ
مشيت انا وهو ولقيت في تجمع بعيد عننا شويه وكان باين بنت منتقبه واقفه وفي بنات قاعدين حواليها على شكل دايره وعمالين يسألوها وهي تجاوب بس غضيت نظري عنهم بسرعه ودخلت المحاضره مع خالد
___بقلم: #أسماء_عاطف __ #أززمأاآءء ___
"على الجانب الآخر
~نور... أنا كل لما اصلي بسرح في الصلاه كتير وخايفه ربنا يعاقبني على كداا وفي صحابي قالولي بطلي صلاه احسن لان كدا ملهاش لازمه...
:متبطليش ﺻﻼﺓ مهما حصل هيكون اسمك تاركه الصلاه و ابليس انطرد من الجنه عشان ساجده امال تارك الصلاه هيعمل ايه..؟!
أما بالنسبة لموضوع انك بتسرحي في الصلاه فـ حله بسيط جداا وبدل ما هتاخدي أجر الصلاه هتاخدي أجر الصلاه والحفظ
~ازاي...
:احفظي كل يوم وجه واحد بس من اي سوره.. نبداء مثلا من عند البقرة هتحفظي كل يوم وجه منها ومع كل صلاه بدل ما هتقولي سوره الاخلاص هتقولي الوجه الي انتي حفظتيه ساعتها هتكوني مركزه عشان متغلطيش في التسميع ولما تقولي الوجه دا مع كل صلاه في اليوم دا هتكوني حفظتيه وكل يوم تحفظي وجه جديد.. بس متنسيش تبقي تراجعي على القديم بردو.. وكدا هتاخدي أجرين أجر الحفظ وأجر الصلاه
