-سرحتي في ايه
:مفيش.. بس البنت دي غريبه جداا
-يمكن عشان بت شماال مثلا ومشيها كلوو مع رجاله
:تعرفي إن الجمله دي كفيله أنها توديكي النار
«إِنَّ الَّذِينَ يَرْمُونَ الْـمُحْصَنَاتِ الْغَافِلَاتِ الْـمُؤْمِنَاتِ لُعِنُوا فِي الدُّنْيَا وَالْآَخِرَةِ وَلَهُمْ عَذَابٌ عَظِيمٌ (23)»[النور]
أي إن الذين يقذفون النساء الطاهرات الغافلات عن كل فعل سيِّئ، المؤمنات إيمانًا حقًّا. إن الذين يفعلون ذلك قد طردهم الله من رحمته
-مبروك يا أماني استشيختي وأنا معرفش طب كنتي قوليلي طيب أجي اباركلك ولا حاجه دي حتى تبقا عيبه في حقي
:دنيا قولتلك ميت مره أنا مش شيخه أنا مسلمه
لقتها بتبصلي نظره سخريه فـ سبتها ومشيت وقعدت على ترابيزه بعيد عنها، بعد شويه لقيت البنت بقت لوحدها فضولي زاد إني اروحلها أصل أنا معرفش كلام دنيا عليها صح ولا غلط أنا فعلا بلاقي البنات بيبعدو عنها وبيتجنبوها ولو حد جاب سيرتها أو شافها بيتكلم عليها وحش جدا، أخر ما زهقت من التفكير روحتلها
:صباح المانجا على احلى فراوله في عالم الفاكهة
بصتلي بـِ إستغراب وكإنها مكنتش متوقعه أن الكلام دا ليها
_أنا...؟!
:عندك شك في كداا يا قمرر أنت
لقتها ضحكت من قلبها وملمحها كانت برئيه اووي وصدق الرسول صلى الله عليه وسلم لما قال "الكلمه الطيبه صدقه"
_دا من زوقك.. كان في حاجه
:لقيتك واقفه لوحدك وانا كمان قاعده لوحدي فـ قولت أجي أرخم على العبدلله ونتعرف
_أنا وأنتِ...!
:هو في حد واقف غيرنا وأنا مش واخده بقالي يا ولااد
_طب تعالي نقعد طيب عشان منتعبش من الواقفه
روحنا قعدنا وبدئنا نتكلم مع بعض وروحها كانت عامله شبه الاطفال وشويه ولقيت صحابي جاين عليا
*أماني أنتِ أزاي تقعدي معاها أنتِ مش شايفه البنات بتبعد عنها ازاي ومتفقين محدش يتكلم معاها
:بس أنا عاوزه أتكلم معاها وأنتِ متقدريش تمنعيني
-طب بصي بقاا يا ستنا الشيخه لو كملتي معاها ولا نعرفك ولا تعرفينا
:اللي يريحكو
وقعدت تاني وهما مشيوا
_انتي هتسبيهم يمشوا
:وفيها ايه أنا مش هجبرهم على حاجه هما مش عاوزنها، هما أصلا مكنوش صحبة صالحة وكل حاجه يقولولي يا شيخه
