البارت الاول
.....❤️❤️❤️❤️❤️
اووه المنبه ضرب وانا متأخره يدوب الحق البس واجهز نفسى .. قمر فى المرايه يلا بقا اعمل ازعاج للبيت كله ....نور انتى وروان يلا قوموا بسرعه عاوزاكوا يلا بسرعه
بابا وماما يلا قوموا فى حاجه عاوزاكوا فيها بسرعه
بابا:اى يامروة ياحبيبتى مالك
مروه:كداا يابا النهارده اى
بابا:النهارده الحد ياحبيبتى
مروه :يابابا..لا اقصد النهارده اول يوم كليه
نور وروان فى نفس الوقت:يابت الساعه لسه 5
مروه :انا عاوزه اتكلم معاكوا شويه انا كبرت خلاص
بابا:نور انتى وروان يلا ناموا
وانتى يامروه ياحبيبتى تعالى نتكلم شويه عشان عاوزك
ماما :اه ياحبيبتى تعالى نقعد فى الصالون دقيقتين بس وهجيلكم
دخلت انا وبابا الصالون وفجأه لقيت بابا بيبصلى بطريقه غريبه عينيه بتلمع ومليانه دموع وفى نفس الوقت بيضحك...... بابا انت كويس ولا تعبان فيك حاجه
بابا:لا ياحبيبتى انا مش تعبان انا فرحان لان اكبر بناتى دخلت كلية الطب انتى عارفه انتى كنتى كتكوته صغننه خالص كنتى بتيجى تجرى فى حضنى عشان افتحلك الشوكولاته ..تجرى عليا وانتى بالضفاير والعيون البريئه والفستان الصغير والجمال اللى ملوش اتنين كبرتى وبقيتى دكتوره اد الدنيا واخواتك كلها سنتين ويحصلوكى انتوا صحيح تلت بنات بس عندى بميت راجل
مروه:استغربت من بابا وساعتها حسيت ان اهميتنا عند بابا كبيره اووى وفجأه ماما دخلت وحضنتنى وقالتلى بالتوفيق ياروح ماما قعدنا نتكلم وفطرنا مع بعض جالى تليفون من سارة زميلتى المقربه
سارة:اى يا أختى مش يلا عشان نمشى
مروه:حاضر نازله اهوه بلبس الكوتش بس ودعت بابا وماما واخواتى ونزلت بسرعه لساره زميلتى
ساره :اى الجمال داا
مروه :ربنا يخليكى يارووحى انتى اجمل
وقفنا الباص وركبنا ووصلنا للكليه وحسيت إن أنا فى مكان راقى جدا وجديد عن المراحل اللى انا كنت فيها قابلت ناس كتير واتبسطت جدا مع كل الناس وفضلت كده ايامى تمام وبروح الكليه واجى والامور تمام عدى شهرين وجه يوم اختبار دكتور عمله
ساره :انا خايفه اوى الدكتور ده اسئلته صعبه
مروه:ماتخافيش ربنا معانا رحت الامتحان وقعدت وكان معانا طالب فى المدرج اسمه مازن كان مجتهد وشاطر وعلى طول عارف اجابات الاسئله اللى الدكتور بيسئلها وفى حاله وملهوش دعوه بحد وفجاه وانا داخله مكنش حد لسه دخل المدرج ساره قالتلى دقيقتين وهاجى وفجأه لقيت نص بنات الجامعه بتجرى على شخص معين حواليه شوية شباب زى مايكونوا الحرس بتوعه وكل واحده قاعده تكلمه وكان فاندام هو اللى واقف
ساره جات فسألتها مين دا ياساره ساره ردت قالت إجابه غريبه بالنسبالى
ساره:ده بيبقى من عيله غنيه وبعدين انتى مش شايفه هو غامل ازاى عربيه اى ولبس اى وشكل اى لا بجد الواد دا جميل
وفجأه لقيت الشاب ده معدى من قدامى وبيتجاهل كل البنات ومش بيكلم حد خالص فقلت اكيد محترم اوى بس بالعكس لقيته رافع راسه زياده عن اللزوم
استغربت منه هو محترم اوى ولا عاوز حد يعدله راسه دى
ساره :اسكتى يابت شكله بيقول ان هو مش بتاع بنات بس شكله غنى اوى
رديت ببرود واحنا مالنا يلا على الامتحان يادكتوره
دخلنا الامتحان والدكتور قدم الورق وفجأه مازن دخل وقال للدكتور أنا اسف جدا بس الدكتور قاله كلام جارح جدا وبعته للعميد كمان على الرغم انه اعتذر عشا صعوبة المواصلات وبعد محايله من زمايلنا فى الكليه الدكتور دخله حلينا وفى أواخر الامتحان دخل الواد اللى انا شفته برابيقول للدكتور ببرود انا عاوز الامتحان
الدكتور: مهند بيه اتفضل اقعد فى المكان اللى انت عاوزه قعد فى مدرج حنب واحده اسمها زهراء البنت دى محترمه جدا وشاطره كمان لكن غلبانه شويه وبتشتغل ودا شرف لها طبعا لان الشغل مش عيب حلصت الامتحان وراحه اسلمه سلمته للدكتور وساره كمان سلمت وبلف وشى عشان اجيب شنطتى لقيت زهراء ومهند بيبدلوا الورق ولقيت زهراء زى ماتكون عاوزه تعيط وورقة مهند بيضه لسه فبصيت لها باستعجاب راح مهند دا باصصلى بصه خلانى اتخض والف وشى بسرعه وفضلت مصدومه ومش عارفه اعمل اى
روحت وغيرت هدومى واتغديت وصليت ودخلت انام شويه وبعدين حلمت خلم غريب اوى
لقيت زهراء واقفه على تل وتحته نار وفى واحد قاعد على عرش وحواليه ناس كتير ولقيت زهراء بتقولى انتى انتى املى الوحيد حاولت امسكها لكن الشخص اللى قاعد على العرش دا طلع مهند وحاول يوقعنى انا كمان خفت جدا بس فضلت متمسكه بزهراء جه لعندى وقالى انتى عاوزاها روحى معاها ووقعنا فى النار قعدت اعيط بابا جه وقالى مالك ياحبيبتى قلتله مفيش يابابا كابوس شربت ميه وقعدت فى الاوضه لوحدى افكر ومش عارفه اعمل اى ؟؟؟؟؟
يتبع❤️🌎
بقلمÝ@$ò
لياسمين محمد
أنت تقرأ
أسيرة فى قلب الظلام
General Fictionفتاه شابة حياها تمشى باستقلال وحب حتى يأتى لها شاب قاس له ماضى مجهول وهو من عائلة غنيه يأسرها لتكون له فهل ستستطيع تغيير صفاته هذه وتتغلب عليه أم ستقع فى حبه وهل سيحبها وما سر ماضيه لنرى معا♥️♥️
