رأيكوا♥️
أسيرة فى قلب الظلام
البارت التامن
................❤️❤️❤️❤️
صحيت تانى يوم على ضوء الشمس وكنت اول مرة انام بعمق كداا...لقيت مهند نايم على كرسى بعيد عنى شويه وماسك تليفونى والمحلول اللى كان فى ايدى جنبه وكل حاجه هو واخد باله منها ..بس شكله طول الليل مانمش ..فقصدت انى اعمل اى صوت اشوف ردة فعله....
مروة:آااه مش قادره ..
لقيت مهند قام من مكانه مخضوض ..ومربوك
مهند:اى مروة مالك..يادكتوروة بضحكة:اى ودا بردوا مش خوف عليا
مهند بعصبيه :بطلى حركات الاطفال دى ...
وبعدين قعد وهدى خالص وانا قعدت ابصله ..كان عاوز يكلمنى بس زى مايكون خايف..او مش عاوز ..مفكر انه كدا هايخسر كرامته..
مهند:مروة هو ممكن أسألك سؤال لو مش يضايقك
استغربت مهند بيستأذنى ..غريبه
مروة: آااه طبعا اتفضل
مهند:انتى بتكرهينى ؟!
انا ساعتها حسيت ان مهند حابب يتغير ومش عاوز حد يكرهه ..بس مجاوبتوش الاجابه اللى كان عاوزها ..عشان مايغلطش ..ويتكبر ويتصرف غلط..
مروة: والله ربنا اللى يعلم مافى القلوب ..ويعلم مافى قلبى ليك من حب او كره ..وكمان يامهند انت آاه اذيتنى وجدا كمان ودمرتنى انا ومشاعرى ..والناس اللى حواليا الا انى مش هكرهك لسبب انى مش هعيش معاك على طول ..ومش بحب اسيب حد وانا كرهاه ..او فى جزء منى كارهه ..
مهند:دى اجابتك ..مقتنعه بيها
مروة:آااه يامهند مقتنعه جداا
وكمان انت لازم تقتنع اننا مش لبعض..انت خسرتنى اهلى وصحابى ..الكل بقا بيخاف انه ييجى يزورنى ..انت حستتنى انى وحيده ..لان مفيش اى توافق بيننا فى اى حاجه ..
مهند بعصبيه:يعنى افتكرتى كل دا ونسيتى فضلى عليكى ..دا انا عيشتك فى فيلا ماتحلميش بيها
..وفلوس وحراس ..وخدم وعربيات وكل حاجه ..يعنى عطيتك السعاده كلها ...انتى مش بتقدرى لى ..
مروة:انت فاهم السعاده غلط يامهند بيه ..السعاده انك تكون وسط اهلك فرحان بيهم وفرحانين بيك..مهما كانت حالتهم الماديه تقبل بيهم ..مفيش حد بيختار حالتها الماديه....ولا شكله.... ولا اهله تعرف يامهند ..انا مكنتش محتاجه جواز ..انا كنت محتاجه اشتغل واساعد بابا اللى ساعدنى لحد مادخلت كلية الطب وبقيت احسن من احسن الناس فى القرية بتاعتى..احنا كناس غلابه هناك اكبر طموحنا بيت صغير ..تعليم نقدر نمشى بيه..ونتواصل مع كافة الناس..وحب دافى يعوضنا عن كل المعاناه اللى خسرناها عشان اهلنا مكنوش بيلاقوا 8الوقت اللى يقعدوا معانا فيه ..وليه لانهم كانوا بيشتغلوا عشان شغلهم يبقى حلال ..السعاده يامهند انك تبقى صادق مع اللى بتحبهم مايبقاش فى خيانه..يبقى عندهم سعار اسمه
(احنا هانتغلب على الظروف القاسيه ونبقى افضل )هى دى السعاده يامهند بيه
مهند :طيب وبالنسبه لينا ليه مانبقاش زيكوا ..ليه كل اللى بيساعدنا الفلوس وبس ليه..
مروة:مانا قلتلك كل واحد ليه نصيبه من الدنيا ومفيش خد مبسوط ع طول ولا زعلان ع طول ..انت اه اتدمرت من ناس كتير ..بس دا مش مبرر انك تؤذى وتجرج حد ملهوش ذنب فى اى حاجه ..حاول تصلح نفسك ..عشان الناس اللى بيحبوك ..
دى كانت اول مرة مهند يسمعنى ومايردش او يبرر اسباب لنفسه اول مرة احس انه ارتاح وقبل الكلام
مهند بهدوء:انا هنادى للدكتور عشان لو عاوزه تروحى عند مامتك النهارده شويه واعدى عليكى بالليل أخدك ..
مروة: بجد
مهند:اه بجد ولو حابه تباتى باتى
مروة:لا انا مش هتأخر عشان مدام كوثر ..
نزلت بعد ما الدكتور قالى انتى كده تمام وركبت ومهند وصلنى عند بيت بابا لكن مشى على طول
بابا اول ماقابلنى حضنى وقعد يعيط
بابا:سامحينى يابنتى انا مقصر معاكى ..بس انا مش حابب الواد اللى متزوجك دا .. وانتى عارفه انه صعب اخلصك منه
مروة:ولا يهمك يابابا وبعدين مش انت قلت لى قبل كداا...ان الانسان لو صعب او قاسى بيكون فى سبب ومهند وراه اسباب كتير خليته كداا صدقنى يابابا هو هايتغير انا واثقه ....
قعدنا اليوم دا واتسليت مع ماما وبابا واخواتى ووعدتهم انى هزورهم قريب وانى بحبهم جدا
وبالليل بالفعل مهند جالى وروحنا على البيت ..
مدام كوثر:حمد لله على سلامتك يا حبيبتى ..انا مبسوطه انك بخير انتى ومهند ...
مهند بخجل:انا عندى شغل بكرة فى الاسكندريه لو حابين تيجوا معايا تغيروا جو كلكوا تعالوا ...
وراح مهند بصلى وعيونه زى ماتكون بتقولى كداا صح ولا لا
ابتسمت له وشه احمر من الخجل وطلع على فوق ..
ياترى مهند ناوى يتغير ..وهل هو عمل الرحله دى عشان يرضى مامته ..تابعوا معايااااا
يتبع❤️🌎
بقلم Ý@$ò
لياسمين محمد
أنت تقرأ
أسيرة فى قلب الظلام
قصص عامةفتاه شابة حياها تمشى باستقلال وحب حتى يأتى لها شاب قاس له ماضى مجهول وهو من عائلة غنيه يأسرها لتكون له فهل ستستطيع تغيير صفاته هذه وتتغلب عليه أم ستقع فى حبه وهل سيحبها وما سر ماضيه لنرى معا♥️♥️
