#أسيرة فى قلب الظلام #
.....♥️♥️♥️♥️
البارت الواحد والعشرين ..
صحيت ع صوت مهند
مهند بحزن : مروة اصحى عشان خاطرى .. أنا آسف صدقينى أنا آسف .. حقك عليا .. عشان خاطرى فتحى عيونك .. مروة
.. صحيت وايدى فيها محلول متعلق ..
افتكرت اللى حصل ومكنش لياا نفس ابص فى وش مهند أو نونا مكنتش طايقاهم هما الاتنين ..
مروة بحزن : حصل خير ى مهند .. اى دا انتى اتعورتى ى نونا
مهند خرج عشان يدفع التكاليف ..
نونا: أنا عندى حاله عصبيه بتيجى لى لما بشرب حاجات من دى واللى عملته فيكى مكنش قصدى أعمله .. سامحيني ى مروة انا بعترف إنى غلطت ومش هقدر ابرر لك غلطتى ى مروة .. سامحيني
مروة وهى بتعيط : ولا يهمك ى نونا أنا حاولت ع قدر المستطاع أمنع مهند عن شرب الحاجات دى وأنتى فى ثانيه واحده خليتيه يرجع لها تانى .. انتى عارفه أنا قعدت قد اى احاول اغير فيه وانتوا بتيجوا فى ثوانى ترجعوه للأسوء .. للأسف دماغى عمرها ماهاتبقى زيكوا ودا شئ كويس .. بجد بحمد ربنا إن بحاول اغير العيله الغريبه دى للأحسن لكن دا كله مفيش فايده .. وبحمد ربنا كمان إنى ماتأثرتش ..
نونا بحزن : بتأسف لك كمان مره واوعدك انى مش هكرر الغلطه دى تانى ..
مروة : ولا يهمك يا نونا .. مكنتش مرتاحه لنونا خالص مش عارفه لى وكنتش متأكده انها هتوفى بوعدهاا ..
خرجنا من المستشفى ..
مهند كان طول الطريق بيبص لى من مراية العربيه وانا كنت ملاحظه لكن ماتكلمتش .. ولاهو كمان اتكلم .. وصلنا البيت ..
مدام كوثر : اى دا ى ولاد كنتوا فين بدرى كدا .. اى دا مروه مالك ى بنتى دماغك مالها .. ابعدوا كداا ..
نونا بتوتر وربكه : ماتقلقيش ى طنط مروة اتزحلقت من ع السلم .. وأنا كنت راحه اشرب بالصدفه قابلت مهند وهو رايح بيها فروحت معاه
.. انا فى نفسى كدا اتصدمت ازاى تكذب كدا .. وتتدبر كذبه بالسرعه دى البت دى مش مريحانى لى ..
مدام كوثر : حبيبة قلبى ى مروة مش تاخدى بالك ى روحى .. حصل خير عم محمد هيحضروا الفطار أنا وهو ..وانتى اطلعى غيرى هدومك ..
..وأنا طالعه ..
مدام كوثر : بالحق ى مروة أمال مهند فين .. طلع من غير ما يتكلم هو وراه حاجه ..
مروة بارتبك : ابدا هو اكيد رايح يجهز شنطة الكليه .. عشان هانمشى لها بعد يومييين ..
مدام كوثر : ماشى ى حبيبتى روحى انتى .. وانتى كمان ى نونا واقفه كدا لى .. يلا اطلعى غيرى هدومك دى ..
..طلعت ودخلت الاوضه لقيت مهند قاعد ع الكرسى وبيبص لى
مروة باستغراب : خير ى مهند .. فى حاجه مش كفايه اللى حصل
اى اللى جايبك أوضتى ..
مهند ببرود : رخااامه بقا
أنا مش همشى من هنا غير لما تقوليلى أنا أسفه ى مهند .. ولا اقولك خليها ى مهند بييييه
مروة بعصبيه : والله هو مين اللى غلطان عشان يعتذر للتانى
مهند بضحكة عاليه : بتسألى ع نفسك .. انتى اللى غلطااانه طبعا .. مش احنا اتفقنا أن كل واحد فينا هايستحمل التانى
مروة : اه بس ..
مهند : بس اى ..
مروة : دماغى انفتحت عشان خاطر حضرتك انت والست نونا بتاعتك وبعدين هى بتلزق فيك اوى كدا لى ..
مهند بابتسامه عريضه : طب ماتقولى كدا من الاول ..
مروة بدهشه : اقول اى ..
مهند بابتسامه خداااعه: انك بتغيرى عليااا ...
مروة بعد أن احمر وجهها وارتبكت : لا طبعا انت بتقول اى كلام وخلاص .. انت قاعد هنا لى أصلا قوم اطلع برااا يلاااا ..
مهند : طب استنى بسسسس ..
بتقفلى فى وشى كداا .. مااشى أن ماتجوزت عليكى ..
مروة : انت مجنون انت فاكرنى بغير عليك ولا اى تبقى مجنون هااا .. يلا أمشى من هنااا بدل ما أقول لمدام كوثر ع الحقيقه ..
مهند : لا خلاااااص .. خلينا كويسين كدااا ..
لبست ونزلت عشان نفطر ..
مدام كوثر : يلا ى حبايبى كلوا يقول بسم الله ..
بالحق ى كرم كنت جبت سم الفئران اللى قلت لك عليه ..
كرم : اه ى ماما ع الرخام فى المطبخ ..
فطرنا وجمعنا الفطار ..
مدام كوثر : اى رأيك ى مهند مروة تعمل لنا تورته بحبها من أيدها اوى ..
مهند بابتسامه : دى بتبقى أجمل وأشيك وأحلى .. تورته
كريم : التورته بردوا ولا مروه ..
مدام كوثر بضحكه : بس ى ولد عيييب ..
مهند : عيب لى .. هو بيقول حاجه ممكن تكون فى دماغى ..
حضرت الكيكه وعملت العجين لكن مكنش فيه سكر فاضطريت اروح اجيب سكر ..
وحطيتها فى الفرن وجهزتهااا ..
وطلعت لقيت نونا بتتكلم فى التليفون استخييت عشان اعرف هى بيتكلم مين .. لكن كل اللى سمعته ..
نونا : كله لحد دلوقتى ماشى حسب التخطيط .. يا اكسلانس
نزلت وكنت بفكر لكن مشغلتش نفسى كتير ..
مهند : الله ع الريحه .. واكيد الطعم هايبقى عاااال .. ممكن اتذوق ..
مروة : لا مدام كوثر الا
أول
مهند : ماشى ي اااختااااه ..
حضرت الاطباق قدام كل واحد ..
نونا : أنا عامله دايت ومش هقدر أكل ..
مدام كوثر : خدى حته صغيره حتى ى حبيبتى ..
نونا : لا لا مش هقدر والله .. مروة تاخد بتاعتهاا وبتاعتى
وكانت رافضه تماما ..
نونا : ممكن اقطع أنا ى مروة ..
مروة : اه طبعا اتفضلى ..
عم محمد .. بصوت عالى ..
اوعوا حد ياكل من التورته دى دى فيهااا سم ....
يتبع
بقلم #ياسمين محمد#
Ý@$ò♥️🌸..
أنت تقرأ
أسيرة فى قلب الظلام
General Fictionفتاه شابة حياها تمشى باستقلال وحب حتى يأتى لها شاب قاس له ماضى مجهول وهو من عائلة غنيه يأسرها لتكون له فهل ستستطيع تغيير صفاته هذه وتتغلب عليه أم ستقع فى حبه وهل سيحبها وما سر ماضيه لنرى معا♥️♥️
