رأيكوا يهمنى
أسيرة فى قلب الظلام
البارت التاسع
.................❤️❤️❤️❤️
صحينا الصبح من النوم وجهزت نفسى ونزلت لقيت مهند ومدام كوثر جاهزين ..
مروة:صباح الخير
مدام كوثر :صباح النور ياحبيبتى
مهند:انا هيبقى عندى شغل هوديكم على الفندق وانتوا حابين تخرجوا هاتخرجوا على ماجى ساعة الغداء هاناكل براا كلنا....
كرم:انا مش هاجى روحو انت وماما ومروة وانا وكريم هانفضل هنااا..ولا اى ياكريم
كريم:آااه احنا عندنا شغل هناا...
مهند:زى ماتحبواا ..مروة اعملى فطاار
مروة: بتقول اى؟!
مهند:اعملى فطار
مروة:حاضر ..عيونى حالا
مهند بخجل:طب يلااا
فطرنا ومهند اخدنا ومشينا انا ومدام كوثر ...
وصلنااا ومهند راح ع شغله
مدام كوثر :انا هنام شويه يامروة
مروة:مفيش مشكله انا هقعد شويه فى البلكونة فى الهواء
قعدت فى البلكونه فى الهواء قصادى البحر ونسمات الهواء تطاير حجابى وانا بفكر ياترى ايه نهاية حياتى مع مهند ..ياترى هو بيحاول يتغير ولا دى مؤامرة هو بيعملها وعاوز يوقعنى فيها ..هل ياترى لازم اثق ثقه كامله فيه ولا اعمل نفسى واثقه فيه بس ابقى مابثقش فيه..وهل لو اتغير هانكمل مع بعض ولا لا ..ولا ياترى انا هبقى لمازن ..وسما هاتبقى لمهند..ياترى هانبعد عن بعض ..انا كنت فى الاول مش طايقه مهند لكن دلوقتى اخدت عليه..انا تعبت من التفكير..تليفونى بيرن ..دا مهند
مروة:الو مهند
مهند:انا جاى اخدكم دلوقت عشان نتغدى اجهزوا يلا ..
مروة:اصحى يلا يامدام كزثر مهند جاى عشان ناكل برااا
مدام كوثر:معلش يامروة روحوا انتوا انا عاوزه انام ...
مروة:بس يامدام كوثر .....
مدام كوثر :اى يامروة دا جوزك يابنتى انا مش قادرة انزل دلوقت ..يلا يلا روحى قبل مايتعصب..
مروة: حاضر يامدام كوثر ...
نزلت ولقيت مهند جاى من بعيد
وركبت معاه ومشينا كنا طول الطريق انا بفكر ومهند بيبصلى زى مايكون عاوز يقول حاجه لكن ماتكلمتش...
مهند:امى ماجيتش لى هى زعلانه منى
مروة:لا ماتقلقش هى كانت عاوزه تنام شويه
مهند: طب اى رأيك ناخد لها هديه واحنا راجعين
مروة:بجد..اه دى هتفرحها جدا
انا ساعتها عرفت مهند كان عاوز يقول اى..كان عاوز يصالح مامته ويرضيها بس كان عاوز حد يساعده ..حد يقف جنبه ...يااه هو انا ممكن اغير مهند..الشخص الظالم اللى الناس مش بتحبه دا ..هل انا هكون الوحيده اللى هتقدر تغير شخصيته..اتمنى كداا
مهند:مروة..انتى فين بقالى ساعه بناديلك
مروة: لا ابداا كنت بفكر بس
مهند بنظره قسوة:بتفكرى فى مين بقى..
مروة :مش هقولك ماهو مش معقول كل حاجه لازم تعرفها..
مهند: طب يلا تعالى ورايا
طلبنا الغداء واكلنا ..
مروة:هو ممكن نتمشى على البحر شويه
مهند:معنديش مانع ..
مروةبابتسامه:شكراا
مهند بعد ان احمر وجهه:بتشكرينى على اى ماطلبتش منك شكر
مروة: خلاص مفيش شكرا يا استاذ ....ارتحت كداا
مشينا على البحر وكان الجو جميل جدا قرص الشمس بيلمع ليبين لى نظرات مهند من عيناه العسليه كم هى بريئه وتريد ان تتحرر من قيودها وتعبر عما بداخلها من حزن واسى وانا اتمنى لو احرره من قيوده ..واكون معه دائما ..بس كنت خايفه تكون مشاعره مش صادقه ودا كمين تانى ..
مهند مقاطع افكارى:عجبتك الخروجه
مروة:اه ..جميله جدا واحب اشكرك غصب عنك بقا
مهند بابتسامه :اتمنى يكون شكر صافى ملوش دعوة بمصالح زى كل اللى فى حياتى
مروة :لا صافى خالص كمان
مشينا واول مرة مهند كان يبقى مبسوط كداا واول مره اكتشفه واحس انه صريح ومحتاج امان فى حياته بس ..
مروة:اى رأيك نشترى لمدام كوثر باقة ورد تعبر عن حبك ليها
مهند بتردد :بس معتقدش انها هاتقبلها منى
مروة: لا صدقنى هاتقبلها
اشترينا باقة الورد
مهند :عاوز 2 باقة ورود نوع حلو وسعره حلو
صاحب المحل لمهند :اكيد باقتين الورد دول لحبيبتك
مهند بخجل:لا لا دول لامى ومراتى
مروة:شكرا تانى يامهند
روحنا البيت
مروة:لاوم تصالح مامتك وتحسيها بالامان يامهند تمام
مهند:حاضر بس ساعدينى ..اقصد يعنى مش تساعدينى تساعدى ...وقعد مهند يربك ويلغبط فى الكلام عشان يلغى كلمة تساعدينى اللى هو قالها دى ..حسيت انه مرتبك ومش عاوز يقول لمامته حاجه ..يمكن لانها جرحته وماوقفتش جنبه فى عز ضعفه
مسكت ايده وقلتله ...
مروة: انا معاك انسى اللى حصل واتغير وابدأ من جديد
مهند وعيونه مليان دموع بعد مامسك ايدى بقوة زى مايكون عاوز يقولى انا تعبت ..زى مايكون عاوز يعتذر
مهند:شكرا يامروة
مش مصدقه نفسى دا شكرنى ...هو انا اتجننت دا نفس الشخص اللى دمر حيااتى ..لا لا مش نفسه دا شخص تانى وبعدين كدا كدا انا وهو مش لبعض لوقت طويل مهند كان طلع وسابنى وطلب منى اجيب مفتاح العربيه وأجى وراه
وفجأه سمعت صوت صرااخ مهند وهو بيقول لااااااااا
ياترى اى اللى حصل ؟؟!!
يتبع❤️🌎
بقلم Ý@$ò
لياسمين محمد
أنت تقرأ
أسيرة فى قلب الظلام
General Fictionفتاه شابة حياها تمشى باستقلال وحب حتى يأتى لها شاب قاس له ماضى مجهول وهو من عائلة غنيه يأسرها لتكون له فهل ستستطيع تغيير صفاته هذه وتتغلب عليه أم ستقع فى حبه وهل سيحبها وما سر ماضيه لنرى معا♥️♥️
