أسيرة فى قلب الظلام

part7

رأيكوا❤
البارت السابع
................❤️❤️❤️❤️
مروة:مهند ..مهند انت مش بترد لى
الخط اتقطع ..ومهند مش بيرد
مدام كوثر:خير يابنتى فى حاجه
مروة:مش عارفه والله يامدام كوثر...بس مهند مش بخير
اخدت السواق ولفينا كل الاماكن ..عشان نلاقى مهند
روحت على قسم الشرطه  انا وكرم اخو مهند عشان اعمل محضر ..
الظابط :فى عربيه متدمرة على الطريق العام لصاحبها مهند بيه ابو العزم لكن صاحبها مش موجود ولا يوجد فى العربيه بتاعته غير بالتو طويل اسود ..
كرم :ازاى يا حضرة الظابط اكيد عمل حادثه
الظابط:والله انا كنت اتمنى اخدمكم بس للاسف احنا ملقيناش جثه ..ولا حتى حد عمل حادثه ...كل اللى لقيناه العربيه والادله اللى معاها
مروة بخوف :حضرة الظابط هو بخير ولازم تلاقوه ..
كريم:مروة انتى راحه فين
مروة:هشوف مهند فين ومش هروح غير لما الاقيه ..ويكون بخير كمااان
مروة :الو ياماما انا مروة
ماما: مروة حبيبتى
مروة مقاطعه كلام امها:مهند مش عندك او ماشفتيهوش قريب
ماما: لا يابنتى وبعدين اى السيره دى ماتشوفيلنا سيرة حد كويس
مروة: ارجوكى يامامالو شفتيه كلمينى ..سلام
انا فى الوقت دا كنت عامله زى الهبله ..وبقول لنفسى احنا جرحناه اوى وهو كان بيدافع عنى وغيران ..لا لا انا هبله دا كله اكيد بيعمله عشان مصلحته
لا لا انا لازم الاقيه وبعدين اعاتبه
السواق:هانروح فين ياهانم
عاوزين نروح فى كل مكان هانلف كتير
وفجأه مدام كوثر رنت :الو لقيتوا مهند يابنتى
مروة:لا يامدام واحنا راجعين دلوقتى شكله مفيش امل
بس انا عارفه مهند ..وعارفه انه هيكون بخير بس اكيد هو متضايق من حاجه ..
روحت البيت وانا تعبانه ومش قادره وعماله ابرر لمهند اسباب وانه بخير عشان اهدى الكل وانا من جوايا مش قادره...تليفونى بيرن
..الو ..الو مين معايا
المتصل:ابعدى عن اللى حواليكى شويه واسمعينى كويس
مروة:مين بقولك...
المتصل :ابعدى لمصلحتك انتى ومهند بيه جوزك
مروة بارتباك:حاضر ياماما معرفتوش اخبار عن مهند
المتصل:ماتوقعتش انك ذكيه كدا
اسمعينى كويس مهند جوزك فى الحفظ والصون
مروة:ارجوك هو كويس ..
المتصل:عال العال كل الحكايه انه مخبوط خبطتين على راسه ومعاه كلبين جيرمن حلوين
مروة:بتقول اى؟
المتصل:ماتقلقيش نفذى اللى هقولك عليه بس من غير ماالبوليس يعرف ولا اى حد غيرك عاوزين شيك بمليون جنيه تستلمى جوزك مفيش مليون جنيه مفيش مهند تانى راجعى نفسك ورنى على الرقم دا ...
والخط اتقطع 
مدام كوثر:خير يابنتى فى اخبار عن مهند
مروة: لا لا بس الشرطه قالت انها هتدور على حل
اليوم دا انا مانمتش وكنت خايفه جدا وقررت انى ارن على الرقم
مروة:الو انا
المتصل:عارفك ..عارفك هقولك على كل الخطوات هاتاخدى الملف اللى فى الدرج الاول فى مكتب جوزك هاتلاقى فيه دفتر الشيكات اكتبى شيك بمليون جنيه وابصمى ببصمة جوزك وروحى اسحبيها من البنك بكرة لوحدك الساعه 6 الصبح وفى عربيه هاتيجى تاخدك
مروة: مش هعمل اى حاجه من اللى انت بتقولها غير لما اكلم مهند ..
المتصل :بس كدا خدى اهوه
مروة:الو الو مهند انت كويس
مهند بصوت مرهق:مروة اوعى تعملى اى حاجه ارجوكى دول ممكن يموتوكى ..سامحينى يامروة ..وملكيش دعوه بيا
المتصل بضحكه  :نفذى اللى بقولك عليه والا هانضطر نيجى نعطى لكم الجثه عشان الميتم
..طول الليل مانمتش وقعدت افكر ....
الساعه بقت 6 الصبح لبست ونزلت براحه
عم محمد:راحه فين يابنتى دا احنا لسه بدرى
مروة:لا ياعم محمد مفيش راحه لواحده زميلتى تقريبا عرفت اخبار عن مهند
روحت ورنيت على ظابط عرفاه وكلمته عن كل حاجه واعطانى تعليمات
روحت الساعه 6 فى المكان اللى اتفقنا عليه واحد نزل من العربيه شدنى معملتش اى صوت عشان محدش يتوقع ان فى جهاز تتبع وان البوليس ورايا ...وصلت لحد مكان غريب اوى
صاحب العربيه اللى ركبت فيها:ادخلى انت واقفه كدا لى دا انتى كنز
مروة :فين مهند
لكن محدش كان بيرد عليا
الخاطف :اهلا اهلا دخلوها لجوزها عشان لو الشيك مزور الكلاب هاتتولى امرهم
مروة: مهندانت كويس
مهند:انتى اى اللى جابك انا مطلبتش منك تيجى ..انتى بتفكرى ازاى كده احنا الاتنين هانموت
مروة:وهى هتفرق ماحنا حياتنا مع بعض موت بردوا
مهند:انتى بتدخلى حياتنا بالموضوع لى
مروة: خلاص انا آسفه ..بس ماتقلقش المليون جنيه مزورة
مهند:كمان ..الله يخربيتك انتى دماغك دى فين احنا كده بقا اكيد هانموت
مروة:انت مجنون والله وفى حاجه  انا عملتها هاتبين انى اذكى منك وبعرف افكر
مهند:يا ريتك ماجيتى
الخاطف:بقا كدا الشيك مزور انا هوريكى
وراح شدنى
مهند: انت اتجننت دى ملهاش دعوه
وفجأه البوليس وصل واحنا طالعين راح واحد رايح يضرب مهند بالسكين جات فيا انا
مهند بصراخ:لا مروة قومى..هاتبقى بخير
وانا مافقتش او وانا ايدى شخص ماسكها ..دى ماما
مروة: فين  مهند
ماما :بيدفع فلوس العمليه..رفض ان حد تانى يدفعها واقولك انا مش عارفه دى دموع جد ولا حقيقى بس هو كان هيموت من الخوف عليكى
بابا:حمد الله على سلامتك يا بنتى خدى بالك من نفسك احنا مضطرين نمشى لان نور تعبانه شويه..   ومدام كوثر  معاكى اهيه
مدام كوثر :حمد الله على سلامتك ياحبيبتى
مروة:الله يسلمك
مدام كوثر للاسف اللى ضربك هو الوحيد...  اللى هرب واللى معاه مستعدين يموتوا ولا انهم يعترفو ا عليه
مروة:ولا يهمك الحمد لله ان كلنا بخير
وبعد دقايق معدوده مهند دخل وقال:
الدكتور طمننا عليكى وقال انك بخير
وتقدرى تطلعى بكره حمد لله على سلامتك
مروة:شكرا بس انت كنت خايف
عليا صح..
مهند بكبرياء:لا ابدا انا كنت خايف لاتقتل بسببك انما انتى عادى يعنى بس
وقعد مهند يبرر بس انا كنت واثقه انه كان خايف عليا
يتبع❤️🌎
بقلمÝ@$ò
لياسمين محمد