بعد 4 ساعات خرج الدكتور وهو في عنيه دموع
كنزى وليلى اتخضوا
وطارق كان ابوه حضنه وبيعيط في حضنه شافوا الدكتور وقفوا
ليلى:ها هى كويسه صح
الدكتور:البقاء لله
طارق:ا انت بتقول ايه يا زفت أنت
كنزى وليلى عيطوا جامد وكنزى وقعت على الارض
الدكتور:هى في مكان احسن بكتيير
طارق مسكه جامد من قميصه
طارق:بقولك ايه هى عايشه متقولش كده هى مش هتموت سامعنى مش هتموت وكان بيعيط جامد وهو ماسكه وابوه بيدمع وبيحوشه
الدكتور برده كان بيعيط
الدكتور:انا حاسس بيك والله
طارق:محدش فيكوا حاسس بيا حد فيكوا حاسس انه بيتخنق عشان روحه مش موجوده جواه حد فيكوا حاسس ان قلبى مات بس انا مش هسمح بكدا ومش هستسلم ودخل قوضه العمليات لقا اسراء على السرير والممرضات مغطين وشها
طارق:انتوا مجانين شيلوا شيلوا الغطاء ده وشاله
طارق:اسراء حبيبتى بالله عليكى ردى عليا انا اسف ياريتنى موت قبل ما اضايقك او امد ايدى عليكى انا اسف طب بصى قومى وعمرى ما هزعلك تانى اسراااء انتى مبترديش ليه اسراااااء انتى زعلانه منى انا اسف قومى بقا قومى بقاااااا اسرااااااااااااااء
واغمى عليه
بعد ساعتين
طارق كان نايم على سرير في المستشفى وابوه قاعد جنبه
طارق:اسراء اسراااء
ايمن: انت كويس يا حبيبى
طارق:اسراااااااااااااء والنبي اسف ارجعى بقا مش هزعلك والنبي
ايمن:الله يرحمها يابنى انت ادعيلها
طارق:لااااااااااء هى مش هتموت لاااااااء يا اسرااااء وبيشيل المحلول من ايده
ايمن:ياجماعه حد يلحقنا الحقونا
الدكتور دخل بسرعه
طارق نام من الحقنه وكان بيعيط وهو نايم
تانى يوم طارق خرج من المستشفى وكان تعبان وبيقع كل شويه وابوه سانده روح بيته هو واسراء وبص لصورتهم المتعلقه على الحيطه وعيط وبعدين خرج راح بيت امه وخبط جامد
عفاف فتحتله هو زقها ودخل لقا امه وام رضوى ورضوى قاعدين بيضحكوا
هو قلب الترابيزه اللى قدامهم
مريم:في ايه يا مجنون
طارق:انبسطوا دلوقتى لما حشتونى عنها انبسطوا كده مخلتونيش اشوفها
مريم:واحد مش عايزه تحمل منك وهزقت امك تروحلها ليه
طارق:انا لحد دلوقتى معرفش انتى ليكى يد في الموضوع ده ولا لاء انا زعقتلها عشان انتوا شياطين استفزتونى وخلتونى اضربها وفضلتوا اسبوع كامل تحرضونى مروحلهاش لحد لما ماتت ماتت وسبتنى لوحدى وانا سبتها في اكتر وقت هى محتجانى فيه
عفاف عيطت جامد وهما اتصدموا
عفاف:م ماتت
طارق:اه ماتت ارتاحوا بقا ارتاحوا
عفاف:ماتت من غير ما تسامحنى
مريم برقتلها
عفاف:اسكتى متبرقليش انتى السبب
طارق:السبب في ايه
عفاف اعترفتله بالحقيقه
طارق عيط جامد
وراح لامه وكان بيخنقها
طارق:بكرهك بكرهك انتى مستحيل تكونى ام انتى ليه كده
رضوى راحتله وبتشده
طارق ضربها بالقلم
طارق:ابعدى انتى وزقها للحيطه اتخبطت فيها جامد
ايمن شده
طارق كان بيتطنط
طارق:ظلمتها يا بابا انا السبب
ايمن شده وطارق كان بيعيط جامد
ايمن كان معاه ومسبهوش وروحوا بيته مع اسراء وطلعوا القوضه بتاعتهم وطارق حضن مخدتها
طارق:دفنوها
ايمن:اه
طارق:بيدفنوها من غير ما اكون موجود وعيط جامد
ايمن:ياحبيبي هى مش محتاجه دلوقتى غير دعواتنا وبس
طارق:انا محتاجها يا بابا ماتت وانا مزعلها والمفروض اكون جمبها في اكتر وقت كانت محتاجانى فيه انت اكيد مش حاسس بيا انا زباله انا بكره نفسى خدنى يارب هى كانت تعبانه والعقارب دول معايا بيوسوسولى في ودنى انى مروحهاش واصالحها وانها الغلطانه وانت عارف الزمن امر من السحر والوقت اللى هى كانت في المستشفى كانت رضوى جنبي ومستمتعه وانا بقول عادى ولو على الحضن اللى حضنتهولها عشان تهدى ففكرت كده انى بعاقب اسراء وكمان صعبت عليا وكانوا بيوسوسوا في ودنى ااااااااااه انا قلبى بيتقطع يا بابا انا بموت مش هقدر اعيش من غيرها
ايمن:ربنا يصبرك
طارق:اطلع يا بابا وسبنى لوحدى
ايمن:لاء انا معاك اهو
طارق:بابا انا عايز اكون لوحدى
ايمن:طب اوعى تعمل في نفسك حاجه
طارق:متخافش
ايمن طلع
طارق مسك البوم الصور
وكان بيفرهم وبيص على صورهم ويحسس على صورتها
طارق:وحشتينى اوى وحشنى انى اجرى وانام في حضنك وحشنى صوتك وضحكتك وحشنى كلامك وحشنى تصرفاتك البريئة وحشنى لما اقرب منك وتبعدينى وحشنى حضنك اللى بترمى فيه ليه سبتينى انا والله محد لمسنى هى مره واحده وكنت متعصب منك وحضنت رضوى بس طب بصى تعالى وعاقبينى معقوله هتسبينى لوحدى في الحياه دى وانتى عارفه ان عليا هموم ياما وانتى بتخففى عنى اسف انى مجتلكيش طول الاسبوع اسف بس انتى عارفه انهم كانوا بيحرضونى عليكى اسف على كل حاجه انا بحبك اوى انتى عارفه كده ليه سبتينى هو باس الصوره بتاعتها ومسك الخاتم والسلسه بتوعها وكان ماسكهم في ايده ونام وهو بيعيط
ابوه تانى يوم بيصحيه مصحاش
ايمن:طارق طارق
طارق مش بيرد
ايمن كلم الدكتور والدكتور جه وكان بيكشف عليه
وبيسحب من ايده السلسله والخاتم
طارق كان ماسكهم جامد ومش عارفين يطلعوها من ايده
ايمن:ها ايه حصل
الدكتور:هو دخل في غيبوبه بسبب نفسى مش عضوى
ايمن:يعنى هيفوق منها امتى
الدكتور:الله اعلم بكل حاجه
ايمن:طب هيتنقل المستشفى
الدكتور:ايوه
ايمن:تمام
هما نقلوه المستشفى هو كان تعبان جامد
وعدى شهر وهو في الغيوبه في مكان تانى برا مصر
ادم:هتفضلى هنا
البنت:ايوه
ادم:ارجعى تانى مصر
البنت:انت زهقت منى ولا ايه
ادم:مش كده انتى عارفه انى بحبك بس انتى مش مرتاحه وشكلك تعبانه هنا
البنت:عندك حق والله نفسى ارجع بس مش هيسبنى في حالى
ادم:هو هيعرف منين مش هيعرف
البنت:حاضر احجزلى طياره
ادم:حاضر
هو حجز طياره والبنت رجعت
وراحت مكان وخبطت
ليلى فتحت
ليلى:حمدالله على السلامه وحشتينى اوى
البنت:وانتى اكتر
ليلى:ادخلى
هى دخلت كنزى شافتها
كنزى:ا ا ايه ده
واغمى عليها
هما جروا عليها وفوقوها
كنزى:عااااااااااااا
البنت:اهدى اهدى
ليلى: اهدى يا بنت المجنونه
كنزى:ا اسراء انتى لسه عايشه
اسراء:ايوه اهدى هفهمك اهو
اسراء وليلى بصوا لبعض وابتسموا
اسراء:بصى انا قلبى كان شغال بس ضعيف جدا والدكتور لسه مكنش ركب جهاز القلب ده ففكر انى موت بس انا كنت عايشه لسه بس النبض كان ضعيف جدا
فقالكوا كده بقا وانا طبعا البنج منيمنى ده كله مش حاسه بحاجه هما نقلونى قوضه الاول على ما يغسلونى ليلى دخلتلى وانا ساعتها كان البنج مفعوله بيروح فحركت ايدى ليلى شافتنى وبعدين انا فوقت
فلاااش بااااك
ليلى:ا اسراء
اسراء:انا فين
ليلى:اسراء انتى عايشه وحضنتها
اسراء:هو ايه حصل
ليلى:الدكتور قال انك موتى
اسراء:لاء انا كويسه النبض ضعيف اوى
ليلى جابت جهاز الصدمات وعملتها بيه لانها دكتوره فالنبض احلو شويه
ليلى عيطت وحضنتها
ليلى:انا كنت هموت من الرعب حرام عليكى هطلع اقولهم ده طارق دخلك وقلب الدنيا وكنزى وكله وحكتلها اللى حصل
اسراء:ليلى انا هسافر برا مصر وكأنى موت زى ما الدكتور قال
ليلى:ل ليه
اسراء: مش عايزه اعيش في مصر برا هكون مرتاحه
ليلى:وتسبينى
اسراء:هكلمك دايما كنزى مش متعلقه بيا زيك وهتنسى وطارق كمان اقفلى عليا القوضه وقولى للدكتور خليهم يدفنوا اى واحده ملهاش اهل موجوده في المشرحه مكانى على اساس انى انا
ليلى:تمام
باااااك
اسراء:وفعلا لقوا واحده ملهاش اهل ودفنوها مكانى والفاتحه اللى انتوا بتقروها دى ليها لانها ملهاش حد وسافرت لخالو بعد 4 ايام وقعدت هناك بس مكنتش مبسوطه ورجعت تانى اهو
كنزى:حراام عليكى يا اسراء والله وعيطت
اسراء حضنتها
اسراء:انا اسفه بس انا هنا انجرحت جامد وعشان طارق يعيش حياته هو كمان وينبسط بقا انا بوظتله حياته
كنزى وليلى بصوا لبعض
اسراء:ف في ايه
ليلى:يلا ناكلوا تعالى
اسراء:فيه ايه طارق ماله
ليلى:ملهوش
كنزى:لاء فيه
ليلى:مش وقته
اسراء:في ايه بقا قولوا
كنزى:طارق اتدمر لما قالوا انك موتى وحاول ينتحر ومكنش بيهدى ودخل في غيبوبه بقاله شهر كامل وحالته وحشه جدا وبباه تعبان ومامته دخلت المصحة لانها اتهبلت لما شافت وضع طارق كدا
اسراء اتصدمت
اسراء:ليه مقولتليش يا ليلى ليه
ليلى: ملناش دعوه بيهم
اسراء:انا مش كده يا ليلى وانتى عارفه وده لسه جوزى كده اكون السبب في دمار عيله انا متعودتش انى اكون وحشه واكون السبب في اذية الناس
ليلى:يعنى مكونتيش عارفه انه هيتعب
اسراء:لاء لانى فضلت اسبوع ومسألش عنى قولت نسانى وهيتجوز رضوى لكن انه يحصله كده بسببى ومتقولليش يعنى انا كده دمرته لازم اروحله وكانت بتعيط
ليلى:اووف طب استنى هاجى معاكى
اسراء:لاء
ونزلت راحت المستشفى لانها عرفت العنوان من كنزى
وسألت عنه وراحت قوضته لقت ابوه وصاحبه واقفين برا
وابوه شكله تعبان خالص
اسراء جرت عليه
اسراء:انكل ايمن
ايمن بصلها
ايمن:ا ا انتى لسه عايشه
اسراء:ايوه هحكيلك بعدين لازم ادخل لطارق
ايمن:ابوس رجلك ادخليله يلا
اسراء دخلت بسرعه
وقعدت جمبه
اسراء؛ط طارق انا جنبك اهو قوم انا جيت ومش هسيبك تانى ابدا خلاص يلا عشان نجيب طفل تانى انت عارف انا سافرت ورجعت عشانك انت بس سافرت عشان انت ترتاح منى ولما رجعت وعرفت انك تعبان سبت ليلى وكنزى وجتلك هو انت عايز تختبر غلاوتك عندى يعنى انت عارف انى بحبك اوى وعمرى ما حبيت حد زيك صح قوم عايزه اقولك على كلام مينفعش نقولوه غير في بيتنا
يلا قوم عشان نروح البيت واقولهولك برده مقومتش يعنى اقولهولك هنا بص انا بحبك اوى اوى واتعلمت الرقص البلدى وانت قوم وهاتلى بدله رقص وهبقي ارقصلك شوف علمتنى قله الادب طب قوم عشان اضربك نفس القلم اللى ضربتهولى وازعلقلك طب خلاص قوم ومش هعملك حاجه تبقي واحده بواحده لانى في مره زعقتلك وقولتلك بكرهك وانت سامحتنى انا كمان مسمحاك وانت خلاص خدت العقاب اهو كفايه عقاب بقا وقوم انت اخدت عقابك يلا بقا قوم عشان انا انا من غيرك همووت بجد يا طارق انت عارف انا مكنتش مبسوطه هناك لانك مش معايا كنت بفكر فيك ليل ونهار قوووم والنبي وباست ايده وكانت بتعيط
وفضلت جمبه وكانت بتكلمه طول الليل والفجر ازن قامت تصلى ودعتله
اسراء:يارب قومه بالسلامه يارب سامحنى انا السبب في اللى حصلهم بس والله مكنتش اعرف انا قولت هيعيش عادى سامحنى يا رب وقوينى انى ارجع العيله دى زى ما كانت وفضلت تدعيله ياما
الصبح كانت جامبه وبتقرأ في المصحف
طارق:ا اسراء
اسراء:صدق الله العظيم
وجرت عليه
اسراء:طارق انت كويس
طارق:انتى جانبي صح ومسك ايديها
اسراء باست ايده
اسراء:ايوه جانبك اهو
طارق فتح عينه وبصلها وعيط
هى كمان عيطت ومسحت دموعه
اسراء:حمدالله على السلامه
طارق:انتى عايشه ازاى
اسراء:هحكيلك بس لما تصحى كده وتقوم
طارق:ا انا خفيت اهو وبيحاول يقوم مش عارف
الدكتور جه وشافه
الدكتور:متقلقش ده طبيعى شهر في غيبوبه مفاصله مش مساعداه على الحركه انا هديله حقن تبسط عضلاته وتساعده على المشي ومع بعض العلاج الطبيعى هيبقي كويس
اسراء: شكرا
ايمن دخله
ايمن:حمدالله على السلامه
طارق:الله يسلمك يا بابا احكلنا بقا حصل ايه
اسراء حكتلهم
اسراء:بس بجد مكنتش اعرف ان حصلك كده
طارق:اوعى تعملى فيا كده تانى
اسراء:ولا انت
طارق:اسف والله وباس راسها وايديها
ايمن حكاله على امه
طارق:تستاهل
ايمن:دى مدمره خالص
طارق:خليها تدوق من اللى دوقتنا منه
ايمن كان لسه هيتكلم
اسراء بصتله بمعنى انا هقنعه بس لما يخف
ايمن:طب انا هروحلها انا
اسراء:اتفضل
عدى اسبوع واسراء كانت مع طارق مبتسبهوش ورجعوا ڤلتهم وكانت بتساعده عشان يمشى
طارق:حبيبتى كفايه كده النهارده انا تعبت
اسراء:شويه كمان انت ممشتش غير 10 دقايق بطل دلع بقا
طارق:تعبت
اسراء:عشان خاطرى عشان تخف بسرعه
طارق:عشانك انتى وبس
وباس خدها ومشى معاها
طارق:شكرا يا اسراء على كل حاجه انتى اصيله اوى مع انى هنتك وضربتك
اسراء:انت صدعتنى على فكرا امشى وانت ساكت
طارق:ربنا يخليكى ليا
اسراء:ويخليك ليا
ودخلوا وقعدوا
طارق شد اسراء ليه ونيمها على كتفه وحضنها ولف ايده عليها
اسراء:خضتنى
طارق:على فكرا انا منستش كلامك ليا وانا في غيبوبه انا ببقا سامع كل حاجه هخف بس وهتنفزى كلام ودى حاجه بسيطه بصبر بيها نفسى على ما اخف بس وهتشوفى بقا
اسراء:انت قليل الادب
طارق: عارف
اسراء ضحكت
طارق باس راسها
كانوا كادا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبس كده 💖💖
