اكو بعض الناس مرات من يصفن او قبل النوم تجيه تخيلات عجيبه وهو ما قابل بيها مثلا يكفر بالله مثلا يتخيل فساد جسدي وحتى يمس أشياء مقدسه بهذا الفساد الي يتخيله قهرا وهذا الأنسان يضوج ويضل يفكر وعباله هو كفر بالله وعليه عذاب ف يا حبيبي اطمأن ما عليك اي شي هاي وسوسة الشيطان والنفس وكل ما تهتم بيه يزيدون عليك أصلا رد ع الشيطان والنفس 🌀🔥👿
وگللهم بقلب مطمأن شتريد تسوون سوو لان الله ما يحاسبني عليها.. ف اطمأن.. الشيطان خبيث وذكي والنفس اقوى من الشيطان ف اذا انت من الي كثيرين الشك لا تهتم هاي وسوسة وخاصة الي يتوضون ويشكون ويعيدون ترى هاي وسوسة توضئ مره واحده وتوكل على الله وصلي معليك راح الشيطان يحاول وياك لا تهتمله🤚🙂🧚♂
شوف راح اگلك بأشياء صارت معي من الشيطان وذكائه من كنت صغيرا چان الشيطان من اذكر الله مثلا كم مره يجيني الشيطان ويگلي بعد سوي وبعد وبعد اني أكيد راح ما اتهم الشيطان بهذا الشي لان الشيطان عبالي ما يجيني بالعباده ف تبين الشيطان يجيني ونيته ان املل من الذكر ومن اگطعه يعني حرام ف احذر من الشيطان والنفس 🌀👿🥀
وأكيد ذكر الله لا يمل لكن ايضا الانسان عنده اعمال وغيرها وهذا الشيطان والنفس من تمسك الموبايل راح يخليك تتخيل أشياء جنسيه. ويثير الشهوه ومع الأسف البعض يركض لاهثا لشهوات الشيطان ومن تصير مشكله الشيطان والنفس يوسوسون الك حتى تتعارك وحتى بالصلاة يخليك تفكر بأشياء دنيويه حتى ما تخشع بالصلاة 🕊🕊🕊
لان اذا خشعت بالصلاة شحنت نفسك بالأيمان شوف دائما خليه ابالك الصلاة ك محطة الوقود للسياره دائما اخشع بالصلاة اشعر بوجود اللطيف الرؤوف الودود فكر بآخرتك صدگني راح يقوى ايمانك ومن يضعف بسبب الدنيا راح يجيك وقت الصلاة الثاني وهكذا وأخيرا أوصيك لا تنسى إمام زمانك وأكيد بعد ذكر الله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
💞اللهم صلِّ على محمد وال محمد وعجل فرجهم والعن عدوهم 💞💞💞💞
