أذا انت من الناس الي يعتقدون ان الله فقط فوق بالسماء وان الله يشوفنه بس من السماء وان الله كأنه منتظرنا حتى يعذبنا وأن الله نخاف منه فقط بدون ما نشعر بالحب له وان الله أسمه دائما يخليني اهرب منه وابقى متمسك بالدنيا ف يا اخي واختي تعال و اقرء النصيحه الي راح يطمأن قلبك🧚♂❤️❤️
أولا الله مو بس في كل مكان وزمان بل فوق المكان والزمان يعني ليس له بدايه ولا نهايه شگد ما تريد تفكر ما توصل وين ما تروح الله موجود ف احنه الشيعه نعتقد وأكيد اعتقادنا صح لانه من أهل البيت عن الرسول ص) ان الله لا تدركه الأبصار حتى بالجنه عكس اخوانه السنه ف الله حتى بقلبك بكل شي 🌸🌺🌺
احنه من نرفع ايدينا للسماء للدعاء نرفعها للعرش وهذا العرش الله مخصصه كانه مركز يعني الاستجابه تجي من العرش يعني قوانين الله من العرش وهذا العرش فوق سمع سموات.. ثانيا أحنه ليش بس مخلين الخوف من الله ليش ما نخلي الحب أيضا حب الله صدگني لو نشعر بحنان الله اتجاهنا وحبه ألنه راح نترك الشيطان👿👈🕊
ف دائما حب الله نزرعه بقلوبنا انت ذايق طعم الخلوه مع الله من تتكلم وياه سولف وياه كأنك طفل وتريدلك حاجه منه شعور جميل ف يا أخواني الله بالآخره راح يشفع لكثير من الناس حتى ينقذهم من النار شوف شگد الله يحبنه هسه لو اجاك شخص وگال انت منين مخلوق راح اغلب الناس تگول من تراب أو طين ف الجواب خطأ ✋👇👇
آدم هو فقط الي خلق من تراب بس من بعد آدم الله خلقنا من نطفه وبدايته تكون في ظهر الأب ومن ثم في زواج الأب تتحول الى الأم وتتكون حتى تصير جنين شوف عظمة الله شوف بدايتك من وين بالله عليك مو هذا يكفي ان تخشع بصلاتك لله وتشعر بوجود الخالق وتخجل منه كلنا راجعين لله أذا مو اليوم بعد أيام أشهر سنوات معدوده🚼🚹🚻⚰
فكر شويه مع نفسك راح انطيك نصيحه قصيره تخليك قوي ضد الشيطان وقريب لله يوميا لقن نفسك يعني تكلم مع نفسك حتلو بقلبك تتكلم طبعا كلامي أكيد مو بس للنساء وايضا اللرجال ف گول اني مؤمن قوي اني متقي اني ما اعصي الله اني خلوق اني أحب الناس اني جاهز للقاء الله اللطيف الرؤؤف الودود هاي الكلمات راح تنزرع بنفسك وراح تتفاحئ بتغيير حياتك جرب وشوف وذوق حب الله ورسوله وآل البيت ص)🌸
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
☀اللهم صلِّ على محمد وآل محمد وعجل فرجهم والعن عدوهم ☀
