السلام عليكم
كلام خاص موجه للبنات ....بنات رجاءاااااااا إلى أن ينقطع النفس اكول انتبهوو الأنفسكم انتبهو زين شنو يعني تحاجين ولد واجنبي عليج والله اهلي عافوني وحدي محد ساعدني محد نصحني جنت محتاجه شخص وفترة سادس واضحكين وتسولفين بحجة حالتج النفسيه تعبانه بحجة كلي مثل اخوج وكال هو معمم وكال كرايبنه شيخ وعمه سيد ومن هذا الكلام الي نفسج الاماره بالسوء تبرر الج تصرفج الي أكبر خطأ وخصوصاً بهذا الوقت تره انتو واعين وحتى أكبر من اعماركم بهاي السوالف شنو تصدكين بكلام اي انسان زين انتي شفتي بعينج والله كال زين منو يكول كلامه صادق شون عرفتي ما يريد يخدعج ويجرجرج شويه شويه .... حالتج النفسيه تعبانه القرآن موجود متردين تسمعين قرآن تردين احد ينصحج اليوتيوب موجود كومه ماشاء الله الفيديوهات التحفزيه كلنه مرينه بهيج مرحلى وتابعنه يوتيوب ونضمنه جداول ومشينه عليه مو اروح اضيع وقتي بشيء ياريت يسوه ....
صدكوو لو ماكلكم مثل اخواتي اصلا ماتعب نفسي واكتب واحجي وياكم بس اريد كلنه نصير ايد وحده وننصر الامام عج شون باجر يضهر الامام ويكلج انتي مو من انصاري تكولين ليش يامولاي مو اني صليت وصمت وعبدت الله وبجيت عليك و دعيت الك بالفرج ويسألج منو هذا االي حاجيتي انتي ماطعتي أوامر الرحمن شون هسه طيعيني وتصيرين من انصاري يكلج مااستقبل امثالج بقافلتي شنو تكولين مولاي جان اخو معمم مولاي كلي راح يزوجني مولاي مولاي ....هذا الكلام شنو يفيد اذا فات أوانه
اني نصحتكم وهاي نصيحه ماجايه من شيء فارغ لا جايه من تجارب هواي بنات وهواي مواقف صارت كبالي ومع اقرب صديقات الي
يحجي و يحجي ويها وتالي عافه بس للبجي والطم وعدم الثقه من اهله...
شخص تافه ياخذ منج كل لحظه حلوه من تكعدين وتباعين بعين امج وابوج شخص تافه يكون المانع من اجمل لقاء بينج وبين خالقج
ماكول شيء بس مع الأسف 😔محرووووك قلبي عليكم حيل والله
هاي وحده اجت وأكله حرام تحجين ويا دكلي اني ماجايه أسأل حرام لو حلال جايه اريد اعرف اني حلفت بعد مااحاجي ويا بسبب مشكله صارت وهسه اريد احجي يصير اكسر الحلف عايفه الموضوع الاهم ومامهتمه حرام لو حلال تسأل على القسم
بنات حبابات الي ماتريد تحترم رأي لتجي تحجي وياي بهيج مواضيع وهذا آخر كلام الي وياكم
(مو من طبعي اطلع اسرار متابعيني بس شفت الوضع زاد عن حده فقررت احجي)
اعتذر وابروني الذمه اخاف فد يوم اذيت احد بكلمه
مع سلامه😔اللهم صلِّ على محمد وآل محمد وعجل فرجهم والعن عدوهم ✨
استغفر الله العظيم واتوب اليه 😔