#نسمه_متمرده
#بقلم_أمل_مصطفي
#البارت_9
#إعتراف
************
نزلت نسمه للبحث عن مروان قابلت أحمد
الذي سالها رايحه فين ؟ هشوف مروان
تعالي أوصلك الوقت أتأخر
ذهبت معه شاور لها عندما رأي مروان يقف علي البحر ويعطيهم ظهره واقف أهو روحي وأنا هامشي
لأني تعبان وعايز أنام
تحركة نسمه حتي توقفت خلفه دون كلام
شعر بها مروان وتحدث دون أن يلتفت لها أنا عمري ماكنت خاين ولا بحب
الخاينين بس أنا بجرب معاكي إحساس عمري ماعشته
قبل كده حتي وأنا في فترة المراهقه
ولا مع شاهي اللي كنت فاكر نفسي بحبها
غصب عني بشتاقلك حتي في عز ضغط الشغل تفكيري
مشغول بيكي صورتك مش بتفارق خيالي
بحس بمتعه وأنا بتكلم معاكي وعايز الكلام يطول
بينا حاربت كتير مشاعري دي لأن مستغربها أزاي طغت علي حبي لشاهي
أنا ماتحملتش غيابك يوم واحد رغم أن شاهي
كانت بتغيب بالأسابيع كنت بتصل اسأل لو عايزه حاجه أو هي تتصل
حتي أمي وحنين الأغلي علي قلبي كانوا بيسافروا عند خالتي وكانوا بيوحشوني جدا
بس أنتي الوضع مختلف أنا ركبت عربيتي وجيت
جري وأنا في قمة السعاده عشان هشوفك
كنت زي الشاب المراهق مشغل أغاني وبغني معاها
عشانك وبعد ده كله بتصدي شوقي ولهفتي ليكي
قد أيه إحساس مؤلم لما تترفض من إنسان
بتتمني قربه أنا الوقت بس حسيت بألمك يوم
فرحنا ! يمكن ربنا زرع حبك جوايا بدون إراده مني عشان أتحط في نفس تجربتك أعيش نفس إحساسك
أقتربت نسمه وتحدثة بحزن أنا مش قصدي أرفضك أنا كنت بفوقك لترجع تندم
أنت من فتره قريبه كنت رافض وجودي في حياتك
وكأني كابوس عايش فيه
فجأة تهتم بيه ده ممكن نسميه إعجاب أو تعود
لكن مش حب أنا مأقدرش أدخل معاك علاقه وأنا
خايفه منك أصحي علي جرح تاني قلبي مش هيتحمل
*************
تحدث برجاء أعطيني فرصه أثبتلك. أنه حب أرجوكي
تأملت الامواج أمامها بحيره أنا محتاجه فتره أتأكد من مشاعرك
ساعدني أسترد ثقتي في نفسي اللي أنت دمرتها برفضك ليا
نظر لها بعشق زلزل كيانها أنا معاكي لحد ما تتأكدي إنك أغلي حاجه عندي
نظرة له بعدم تصديق مما تسمعه لكنها هربت من الفكره طيب مش يلا تاكل وترتاح شويه
::سألها بإهتمام هتاكلي معايا ؟
::ردت بحب حاضر
وهتنامي جنبي ؟
::إبتسمت هو كده طمع بس ماشي مش بحبك زعلان
إحتضن يدها بين يده ورجع المنزل عندما رأتهم
سهير شعرت بالفرحه وتأكدت أن نسمه بدأت تأثر
به وهذا له معني واحد أن أبنها أخيرا وقع في الحب
