#أجواء_لمه_عيلتنا🌹
ـــــــــــــــــــــــ
ماريه: من قاعد في حوش جديده
مريم: ولا وحده،،،، إنت عدي لي رنده و رناد و هناء و أني هبه و أريج
ماريه: تمام
ـــــــــــــــــــــ
مريم ماشيه في لي هبه تلاقت معاها
هبه:صباحو♥
مريم:عسل ياعسل
هبه: شكلي طولت
مريم: لا أصلا أنت و ماريه بس واتيات
هبه: ريحتيني
مريم: بنعدي لي أربج أكيد نووم
هبه:فيها شك😂(كانت لابسه سروال جينز أسود و كت أبيض مكتوب عليه BTS فسط السروال و فوقه شبه بلوزه شيفون شفافه واااااااجد قصيره مورده و كويش أسود)
ــــــــــــــــــــــ
ماريه تدق على الباب
عبد الرحمن: فتح،،صباح الخير🙂
ماريه صباح النور
عبد الرحمن: خير يا بنتي
ماريه: إبتسمت وين البنات
عبد الرحمن: ضحك،، ماتسمعيش في عركتهن
ماريه: ضحكت، هده حال التوائم
عبد الرحمن: كان عندك جهد عليهن إمشي حزي
ماريه: من عيوني،، و خشتلهن في الدار
رنده:منيش بنلبس هذي
رناد: ملحي و الله بنلبسو هدي
رنده: تي مهيش مستوره قدام ولاد عمامك
رناد: تي...
ماريه: هههههه 😂
رنده: خيرك أنت تتسهوكي
ماريه: العياط هده كله علي لبسه
رناد: ماهو الشلال هدي مبيش تلبس البدله الجديه
رنده:و الله ماهي لبست متحجبات،، و ردن يتعاركن من جديد
ماريه: خلاص تو أني نطلعلكن لسبه
جمال: مصبي في بابا الدار إديري فينا خير
رناد:أطلع براااااا😡
جمال بسم الله الكريم،،،، وطلع
ماريه:خيرك مع الولد
رناد عصابي راقيات و كم مره قتله معاش تخش لي لدارنا
ماريه: عليك حاله،،، و طلعتلهن لبسه قمصان طوال للركبه رنده مشماشي و رناد وردي فاتح و سروال جينز أسود للزوز و كل وحده كويش نفس لون القميص
ــــــــــــــــــــــــــــ
نرجعو لي مريم و هبه
مريم: خلينا نمشو لي أريج
هبه: إنشاء الله نايضه بس،، و خشن لي باب الصور
مريم:لالالا من يلي قدامي مقعمز مش كأنك رضوان
هبه: مش عالعاده النوضه بكري
رضوان: مش معاهم بكل
مريم:رضوااااااان
رضوان: خير أمك
مريم: بإستفزاز،،،، أمي مقعمزه تفطر😌
هبه:على كلٍ مناش شيفانين في خلقتك وين أريج
أريج: طلعت راسها من باب الحوش Bonjour
مريم:Bonjour هيا شكلك واتيه
أريج: Yes(كانت لابسه بلوزه حمره قصيره واجد نضام الواسعات و سروال جينز أسود و كويش أحمر و شعرها نفس يلي في الصوره ) وطلعن
هبه: كأنك فرحانه
أريج: مزاجي رايق من أول مانضت
هبه: شكلك واكله شكلاته
مريم:هيييه
أريج: خيرك
مريم: نسيت سوزي تبي فازو نوتيلا عشان الكريب
هبه: خلعتينا على نوتيلا
أريج خاص تم تو إنعدي معاك نجيبوها
مريم: عاد أريج و التنسريف😜،،، خشن لي قوراج السيارات يلي في صور جدهن و وفتحت أريج بابا القراج باشويا
مريم: من تمشي معايا
أريج: أني بنمشي
هبه: أني مش ماشيه
طلعن مريم و أريج و خشت هبه لقت البنات في الجنان
هبه: صباح الخير
البنات كلهمن إلا هناء:صباح الورد
هناء:هبه أقعدي عريانه خير😏
هبه:تحكيلي
هناء: لا للحيط هوا في حد غيرك جي توا
هبه: ضمي لغمتك خير مندير جريمه(على خشت أنس و مروان)
هناء: دفت هبه بس ماطاحتش،، و شن بديري
هبه تو نوريك،، و ضربتها كف
مروان: شن صاير
مرام:عارف هبه و هناء ميتلاقنش و يديرن خير
أنس: ولعت يا حي عليها و لعت ويش يطفيها
*********
يتبع...
سامحوني الحلقه قصيره واجد بس والله ضروف 🥺
قلم الكاتبه:العنقاء🌹
