#العنقاء🌹
#أجواء_لمه_عيلتنا😜
#رمضان_مبارك🥳🌙
#صحه_فطوركم🌙💓
ــــــــــــــــــــــــــــــــــــ
عارفه روحي مقصره بس نقالي كان خارب و أمس بس جبته (قولو عليك مفسديه😂)
مريم و أصيل في السوق،،،
أصيل: هيا الزح و أنت ماتعرفي تطلعي بكل
مريم: أني كنت جايه بروحي أنت شديتني
أصيل: باهي هيا
مريم:أني مازلت مطوله أطلع راجيني في السياره
أصيل: باهي ندخن و نجيك
مريم: وووووه تقول أكسجين تي قبل منخشو دخنت
أصيل: شاورلها بيده و طلع
ــــــــــــــــــــــــــــ
ماريه: شن إدير هنا
رضوان: سحرتيني راك
ماريه: ترعش،، تي أطلع
رضوان: عيونك تقول رصاصه قتلتيني بيهم
ماريه: ساكته و ترعش
رضوان: نحبك💓
ماريه:😳😢،،،
رضوان: سمع صوت كرعين جايات و سع عليها و تلاحق العصير بيمده
هناء: مااااريه سنه بيش تجيبي العصير،،، و برقت في رضوان،، شن ديري هنا أنت
رضوان: مديتلها العصير،،، و طلع
ـــــــــــــــــــــــــــــــــــــ
مريم: واااك وين نتلف هالفرخ،، و داكه راسها في التلفون بتتصل بأصيل خبطت في
خالد: برق قدامك و رفع راسه
مريم: سامحني يا خويا ماريتكـ..😳... خالد
خالد:تو مش قلتي ماشيه لخوالك شن جيبك هنا
مريم: مليكش علاقه
خالد: بصوت عال،، تي كيف مالياش علاقه بوك عابي عليك عند خوالك و انت تنسرفي و بروحك زياده
مريم: بصوت عالي،،، انت مادخلكش جايه بورحي ولا جايه مع الجن انت مالكش علاااااقه
خالد: شدها من يدها بقوه،،، نقصي صوتك يا كلبه
مريم: خااااالد الناس تبرق فينا نقص صوتك
خالد: من الدلدول يلي جايبك و يهز بيك و مسيبك بروحك حدى المفرخ
مريم: خالد إحترم نفسك
خالد: سيبتلك الإحترام يا محترمه عبريلي الإحترام متاعك وأنتي جايه تنسرفي و دوري من يعاكسك
كف،،،، هكي نعبر على الإحترام متاعي،،و طلعت سيبت الحاجات وركبت في السياره
أصيل: تي وين الحاجات
مريم: ضحكت بصوت عالي،،،، هههههههه وووه عليا على منضره بعد ضربته كف
أصيل:من هوا
مريم: الحصله خالد ولد عمي ههههه
أصيل: أني زي الحمار فهميني عليش ضربتيه
مريم: يا حنه،،،،،،و حكتله
أصيل: بس مفروض ماضربتيشي
مريم: عليش ياكبدي بدير حزب عليا مع التيوس ولاد عمامي
أصيل:تي أصبري
مريم: هااااا
أصيل: ماهو أنت سمحه و أكيد واحد من الشباب حط عينه و بعد شافك تضربي في خالد يقولك هدي متوحشه فمعاش تلقي من يجوزك😂
مريم: وحق ربي إلا بارد و أني نسحابك بتحطلي فتوه
أصيل: هذه إسمها نصيحه من الأخ صايع
مريم: بصوت واطي لاكن مسموع،،، هذه الشبل من ذاك الأسد
أصيل: و خيره مستر بابا مش عاجبك
مريم: خبطاته على ظهره بالقويه
أصيل: آااه يا كلبه
مريم: ترا ولع السياره و إسقد خير مندفك منها و نسوق بروحي
أصيل:،،، به توا قعدتي سنه تشري في النهايه سيبتيهن و طلعتي وين بتعدي
مريم: وين ماهو
أصيل: به نمشو لـ ذات الرمال
مريم: تعرف المثل يلي يقولك هربت من الغوله طحت في سلال قلوب
أصيل: وشن معنى توا تقوليلي فيه
مريم: رمضان ديمه فيه حتى توا فوت من قدامه تو تلقى سيارته ولا تشبحه مقعمز
أصيل: عليك قصه به زاد الخير
مريم: جمال
أصيل: القرضابيه
مريم: فيه المهبله الثلاته أنس و رضوان و مروان
أصيل: و المعنى
مريم' نعدوله
أصيل: تو سيبتي زاد الخير يلي فيه جمال أهدى واحد و جيتي على قولتك للمهبله
مريم: أنت مش حتفهم لإنك متحبش تختلط بيهم بس عندي هديم المكلبه و لا التلاته الجادين
أصيل باهي بنــ...... برق في مريم
مريم: ألو أنوس
أنس: نعم من الآخير
مريم: ماينفع فيك التدليع... المهم قاعد في القرضابيه
أنس: لا في الحوش روحت
مريم: به من قاعد غادي
أنس: روحنا مع بضنا كلنا في الحوش،،،، إستني أنت ويين
مريم: طالعه للسوق
أنس: و تقولي فيها بصكه وجه
مريم: يا ودي أنت عسل مش كيف الخراوات التانيين
أنس: عدي للنعيري تو تلقي خالد يرحب بيك بكل رحابه صدر و يرفعك على كتوفه
مريم: هههههههه توا كلي مني كف
أنس: تي كيف صار
مريم: عاود عليا ماعنديش رصيد،،
أنس: عاود عليها ردت،، توا قوليلي شن شكله الكف يلي حصله مسح عالكبد ولا لا
مريم: مع ان هييت من المعاوده ،، و ككتله
أنس: ههههههههه و الله تبردي،، و في جنبه باقي شباب و شابات العيله
هبه: أنس كالعاده حدى زومتنا يكلم في الكلبات
أنس: سمعتي بنت عمك شن تحكي عليك،،، و فتح المايك
مريم:تو نوريك يا واطيه في النهايه طلعت كلبه😠😂
هبه:بضحكه المصريات،،، هههههه نسحابك وحده منهن على كلن شن قصه الضحه يلي طلقها أنس
مريم: عييبت و أني نعاود فيها هالقصه
أنس:تو أني ندويلكم،،، يا حنه و يا منه هذه خالد شاد مريم في سوق النعيري تهدرز مع ولد
مريم: يا حيوان ياكذاب
مرام: تي لو نشوف بعيوني منصدق
أريج: واااك يا أنس تو لو قلت شدوك أنت تهدرز مع وحده صدقنا لاكن مريم
رنده: بالله سلم ولد عمي بلا بهارات
أنس: كليتوني الزح
رضوان: ماعندك وين تهرب منهم عيت حواء و أنت مقعمز بيناتهن
مريم: و أنتم يا عيت آدم تبو كسر رقبه و لا نحكي على (بدت تسمي بالحرف) غ ي ذ
: قصف في الجبهه مباشر
مرام: إختف الجبهه
رناد: تي هوا إختغي بكل
مريم: ياوي ـ،،، و حكتلهم يلي صار،،، هي سلام
ردو عليها:سلام
أصيل: وااااك ماتعييش من الهدرزه
مريم: ما نعياش تي هيا من ويين بنشري يلي وصتني عليه أمك
أصيل:هوا من سوق السلام
مريم: به خلينا نعدو لمشارق قبل
أصيل: مغلا عليك الدوران
ــــــــــــــــــــــــــــــــــــــــ
عدت مريم دارت دورتها و شرت واقي الشمس و الحاجات يلي طالبتهن رجاء و شرت بيتزا من فزيوني و تكت شرت عوامات للصغار و حتى نسوان خوالها لإنهن مايعرفنش يعومن مع إن خوال مريم فالحين واااااجد في العوامه حتى مريم و ضني عيصام
ــــــــــــــــــــــــــــــــــــــــــ
مريم: مااااري ماااااااااري
ماري:? What
مريم: عدي جيبي الحاجات من السياره
ماري:Ok
رجاء: سنااااه
مريم: درت تكمي مع ولد عمي في السوق
رجاء: مقوا راسك يا بنيه
مريم: المهم توا شن بديرو نعاونكم
رجاء: إحني مانا دايريين شي عنا سلاطات بس و الباقي شواء بس
مريم: به شن هنا السلايط
رجاء: الغنوج و الثوميه بيديرهن البطه و الطحينيه بديرها حواء و وفاء بدير سلاطه الكوسه و أني و هناء بنحشو العصبان من توا بيش غدوا حطان في الطنجره بس
خلاص: تو أني ندير سلاطه الطرشي و البطاطه المهروسه
رجاء: خلاص و هكي ماعندنا شي
ـــــــــــــــــــــــــــــــــــــ
الساعه 4:30 الفجر
مريم: اصييييييييييييل سراااااااااااج شوشوووو
أصيل: باهي نضنه
مريم: يا عباس في أي سياره بتعدي
عباس: الهايلوكس
مريم:و انت ياجدي
جدي سالم: بالهايلوكس
مريم: و طويشي و عصام
جدي سالم: تي شن فطرتي على صبح ربي مكثره دوتك حتى الضي مطلع و أنت نشاط
مريم: ولو يا جدي رانا ماشيين البحر كيف تبيني نمشي طايخه على وجهي إمالا و فطرت قهوه عربيه و توا بتقولي فيش بيمشو التيوس التانيين أو لا
جدي سالم: لاااا
سراج:مريم يا قلبي تو ندويلك و انت تقصقصي
مريم: أيواه و اني هذه صاحبي تو تعال إدعيلي
سراج: فرج و طويشي بالثعلب كل واحد بـ ثعلب إنشاء الله ينتشنك و بوي بالتاكوما و أصيل بالرنج متاعه
مريم: ميه ميه
ــــــــــــــــــــــــــــ
أذن الفجر و صلوه جماعه
عصام: تي هيا و قت
رجاء: وسع بالك و أنت ديمه حامق
عباس هيا كل واحد يركب في تركينه
رجاء: أني مع وفاء
هناء:و حتى أني مع سراقا
البطه: أني مع طويشي
آلاء و سراج: إني مع مرييييم
آلاء عينك إنب معها
سراج: لا أني مريم من تبي معاك
مريم: سيارتي معبيه و الكرسي القدامي بس فاضي يلي يسبق
وائل: طلعلهم رايه من الشباك،،، هيهيهي سابقكم من بدري
سراج: إمالا أني مع المحمرط ( يقصد على أصيل )
آلاء أنيمع بابا حبيبي
حواء: كلا أني و فروخي مع بونا،،،، طلع في نص الطريق
مريم: درست،، و درسو حداها كلهم،،، هيا صباق
جدي سالم:أني مستحيل نكسر سيارتي
مريم:براحتك،،، و طلعت تجري،،،و فجرتها أصيل و وفاء
جدي: ما تكسابو عقل😂
مريم: ولعت أغنيه و دارت Live على الإنستا،،، يا شوشو أطلع من الشبك الفوقي و صورهم
وائل: باه
مريم: لا كن يطيح منك النقال إنطهرك
وائل: بااااهي😆
ـــــــــــــــــــــــــــــــــــــــــــــــــــــــــــ
في حوش جدودها طبعا البنات كلهن بايتات لأنه خميس و جدهم ينوض فيهم كلهم للفجر الولاد يعدو للجامع البنات ينوضن يصلن ***
هبه: كملت الصلاة و برمت عالبنات ،،، بنات يلي معندهاش نيه في النوم تطلع معايا للجنان
ناضن كلهن
أريج: فتحت نت،،، بنات مريم ورقت دايره Live عالصبح
رناد: سكلها راصه بالغلط راه حتى الضي ما طلع زيين
مرام: خشي شوفيه
أريج: وووووه
هبه: خيرك
أريج: أفتحن خرباتكن و شفن مريم دايره جو
رنده: تصطريب على صبح ربي لاكن سعيدها
مرام: زعما شن فاطره و هالتصفير و التصييح كله
هبه: شنو يعني مريم و عارفينها قهوه عربيه مره
مرام: تقول إدخن مرار عالصبح
ماريه: القهوه تصحصح تخليك
هبه: تعرفن توا من بيحمق لما يشوف البث متع مريم
البنات: منو
هبه: خالد مالاحضتوش تصرفاته الغريبه
رناد:بكل بذات مع مريم
أريج: زعما يلي في بالي في بالكن
هبه و مرام:هههههههه
مرام: لا ماضنيش خويا مش متع الكلام هذه
رناد:باهي يا شكاره العروس ما تندريش عليه أنت
هبه: الله الواحد لما يطيح يطيح على منقاره
إريج: و بنت العم قدرت عليه
هبه: لإن الفتره هذه يغير وااااااجد عليها لدرجه شفتوه أنتم كيف فك منها النقال و حتى جايها قايلها ألبسي وشاح ،،، و خشو الولاد هما و جدهم للجنان
أريج: ت.نوريه الفيديو نشوفوه شن بيقول
هبه: أسكتو جي خلاص
خالد: شن إديرن هنه توا
هبه: كسدنا طلعنا
أريج: تعالو شوفو البث متع مربم
خالد: فك منها النقال،،،، يتبع
ـــــــــــــــــــــــــــــــــــــــــــــــــــــ
حلقات طوال تعوييض ♥♥
على فكره لو في تفاعل رح إنزل الحلقه الثامنه لإنها واتيه♥
الكاتبه: العنقاء🌹
