رضوان: وين كنتي إتنسرفي😡،،،،وكانت ملاك و ملك ورا رضوان و عطيات الوجه هده😛😝
أريج: مدخلكش
رضوان: دخل منو إمال
أريج: هوا بابا مدايرلي سياره ولا أنت
رضوان: بوك مدايرلك سياره يا أم لسان وجي بيضربها،،،،،
خش فتحي: سيب أختك يا فرخ😡
رضوان: يا بوي كاينه طلعه بالسياره مندون ماتشاور حد 😠
فتحي: حقه يا بنتي الكلام هده 🙂
أريج: حقه 🥺،،،،،، ودارت عيون القطه الحزينه😂
فتحي:بكل هدوء،،،، طلعتي بروحك ولا معاك حد
أريج: طلعن معايا رنده ورناد 🥺🥺
فتحي: معاش تطلعي قبل متقوليلي او تقولي لي امك🙂
أريج: حاضر😇
مروان: زيد فسدها مسد درتلها سياره و توا تطلع و تخش علي هواها و لا حاسبه حتى واحد😡😡
فتحي سكر فمك بنتي حره و مدام اني حي مافيش حد يدويلها كلمه ولا يحكم فيها 😠😠
أريج: باست راس بوها و خلت بوها إيخش المربوعه و ولت لي رضوان
رضوان: خير أمك
أريج: و ترقص في حواجبها،،،، كسرتلك في عينك عود 😜😏
رضوان: افلبي وجك خير منشوهك
أري: مش ميته عليك 😏😌،،،،، وعدت للبنات
ــــــــــــــــــــــــــــــــــــــــ
هبه: زيدك قو أحسن مارديتي عليه😂
مريم: بالأخص النضره متع القطه الحزينه😂😂
هناء: فضيعه الصراحه 😂
أريج: اني معاش انحاف منهم لأن المره يلي فاتت ضربني فرخ مروان بابا عكاه كف يمسح عالكبد😂😹
مرام : و يقولو عليا اني و مريم وهبه ملسنالت ةمال انت شن يقولو عليك😂
أريج: خلي يلي بيقول يفقول يخفف عليا ذنوبي🙃😂
البنات كلهن:😂😂😂😹😹😹
ــــــــــــــــــــــــــــــــــ
خشن البنات كلهن:-
خيريه(الجده): أريج كأنك مغيبه🤨.
أريج: لا يحنتي والله كان عندي مشوار وجيت
خيريه: ماهو من قلت الحكم تمشي على قيس راسك ولادي ميعرفوش يربو😠
أريج: 😡اني متربيه أحـ..... قطعت عليها سميه
سميه: لا والله ياةعمتي اني بعتتها.
خيريه: باهي باه... و انتن بنات عبد الرحمن وين حتى انتن مشوار.
رنده: أ.. أ.... أه....
رناد: لا كنا مـ ...
أريج: كانن معايا🤨
خيريه: ماهو من قلت الحكم😒
ـــــــــــــــــــــــــــ
عدو الرجاله و الولاد للجمعه و روحو و تغدو و غسلن البانت والماعين ودارن الحلوو و حطنا في الثلاجه...
مرام: كساد😫
أريج: بكل🙄
هبه: خلينا نديرو عركه مع الولاد🙃
رناد: فكينا😑
مريم: في العشيه نعدو لمقهى الماسه
ماريه: خلينا ندوو لحده من النساوين خير
مريم: سميه أحسن وحده طيبه و نقولولها تقوللهم إن قاعدين في حوشها😎
هبه: فكره بس خلينا نمشو بعد العصر طول قبل ما ينوضو الولاد
البنا: تمام 👌
أريج: في مشكله كبيره بس في العمر صغيره
هناء: عرفتها ملاك و ملك
أريج عليك نور،،،،،، تو هذين شنو بنديرولهم
هبه: خليهن يلعبن و نطلعو مندون ميحسن بينا
مريم: إضحكي كان فقدنا بينوضن يفتشن حوش حوش بيش يلقولنه
ماريه: نقلوهم معانا
مرام: ماريه أنت ملاك و ملك يبيعوك و يشروك في نفس اليوم من الطيبه يلي فيك فلذالك أسكتي سلم أختي
ماريه: 😬😳
أريج: نقلوهم لي حوش خوال مريم
هبه: فكره سمحه بس كيف بتقنعوهن يقعدن غادي
مريم: تو ندوي لي رجاء مرت خاليلإنها كيف سميه بالك أحرف
أريج: معناها إتكلنا على الله
ــــــــــــــــــــــــــــــــــــــــــــــ
عدت مريم نادت ملاك وملكةو دوتلهن
لبسات البنات:-
مريم: سروال جينز أزرق و بلوزه كم طويل حمره قصيره واجد و عليها شعار ماركه غودشي منزعلى الكمام و سبيدرو أخضر جيشي و شنطه نفس اللون و شعرها كوده وقصه فوق
هبه: سروال جينز أزرق حملات تحته بلوزه بيضه و فوقها جاكه جينز و سبيدرو أبيض عليها شعار adidas و شعرها مفتوح و قصه على جنب
أريج: سروال جلد أسود و قميص أبيض مدخلاته في السروال و فوقها جاكه جلد سوده عليها شعار ماركه أولومبي و بوت جلد أسود
رنده ورناد: سروال جينز سكري و بلوزه شيفون مورده طويله للركبه و وشاح سكري و سبيدرو أخضر جيشي و شنطه نفس اللون
هناء: لبست العبايه المفتوحه و لونها عنابي و تحتها سروال جينز أسود و بلوزه شيفون قصيره سوده و وشاح أسود و كندره واطيه لونها عنابي و شنطه نفس اللون
ماريه: سوال جينز رصاصي و بلوزه ذميه و سبيدرو كموشه(إسم نوعيه السبيدرو) ذمي و شنطه نفس اللون و وشاح رصاصي
مرام: سوال جينز ذمي و بلوزه رصاصيه و سبيدرو كموشه رصاصي و شنطه نفس اللون و وشاح ذمي
(طبعا لبسه ماريه و مرام نفس اللبسه بس الإختلاف في ترتيب الألوان)
ـــــــــــــــــــــــــــــــــــــــــــــ
طلعن البنات بالسيارات و قسمن روحن على ثلاته سيارات
سياره مريم: مريم و هبه و ملك و ملاك
سياره أريج: أريج و مرام و ماريه و رناد
سياره رنده: رنده و هناء
ــــــــــــــــــــــــــــــــــــــــــــ
عدن البنات كلهن للمقهى إلا سياره مريم عشان تكن على حوش خوال مريم مشان ينفدو الخطه و سلمت عليهم و نادت رجاء على جنب
مريم: بالله عليك نبيك تاخدي ملاك أختي و ملك بنت عمي مابين عدينا للمقهى و جينا
رجاء: تمام بس في طلب
مريم: أطلبي 🤩
رجاء: مطولوش عشان ميحسشبيكم عديتم
مريه: قبل المغرب نكون مزروعه قدام حوشكم
رجاء: تمام ديري بالك على روحك و سوقي بالسويه
مريم: سلاااااااام 😘،،،،،،،،، وطلعت مشت لحقت على البنات ف المقهى و هما يهدرزو
أريج:بنااااات
البنات: خيرك
أريج: شوف يلي مقعمزه
مريم: 😯😯
هبه:😬😳😯
مرام😱😱 يتبع
ـــــــــــــــــــــــــــــــــــــــــــــــــ
طبعا رح نخبركم اني زي أي شخص عندي ضروف و صروفي صعبه ف أرجوكم أعذروني لما نتأخر على تنزيل الحلقات الجديده من روايتكي كل يوم او يوم بعد يوم أعذروني💔🥺
و الأشخاص يلي سألوني شنو هيا لهجتي فـ أنا نقوللكم إني لهجتي مصراتي مسكر لأني مصراتيه و يلي سألوني على الأماكن فـ نقوللكم إنهم حقيقيه و في مصراته و أسؤلو عليهم 🌹🌹
💟نوروني بتفاعلاتكم 💟
بقلم الكاتبه:العنقاء🌹
