😜اجاء عيلتنا😜
ــــــــــــــــــــ
#العنقاء🌹
قبل كل شي سامحوني عالتأخير و الله غصب عني
ـــــــــــــــــــــــــــــــــــ
مريم: ماما ماااما
فاتن: امتى بتعدي لخوالك
مريم: شوي تاني
فاتن: توا انت عارفه بوك كان طولتي أكثر بيقولك مافيش ماشي
مريم:اوووووف
فاتن: بلا تأفإيف زايد و إمشي لخوالك كان هذى قغمزي
مريم: باهي 😑،،،،،و طلعت فتحت الكوفيني السيارهحطت ساكوها و بتركب للسياره لقت
خالد: توا كم بتقعدي يوم
مريم: خالد خيرك نبي نفهم علاش أسئلتك كاثره في حاجه متخصكش
خالد: قرب منها،،، لا تخصني
مريم:رعشت لاكن دفاته،،حول من قدامي،،و ركبت للسياره و طلعت
خالد: يخبط بي رجله
ــــــــــــــــــــــــــــــــــــــــــــ
في حوش جدود مريم
مروان: جيعان الزح نوضن زوز فيكن يديرولنا عشاء
هبه: شاده آيبادها و تتفرج علإنستا،، ملياش علاقه في مليون مطعم قريب
أريج:ولا أنا خيرني مشطحه روحي و نوض نديرلكم عشاء
أنس: تي نوضن يا كلبات
رناد: مصح وجهك و تبينا ندروكم عشاء
مرام: هذيم يبو سماسام
هبه: أشهد بالله إن جنس الذكور ميتحشموش
رنده: بدات ذكور عيلتنا
سالم:تي هيا حتى سندويتش تن
جمال: يلي تنوض نجيبلها كيس شكلاطه مشكل
هبه:مادامك بتجيب كيس شكلااته(بصوت إستفزاز)جيب يكال من المطعم
ماريه:تو نوض أني
هناء: وأني
هبه:أوووو الفالحه جت و بدير عشاء و تو روحكم لغسيل المعده
هناء: ويين رمضان خلي يجي بيش تواي كيف القطوس
هبه:هناااااااء متخلينيش نبلى عليك في هاليوم😤
هناء:😖😖 و خشت تجري للمطبخ و لحقتها ماريه
أريج: هههههه قديش هالبنت تحب الهزايب 😂
مرام: ركبها السكر في جرت هبه😂
ـــــــــــــــــــــــــــــــــــــــــــــــــــــــــــــ
مريم: سبرايز
سراج: نط على مريم و تعنقها
مريم: آه يا حمار في حد يستقبل ضيوفه هكي
سراج:أنت مش ضيفه
مريم: وسع وسع خليني نسلم
رجاء: تي شن الجو مغطسه يا حماره
مريم: يلي عنده بنات عم بـ غطس معاهم بالسيف عليه
فاطمه: مغوومو ♥
مريم:كيف حالك فطوم،،، عز الدين قرص مريم: أي يا حمار
عز الدين: ساد من سلام العزايز
جت مريم سلمت على حنتها و باست راسها ويدها و قعدت مقعمزه في حضنها
مريم: وين سراقا (قصدها على وفاء)
فاطمه:توا طلعت هيا و هناء بالسياره
رجاء: يا طويشي(على عز الدين) راه السيارات معاد يسدن وين بنستفو باقي الحاجات
طويشي: شن قالات انتن راه أربع سيارات و مزال الميه و المشورب مجبناهمش
مريم: يا طويشي أني جيت بالنيسان كان بتحطو فيها
طويشس: باه ميه ميه
رجاء: باه تو نحط فيها
طويشي: لا متحطيش فيها خليها لي حفاضات الثلج
رجاء: يا تيس وين بنحط باقي الحاجات امالا
طويشي: تو نجيبلك الرنج تسوقها سراقا
رجاء: تي شن الفرق
طويشي: ماهو النيسان واسعه من وراء و الرنج لا و بنحط ثلاته حفاضات كبار
أصيل: جاي من بره،اميي أمي
رجاء: نعمممم
أصيل: أتصلي بـ مري.... أمتى جيتي
مريم:تي سلم قبل،،،، جيت بعد المغرب بشويه
أصيل: وين ماري نبيها تنزل الحاجات من السياره
رجاء:شن جبت
أصيل: جيبت صندوق بيتري و صندوقين بيبسي و صندوقين عصير دون سيمون
مريم: نكه شنو؟
أصيل: صندوق عنب و صندوق مانجا عارفك تحبيه
حواء: السلام عليكم و سلمت على الكل
آلاء: أصيل جايب بيتري عشان تحمر شوربك و تخليهن زي خدودك يا محمرط😂
أصيل: شدها من شعرها و يخش جدهم
سالم: يا حمار ياحيوان سيب أختك😠😡
آلاء: زادت ساحت، يا جدي كرلي شعري و أني مدرتله شي هالكلب😭
جدي سالم: تعرف يا فرخ معاش تخشلي حوش لآذان العشي
أصيل: طلع متنرفز
جدي سالم: عدي أغسلي و جهك
آلاء: حاضر،،،وطلعت
مريم: تعنقت جدها و باست راسه و يده،، كيف حالك يا أبو الشباب
جدي سالم: شن تبي
مريم: تي وربي تلقط فيها عالطاير، مشعارفه كيف مشتغلتش طيار
جدي سالم: مرومه نعرفه الإطراء هذه شن تبي
مريم: تو أني قديش عندي جد أسمه سالم
جدي:😒😂
مريم: جدي نبي مفتاح سيارتك شويه
جدي: شن تبي فيها😇
مريم: بنعدي نشري حاجات
حنتي: مسرع توا خشيتي أنت
مريم: ماهو يا حنتي هكي و خلاص
حنتي: هوبي عليك و خلاص
مريم: هههههه،،،، و دخلت يدها في جيب جدها و خدت المفاتح
حواء: بالله جيبي واقي شمس خير ما ننحرقو زي الزرده يلي فاتت و جت من البخت في في عرس خالتي
رجاء: إمالا عماله هيا عدينا تقول نيجيريات
مريم: يا شوشو( قصدها على وائل) عدي معايا
وائل: مانبيش توا طلعت مع أصيل و جيعاااااااان
مريم: براحتك و طلعت و طلع جداها من الدار
عباس: كلا الحاج(لقامته ديمه ينادو فيه بيها حتى كناينه) حشيشته مرومو (قصده على مريم)و السمره(قصده على ألاء)
رجاء: ماخربهن إلا الحاج و أتنم
ـــــــــــــــــــــــــــــــ
طلعت مريم من حوش خوالها و بعدا بشويه مسافه لقت أصيل مقعمز في سيارته قدام حوشهم درست عليه
مريم: خير يا طير
أصيل: راقيتلي للنم
مريم: أنت عارف جدي ميتحملش في ألاء و في النهايه متهونوش عليه كان هدى عقاب ميخليكش تخش للحوش للعشي و هوى شويه و بيأذن
أصيل: ساكت و خلاص
مريم: سلام بنعدي ما نبيش نتأخر
أصيل: وين على خير
مريم: آهو ماشيه لمشارق و للنعيري و بنجيب بيتزا من المطعم و حاجات.
أصيل: توا أنت هكي ماعقبتي شارع مش حتخشيه و كلهن شوارع فيهن شباب و زياده لتمشي للمطعم
مريم: خطاني
أصيل: تعالي تو نعدو مع بعض
مريم:تمام خلي نكلم جدي،،، رنت عليه
جدي: ألو
مريم: جدي سيارتك قاعده قدام حوش عيت عصام
جدي: و انت بيش بتعدي
مريم: توا تلاقيت مع أصيل قالي بيقلني هوا
جدي: باهي
مريم: سلام يا أبو الشباب
جدي: و الله مهبوله😂 و سكر
أصيل: هيا
مريم: عارف شن يخليني ديمه نركب معاك
أصيل: شنو
مريم: لإنك دير في جو سكاره من الأخير
اصيل: توا معناها أنت تسايسي فيا
مريم: كيف ما تبي ترجم،، وطلع بيها أصيل يجري بسرعه
ــــــــــــــــــــــــــــــــــــــــــــ
نرجعو لي جدود مريم*****
ماريه و هناء في اامطبخ
ماريه: هنوش وين العصير
هناء: مانعلمش شوفي دار الخزين كنتي ديمه تخزن فيها
ماريه: به و طلعت و مشت دار الخزين،،، زعما و ينه واك و الله يا حنتي لو نعرف طريقه دسك بس و حست في حد و راها
إلتفتت:😯😶😳 شن إدير هنا
ــــــــــــــــــــــــــــــــــــــــ
يتبع،،،،،
زعما ماريه من لقت و راها و ليش نصدمت؟؟؟
قلم: العنقاء🌹
