#أجواء_لمه_عيلتنا
#مصراته_و_بحرها
#الكاتبه_العنقاء
ـــــــــــــــــــــــــــــــــــــــــــــــــــــ
أريج: شوفو البث متع مريم
خالد: بث عالصبح شن تخرط هذي
مرام: الله عليك شوف
خالد:فك من أريج النقال،،، هذي خيرها لا حشم لا شي مش حاسبه حد بكل،،و رمي النقال على أريج
أريج: شن قلتلكم
أنس: شن قلتيلهم
أريج: قلتلهم سر
هبه: شكله طايح حق
أنس: أها فهمت باه من غيره طايح و يبرق في هبه
مرام: شكلى خوتيـ....
أنس: ضربها على ظهرها ناض
ـــــــــــــــــــــــــــــــــــ
طبعا المكان كان قريب من مصنع الملح و كان زي الحفره يدرسن السيارات فوق و ينزلو لوطه الخيمه و الشط و كان في زي الصقيفه فيها زي الممر نهايته مفتوحه في البحر مرتفع فوق على الراس و كان المكان زي الحفر فوق يدرسن السيارات و لوطه الشط
مريم: أصيل خلينا نديرو طافو من فوق كإفتتاحيه و بعدها نخشو لداخل
عصام:لالالا البحر راقي توا بعدين كان هدي خشو
مريم: وااااااك
عباس: ثلات أيام قاعدين ره لين تكرهو البحر
مريم:نكره الناس كلها إلا البحر
رجاء: نخصتها و دوتلها بصوت واطي مريم و أصيل بس يسمعوه،،، خلينا نفطرو و بعدين يرقدو و نعدو كلنا
مريم: أني مسؤوله على نفسي بنعدي توا
عصام: تعالي
نريم: عدت و سيباته
جدي سالم: كان يعوم داخل شويه،،، خيرك من حمقك بصوت عالي
مريم: يا جدي ما خلونيش نخش🥺
جدي سالم: تعالي ألحقيني
مريم: فرحت و خشت بتلحقه
طويشي: تعاااالي يا فرخه مرومه
مريم: أشرت علي جدها،،،، قالي تعالي،،، و خشت لحقاته
سراج: حتى أني بنخش بنلحقهم
عصام:واحد من فروخي يخش توا بنقصله كرعييه
ألاء: خيره مريم
رجاء: مريم ناداها الحاج
ألاء: تم،،،، و ناضت تعيط بصوت عالي
جدي سالم: خيرك
ألاء: مخلونيش نخش
جدي سالم: تعااااااليييي
ألاء: برقت فيهم رقصت حواجبها و خشت
سراج: جدي ماخلونيش نخش
جدي سالم: إقعد حداااا بوووك لما يخششش خش معاه
أصيل: ههههههه
سراج: إسكت يا مصخ أسكت
أصيل:حول التيشرت،، أني خشيت
عصام: تعال ياولد البحر راقي
أصيل: تي حوشي مبني مانقصني إلا العروس و تتحكمو فيا
فتحيه: ناقصك عقل مش عروس
أصيل: شاولهم بيده و عاطيهم بالقفا و خش لحق عليهم
مريم: خيره سراج مخشش
أصيل: قالولا لا
مريم: بووك تيس من الآخير
تألاء: هذى وين عرفتي
سالم: بوك ياحمار و انت عبو عليك خالك 😂😂
مريم: 😂هههههه
جدي سالم: أني طالع بنفطر
أصيل:خود راحتك يا جدي مدام خشينا خلاص
مريم: الله معك و الدرب سلطانك😂
جدي سالم: مصلحجيين 😂
الاء: جدي بنطلع معاك هذوم تو يغرقوني،،،،طلعت
مريم: خلينا نو سراج حرام خايف من أمك تاخد منه السياره كان خش
أصيل: و أنت فيك دوده متطلع لين يجي سراج
مريم: ولو هذه الحب،،،، تصفر،،،،، سرااااااج سرااااااج
سراج: نعممممم
مريم: جيب نقالي و تعال (نقالها ضدد الميه)
أصيل:حتى نقالي
سراج: تم،،،، و عدالهم
مريم: أصيل تعال صورني أني و سراج نعومو تحت الميه و بعدن ناخدو كم سلفي مع بعضنا الثلاثه
أصيل: يا الله مريم ما تعييش من التصوير و الإنستا
مريم: بلابلا بلا المهم أنتم بتصورو معايا
أصيل: تعرفي كان إميلك مش خاص راهو مخليتكش
مريم: دخييلو يلي بخاف عليا😂
سراج: فكيك منه هذه هيا أفتحي البث كان بتفتحي
مريم: عاد حاجه الضياع أنت أول واحد
سراج: خريج مدرسه طويشي للضياع بكل فخر
مريم: و نعم أبناء الخال
صورت مريم الصور و طلعت تفطر داييرين فطور معلاق
وفاء: يا ميِّم بعدين خلينا نهيجو
مريم:أني أي واحد عنده طقه في الهبال و الهياجهياخد يلي يبيها مني من عيوني
جدي سالم: أني بنروح
رجاء: مزال بكري يا حاج
جدي سالم: مولي نسيت دوا متعي(كان يعني من مشاكل القلب)
رجاء: به
طويشي: حتى أني مروح و بنولي في العشيه عندي عمل ضروري
عباس:حتى أني مروح
فرج:يا روي( يقصد على رجاء ) حتى أتي ماشي عندي وراق ضروري نديرهن
مريم: يا جدي و أنت جاي جيبلي معاك باور بانك وأشحنهلي،، و عدو كلهم الرجاله قعد عصام يلي بلا شخصيه في العيله و فات الوقت و عصام ريقه مشيط مافيش حد يسمع في الكلام و جت الساعه2 و حطو العصبان عالنار و جي جدي سالم و فرج فجأء
مريم: بصوت عالي،،،، برقوووووو،،، كانت راكبه في الممر و بتنط على فكره كان المسافه12م
فرج: إنزلي يا مهبوله
مريم: مانيييييش،،و نطت،، وووووووووووه،،شويه وطلعت من الميه تضحك
جدي سالم: دارتها دارتها 😂
مريم: ها شن رايكم
هناء: يميي ما نقدر أني
وفاء: هيا حتى أني بنجرب
مريم: هيا رجاء بطه حوه حتى أنتن جربن
رجاء: نموت و منديرهش
بطه: واو كان تصيرلي حاجه و لا نغرق و أني ما نعرفش نعوم
مريم: هيا حوه عاد أنت تعرفي تعومي
حوه: تو أني حامل بنركب بنط من غادي لا يا وخيتي و هوا العيل لاصق برياقه
مريم: و حق ربي خوافات
جدي سالم: أني جاي بنقعد في الدار عشان صغار فرج ميديروش كيفك
مريم: باه نبي حد يصورني بنقاله و أني ناخد نقالي نصور بيه
أصيل: أني تو نصورك و صورو و قعمزو
مريم: من عنده برنامج يحط في زوز فيديوهات في جنب بعض
هناء: لابتوب أحسن
مريم: من وين بنحصله اللابتوب هنا أني😑
ألاء: أني جايبه متاعي و تلقاه بلا شحن
وائل: كان سكتي خيرلك من الحشمه يلي حصلنيها توا
مريم: خدت تلفونها ترن
ـــــــــــــــــــــــــــــــ
أريج: هبههه تلفونك يرن
هبه: مريم هدي و ردت
مريم: أيوا شن الجو
هبه: كساد إمال تسحابينا كيفك عالبحر
مريم: البنات كلهن حداك
هبه: كلهن إلا هناء
مربم: أفتحي المايك المهم يا بنات نبي تطبيق ،،،،، و حكتلهم
مرام: نزلي تطبييق$$#&&
مريم: مجربتيه
مرام: إيه مجرباته
مريم: شكرا
رناد: بتصكري لا عاد خبرينا شن درتو
مريم: يلي تبي تعرف تخش على الانستا سلااام و سكرت
ـــــــــــــــــــــــــــــــــــــــــــ
يتبع،،،،،،
بقلم الكاتبه: العنقاء🌹
