😜أجواء لمه عيلتنا😜
ـــــــــــــــــــــــــــ
أنس: ولعت يا حي عليها ولعت ويش يطفيها
مروان: ولعت ولعت ولعت حتى الماطفي جت
مرام: إلتفتت شور مروان و شداته من رقبته من وراه
مروان: حولي يدك يا حيوانه
مرام: لم روحك أنت وصاحبك المهبول خير ما نرتكب جريمه مش وقتك
مروان: باهي غر حولي يدك(هذه كله و هبه و هناء شايطات)
مرام: طلقاته،،، و تجيها إسطقا،،،، اااه يا حوان تو تشوف يا قواد
أنس: سكري فمك
ماريه: سيبها يا أنوس
أنس: شان أختك،،و طلقها
مرام: هربت صبت في باب حوش جدهم و بوف سبدرو مهيف لأنس و الفرده التانيه في مروان
ــــــــــــــــــــــــــــــ
عند مريم و أريج في المحل
شاب: بس يا حلو حموري
أريج: قلبت عيونها😒
شاب: لاه لاه تقتل النضره
مريم: صبح يا فتاح
شاب: يا رزاق،، و الله رزقه يا برو
الشاب على الفترينه: خلاص سيب الزبائن في حالهن
مريم: جيجي شن فاطر هذه😒،،، و خدت كيس يلي فيه نوتيلا
الشاب: نوتيلا للنوتيلا،، به كان تحبي النوتيلا غيري شويه أني كندر بوينو
أريج: ضرباته كف سمح
الشاب: جي بيضرها
الشاب على الفترينه: شد يده،، خلاص شوهت المحل،،، و لتفت على أريج سامحينا أمسحيها في وجي،،،، طلعن أريج و مريم
ــــــــــــــــــــــــــــــــ
نرجعو لي هبه و هناء؛؛
هبه:صاحه في هناء ضرب 😂
و هناء: بكاء و خلاص،،، طبعا مافيش ولا وحده من البنات حزت علبهم لإنهم مش متقبلين هناء
هبه: أرجي في كلامك و أعتدري
هناء: مقلتش شي و انت ديمه متبليتيني
هبه: هده كله و مقلتي شي و شدتها من شعرها و غطست راسها في النافوره
ماريه: هبه خلاااص
هبه: مانيش لين تسحب كلامها
هناء: أاااااه خلاص خلاص أسفه 😭
هبه: كلبه،،،، و طلقتها
رنده: هههههه 😂
رناد:و الله هالهناء ديمه محصله روحها فيك 😂
مرام:و المشكله مش قادره عليك و حاطه راسها من راسك😂
هبه: بضحتها متع المصريات،،،هههههه ديمه لما نكسد نحط راسي من راسها و هيا تفكيرها كيف الصغار😂
ماريه: حرام عليك 🥺
البنات: مارياااااااا
ماريه: 🤐🤐🤐😳😳
مريم: خيركم
مرام: كالعاده هبه وهناء😁
أريج: مفضاك يا هبه😑😂
هبه:أريييييج😤
أريج:أعصابك يختي 😂 أني معاك بس البنت قريب تنتحرمنك😂
مريم:أني من تقبلهاش بس مراعات لشعورها نسكت على برادتها حرام خطارها يوجعها.....قطعت عليها مرام
مرام:به يا ماريه رقم إتنين إمشي أعطي النوتيلا لي سوزي😑
مريم:توزعي فيا
مرام: ماهو كسرتيلي رقبتي
مريم: بنات خيركم متنرفزات خلاص أنسن الموضوع جايين بنوسعو خاطرنا
ــــــــــــــــــــــــــــــــــــــــــــــــ
فطرن البنات و رحوا كل وحده لحوشها
ــــــــــــــــــــــــــــــــــــــــــــــــ
في العشيه ملتمين بنات و الشباب رن فون مريم
مريم: ألو يا عمري😊
أصيل: شن الجو
مريم: الحمد الله
أصيل: بعد غدوه بنعدو زرده في العرعار بتمشي
مريم: والله ماني عارفه ياوحبي
أنس: حي على أمها مريم من يلي تكلم فيه
رضوان: يعلق على مريم،،،،،يا عمري،،، يا حبي،،
مريم:تمام تو نشوف روحي يا جيت في الحوش يا لحقت عليكم
أصيل: شوفي روحك
خالد: مش عارف شن حسيت،،، نضت فكيت منها الفون
مريم: برقت فيه مصدومه من يلي داره😳
خالد: من هدى
مريم: والله،،، من جدك تسأل
خالد: كلمه من هدا
مريم: شن وكيل عليا ولا شنو،،، و فكت الفون من يده و وسعت من حداهم
خالد: ناض و سيبهم
مرام: خيره خالد🤔
رنده:تصرفه غريب
رمضان: تصرفه عادي جدا شاف بنت عمه مقعمزه في جنبه تكلم و لا معابره واحد من التيوس يلي حداها 🧐
هبه: بس ماليشي الأحقيه هيا تلم في أصيل ولد خالها
جمال: ولد خالها تقولا ياعمري
أريج: و الله إنكم مريضين البنت تحب خوالها خيرك أنتم شن حشاكم فيها،،، جت قعمزت مريم
مريم:خيره المريض فك الفون مني
رمضان: شلت ضايعات😠،، و ناض
رناد: آل شو خايف عليكي يا بعدي 😂
مريم: ههههه 😂،،، و صبت، أني بندوي لماما
هبه: إستني،، ما قلتيلناش شن يبي ولد خالك
مريم: خوالي بيمشو زرده للبحر 3 أيام و كلمني علشان نمشي معاهم و اهيا رجاء تتصل،،، و سيبتهم
مرام: والله سعيدها أني خوالي كان بيمشو ميكلموا فينا
ماريه: حرام عليك خوالي ميقدروش يكلمونا
مرام: و عليش من قلت الفونات
ماريه: ملاتي واجدو كان بينادونا بنادو خلاتي و الزرده لا بتبنونوها لا شي يقعدو غير يرعو في الصغار
مرام: تي تقول قوم يأ جوج و مأجوج 😜
رنده: لاكن خوالها عاشين Free ♥
هبه: عندهم البنت تاخد حريتها كامله بدون مناقصات
أريج: الله تخيلو قتلك مريم و خالتها لما يقلقن يا خدن أي سياره في الصور و يطلعن بيها
مرام: و سياراتهم سماح كلهن
ــــــــــــــــــــــــــــــــ
نعدو لي مريم في حوشهم
