صعيدي ولكن عاشق بقلم نرمين قدري

الفصل الحادي عشر

الفصل الحادي عشر

لم تلاحظ و قوف جاسر بجواره
رفعت عينها فجاءة شاهدت جاسر واقف بجوار جابر ينظر لها بغضب
قالت داليا بخوف شديد :
_جاسر انت أهنه من ميته
ابتسم جاسر و قال:
-اية خضتك شوفتي عفريت عاد
= جاسر أنا مقصدتش الحديت اللي جولته عشيا أنا ....أنا بس كنت خايفه عليك يا ود خالي وجلبي علي مصلحتك عاد
- قاعدتك هنا طول الليل دي قرصة ودن صغيرة من اللي هيحصلك لو غلطي تاني في أي حاجة تخصني
وحور خط أحمر يا داليا فاهمة خط احمر ممنوع تتعديه
ابتسمت داليا بمكر وقالت وهي تخرج :
=لا أحمر ولا أخضر يا نحلة لاتجرصيني و لا عاوزة عسل منك أكده كل واحد في حاله .
هز جاسر راسة وقال:
-شاطرة و يلا فزي أجري علي الحمام علشان رحتك بقت تقرف
داليا بغضب :
=عيني يا ود خالي طلباتك اوامر تنفذ
دخلت داليا إلى القصر وجرت تحية إليها أهلا يا ضنايا و أخدتها بالحضن لكنها بعدت بسرعة واضعة يدها علي أنفها قائلة :
-اوووف خشي اتحممي رحتك كيف البهيمة و انا هخلي هنية تحضر الوكل .
ضحك كل الجالسين علي كلام تحية وجرت داليا علي غرفتها و هي تسب الجميع تستحلف لحور بالذات
جلست حور بجوار مها يتحدثان ودخل عليهما جاسر اقترب من جدته يقبل يدها ويقول بحب :
كيفك يا جدتي دلوقتى بقيتي احسنت
ابتسمت الجدة وقالت بحنان:
-تسلم يابني من كل رضي انا منيحة جوي ومرتك الله يكرمها متابعة علاجي و ما مخليه علي جهدها جهد
التفت جاسر نحو حور وقال :
-انا بجي هسرق منكم مرتي كفايا أكده احنا المفروض مكناش خرجنا جناحنا واصل لمدة سبوع علي الاقل
أحمر وجه حور بشده من الخجل
همس جاسر في أذنها يلا يا فراوله قلبي ومسك أيدها أمام الجميع
بدأ جاسر ينادي وقال:
خاله هنية . يا خالة
جائت هنية مسرعة تقول :
نعم يا ولدي خير
ابتسم لها جاسر وقال:
- معلش يا خالة ممكن تخلي حد من البنات يطلعلنا الاكل فوق..
قالت هنية ضاحكة::
-بس إكده عنيا ياغالي ربنا يسعدك يا ولدي
صعد جاسر و حور لجناحهما ومازلت حور في حاله من الخجل .
دخل جاسر وهو يمسك يدها وقال بحب :
-أنتي عارفة بقالك اد إية بعيده عن حضني يا حوريتي
هزت حور رأسها وقالت بخجل :
-جاسر بصراحة أنا كمان حضنك وحشني قوي
ضمها جاسر في حضنة ، فمسكت حور يد جاسر فتألم و ظهر علي وجه علامات الالم :
رفعت حور عينيها في عين جاسر و قالت مستفهمة؛ -صحيح ايدك مالها؟ أنا كل ما اجي اسألك الباب يخبط
ضحك جاسر و قال ::
بس يجعل كلامنا خفيف عليهم
- عادت حور سؤالها وقالت:
لا صحيح هو ايه اللي عورلك ايدك
جاسر: اي حاجة لأجل عيونك تهون انا عورت نفسي
حور بخوف عليه : ليه يا جاسر
جاسر بصعيدي : مخبراش ليه عورت نفسي يا نن عيوني
حور ركزت شويا ثم احمر وجهها بشده وقالت:
-اممم علشان كده الناس مشت امبارح ،،،، جاسر انت حد جميل قوي انا مش عارفه اقولك ايه انا انا بحبك
جاسر قام من مكانه:
-انتي قولتي ايه يا حور انتي .. قوليها تاني عاوز اسمعها كتير انتي ايه .
حور: بحبك ب ح ب ك وعمري ما حبيت حد قبلك ولا ححب حد بعدك .
جاسر : شلها ولف بيها غرفة كلها وانا كمان عاوز اخبيكي جوا قلبي علشان محدش يشوفك غيري .
وكاالعاده لازم متكملش لحظات الرومانسيه دق باب الغرفة
جاسر : يقطع الباب و اللي ركبو الباب إذا كنت واخد الجناح بعيد عن القصر كله اروح بيكي فين اطلع القمر
ضحكت حور علي كلامه .
فتح جاسر الباب و كانت خديجة تحمل طعام الغداء .
جاسر : شكرا يا خديجة بس مش عاوز حد يزعجني خالص متخليش حد يطلع الجناح هنا
ابتسمت خديجة في خجل :
قفل جاسر باب الغرفه ودخل حامل صنية الطعام
حور : الله الاكل جه انا جعانه خالص كانت حور ماسكة جيسي القطة بتاعتها وبتكلمها.
وقف جاسر ينظر لها وقال ضاحكا:
طايب  ايه حضرتك اعدي عليكي بكرة تكوني اكلتي انتي و القطة.
حور : ههه هههههههههههه لا تعالي يا جاسر دي جيسي بتحب الناس خالص .
جاسر بتعجب:
- لا والله و انا المفروض استحمل القطة و صاحبتها
. حور خرجي القطة دي برا بدل مرتكب جنايا انهارده
خرجت حور القطة خارج  الغرفة و هي غاضبة :
جاسر بحب :
- خلاص بقي يا حور تعالي ناكل وجلست حور بجانب وبدأ جاسر يطعمها في فمها .
حور بحب شديد : جاسر انت مبسوط معايا
جاسر باهتمام : بتسألي ليه السؤال ده .
حور : علشان يعني انت كنت مغصوب علي الجوازه
علشان خاطر الورث وكده
ضحك جاسر حتي أدمعت عيناه ..
- انتي لسة متعرفنيش يا حور . انا اللي عملت الامبراطوريه دي كلها وقادر اعمل زيها صحيح جدتي ماسكة كل حاجة بس انا اللي تعبت و اشتغلت لحد موصلت الشغل في مستوي ده تفتكري واحد كون امبراطوريه مش هيقدر يبداء من اول وجديد،، انا محدش يقدر يجبرني علي حاجة . انا لو مكنتش عاوزك لو كنوز الدنيا مكنتش هتجوزك .
دي خالتي دهب بضعفها كانت لوحدها ووقفت قدام جدتي و اتحدت الكل وسابت كل حاجة وراها و دافعت عن حبها ،،، متعرفيش انا اد ايه بحب خالتي دي وبحترمها جدااااا .. هي صحيح هي وجوزها مستواهم مش قد كده بس عندهم عزت نفس كبيرة قوي رافضين اي مساعده مني مع أن ده حق خالتي .. بس انا اقنعتها أن مها ده حقها ولازم تاخده .. حاجي انا يا راجل اتجوز غصب علشان شوية فلوس