الفصل الثالث عشر
في صباح اليوم التالي .
استيقظت حور وجاسر علي صوت رنين هاتف جاسر .
جاسر بصوت نعاس : انت اهبل يا بني انا لسة عريس شغل اية الي هنزلو وقفل بدل ماجي اطين عشتك.
قفل جاسر التليفون
جاسر : صباح الخير علي اجمل بنوته في عالم
حور : صباح النور يا حبيبي
جاسر : ها بقي ناوية تعملي ايه انهاره
حور : اول حاجة لازم تنزل اطمن علي جدتك واقيس لها ضغط
جاسر : وهو يحضنها وبعدين باقي اليوم بتاعي انا
اية رايك اخدك افرجك علي الحصان بتاعي
اتعدلت حور في جلستها وقالت بمرح : لا لا متقولش انت عندك حصان الله انا بعشق الخيل و الحيوانات كلها .
ابتسم جاسىر علي طفولتها وقال: للدرجه دي مجرد زيارة الاسطبل تفرحك أوي كده.
حور : جاسر انا اساسا مهووسه بالحيوانات نص خناقي مع ماما القطط بتاعتي و عصافيري و رمبو .
جاسر بتعجب : يطلع بقي مين سي رامبو ده ؟؟.
حور : اده أنت متعرفش مين رامبو . رامبو ده اجمل سلحفاه تشوفها
جاسر: سلحفاه يا حور طايب و حيات والدك قومي خوشي الحمام بدل ما رجع في كلامه
قامت حور وقفت علي سرير وايدها في وسطها ،
وقالت : ياسلام مين اللي يرجع في كلامه ده
جاسر كان معلقا عينه عليها وهو يبتسم :
حور: انت متنح كده ليه هه .. جاسر في ايه فجاءة شهقت و جرت علي الحمام ...
ضحك جاسر وقال : البت دي مجنونه طفله انا اتجوزت عيله صغيرة ،،،
دخلت حور الحمام بعد أن أدركت أنها لم ترتدي ملابس غير ملابس داخليه فقط ،،
أخدت شاور وطلعت مكسوفه ،،
جاسر : وبعدين بقي ياست البنات محنا قلنا أننا واحد صح
حور : بكسوف صح
جاسر : طايب يلا بقي بلاش كسل البسي علشان نلحق النهار من أوله
نزلت حور وجاسر وجد الجميع متجمع علي الفطار نظرت لهم داليا نظرة حقد و هما ينزلان وقد أمسكت أيديهما
جلس جاسر و بجانبه حور :
جاسر: كيفك يا جدتي عاملة ايه انهارده
الجدة : الحمد لله يا ولدي صحتي كويسه.
حور : أن شاله دايما . أن شاء الله بعد الفطار عاوزة اقسلك الضغط و نطمن علي السكر
داليا بغل: و جاية علي نفسك ليه دلوق ما اختي بالك أن جاية هنا اساسا علشان جدتي ولا خلاص اخدتي اللي كنتي عوزاه .
جاسر : داااليا انا زهقت هو كل يوم قصة متعرفيش تعدي يوم من غير قرف .. ثم نظر لحور .
جاسر : حور بعد متخلصي مع جدتي تعالي علي مكتب علشان نخرج.. ثم والقي نظرة غضب علي داليا و هو خارج
حور : يلا يا جدتي علشان اكشف عليكي و اديكي الدوا
الجده : حاضر يا بنتي يلا بينا
ذهبت حور مع الجدة
الجده : اية يا حور جاسر عامل معاكي اية يابنتي
حور : الحمدلله كويسين مع بعض
الجده بخبث : قوليلي يا حور هو جاسر تمم جوازكم .. متزعليش مني يابنتي اصل حكاية المنديل دي مدخلتش عليا .. انا شعري شاب يا حور و فاهمة كل حاجة بتحصل حواليا و شخصية زي شخصيتك عنيده و جاسر كمان عنيد استحالة تكونو رضيتو بالأمر الواقع من اول يوم .. صح كلامي ..
حورمبتسمة : حور للجده وقالت انتي صحتك بقت تمام. و الحمد لله . الضغط مظبوط و السكر كمان تمام .
الجده : بتغيري كلام يا حور ماشي بس عاوزاكي تعرفي أن معزتك عندي كبيرة قوي لو احتاجتي اي حاجة تعالي علي طول ..
حور : حاضر يا جدتي اسيبك علشان جاسر مستني هيفرجني علي الحصان بتاعة
ابتسمت الجده : رايحين الإسطبل هتتبسطي هناك قوي
وبعد أن فرغت حور من الجده ذهبت لجاسر
جاسر : اية ياست البنات خلصتي
حور : اه يا حبيبي خلاص يلا بينا
جاسر بمكر : يلا فين
حور : يووة انت غيرت رايك
جاسر : ليه هو احنا كنا متفقين نخرج
حور: جاسر
جاسر : ياقلب جاسر من جوا تعالي في حضني وشدها ليه ، يعني هو انا اقدر انسي حاجة قتلها لقلبي طبعا لا يلا بينا بس لازم اخد بوسة الأول طبعا
حور / هو مافيش حاجة ببلاش
جاسر : لا طبعا و حقي بحب اخده اول باول ثم طبع قبلة علي شفتيها ..
دخلت عليهم داليا دون استئذان
ابعد جاسر حور عنه ثم قال:
-هو ينفع حد يدخل كده من غير استئذان
داليا بحقد :
- وانا كمان معرفش أنهم نقلو اوضة النوم في المكتب
جاسر:
- انتي قليلة اداب و عاوزه تتربي
حور وهي تحتضن يد جاسر:
- خلاص يا جاسر سبها خلينا نشوف ورانا ايه
داليا: لا واللهي فيكي الخير المهم كنت عاوزة موبايلك شوية يا واد عمي موبايلي فاصل و الشحن بايظ. عاوزة اكلم ملك صاحبتي علشان عاوزها تدلي معايا السوق
جاسر بزهق: خودي خلصينا وبطلي زن . وبعد متخلصي حطية عندك في مكتب انا خرج مع حور.
داليا :ضحكت بخبث ربنا يخليك ليا ياواد عمي
خرج جاسر مع حور وذهبا الإسطبل حور اول ماشافت الخيول تركت يد جاسر وجرت عليهم كأنها لقت كنزد
جاسر جرا مسك أيدها .. وقال في اية براحة شوية يا حور
حور: بصراحة مش قادرة جمال خالص يا جاسر اسمايهم ايه .
جاسر بداء يعرفها علي اسماء الحصنا كلها وجه علي مهره صغير .. وقال : ده بقي لسة مولوده ملهاش اسم بس انا سمتها خلاص .اسمها حور
حور بفرحة : بجد هتسميها حور ..
جاسر وانا عندي اعز من حور
جلست حور نلعب مع المهره وجاسر متابعتها من بعيد وعلي وجه ابتسامة رضا
وفي القصر داليا طلعت من موبايل جاسر رقم فادي و ذهبت لغرفتها واتصلت بيه
داليا : السلام عليكم دكتور فادي
فادي: ايوا مين معايا
داليا : انا داليا بت عم جاسىر فاكرني
فادي: ايوة افتكرتك اهلا وسهلا خير في خدمة اقدر اقدمهالك .
داليا : ايوا اناعاوزة اجايلك علشان عاوزاك في موضع مهم
فادي : تمام بس هشوفك فين انا مش هعرف اسافر الصعيد دلوقتي .
داليا : ولا يهمك انا هدلي مصر و اجايلك
فادي : ياااه هو الموضوع مهم كده علشان تنزلي من الصعيد مخصوص
داليا : مهم جدااا
فادي: طايب قولي بخصوص ايه انا كده قلقت
داليا: كل خير بكرة ام شاء الله هكون عندك اول منزل محطة القطار اشوفك في محطة علشان نتكلم وهركب القطر ارجع تاني .
فادي: تمام
دخل جاسر و حور إلى حناحهما .
حور : اااه أما تعبت خالص انهارده و جعانه جدااااااا
جاسر:وانا كمان جعان جدااااااا وغمز لحور
حور : هو انت مبتشبعش
جاسر : لا طبعا أشبع ايه انتي عاملة زي مايه البحر كل ما اشرب اعطش.
وضم حور وذهبا في عالم خاص بهما ، عندما يتكلم الحب تصمت قوانين الحياة .
استيقظ جاسر صباح اليوم الثاني وأيقظ حور
جاسر : حور حور. يلا بقي كفايا كسل
حور بكسل : خلاص صحيت يا جاسر
جاسر : يلا بقي علشان انا نزل الشغل انهارده عندي شغل كتير متعطل .
حور: جاسر كنت عاوزة اكلمك في موضوع
جاسر وهو يحضن حور: خير يا ست البنات
حور: انا عاوزه اشتغل مش معقول اكون دكتورة وقاعده في البيت أنا بزهق كتير ...
جاسر: ما انتي بتتسلي مع مها.
حور: مها مش بتيجي كتير و عندها كليتها يعني مش فاضيه .. هو في ايه يا جاسر لو اشتغلت .
جاسر: مافيهاش حاجة. بس افرضي جبنا نونو
حور: يااه ياجاسر احنا فين ولما نجيب بيبي فين
جاسر : لا انا مليش دعوة انا بقولك من دلوقتي انا عاوز فريق كرة انا اتربيت وحيد فعاوز عزوة .
حور : ماشي يا جاسر اشتغل لحد منجيب البيبي
جاسر : وكلام ست البنات اوامر هنزل القرية اكلم مدير المستشفى هناك و ابداءي شغل ياقلب جاسر
حور: قبلت جاسر وحضنته وقالت بحب :
-ربنا يخليك ليا يا اجمل جاسر في الدنيا.
تطلع جاسر لساعته وقال :
- يلا بقي علشان اتاخرت وعاوز اقولك انا شغلي دائما بيخليني انزل مصر كتير .. انا راجل اعمال و شغلي بين مصر و الصعيد و ساعات بقعد في مصر اسبوع
انتي كده بشغلك مش هتعرفي تسافري معايا.
حور : انا عارفه طبيعة شغلك يا جاسر .. وانا كمان بحب شغلي قوي .
في محطة القطار تقابلت داليا بفادي
د.فادي : خير يا انسة داليا. .. ايه الموضوع المهم بقي اللي يخليكي تنزلي من الصعيد مخصوص .
داليا: متهيجلي انت عارف الموضوع.. وعلشان كده انت جيت
فادي: انتي قاصدك حور صح .
داليا : صوح انا عاوزها تخرج من الجصر خالص علشان انا المفروض اللي كنت في مكانها مش هيا ..جت زي الجضه المستعجل اخدت كل حاجة ..
فادي : وانا كمان عاوز حور . انا لما بعتها الصعيد قلت أبعدها فتره لحد ما اخد البعثة , من مدير المستشفى و الترقيه و بعدين كنت حاسيبله بنته وارجع لحور .. لكن المش متوقع ان حور تتجوز جاسر بعد اللي قلته لجاسر عن حور ..
داليابخبث ومكر :حور دي واعره خالص و تجدر تلف اي راجل .. دا جاسر بجلاله جدره ما اختش في أيدها غلوة .. فاجره .
فادي : طايب انتي دماغك فيها ايه
داليا : مش عارفة لسة عاد انا جلت اقابلك و اشوفك معايا ولا لع و بعضين نتفق هنعمل ايه .
فادي خلاص سافري انتي علشان محدش ياخد باله و عاوزك تبلغيني أخبارها اول باول . وبعدين وشوف هنعمل ايه
داليا : تمام أكده سلام بجي
في القصر تجلس مها و حور
مها : ازيك يا حور وحشتيني
حور : وانتي كمان يومين ما اشوفكيش
مها: معلش يا بجي يا حور عمار كان مسافر وكنا لازم ايجي معاه و كان عندي محاضرات مهمة .
حور: سافر خلاص بسلامة و ناويتي علي ايه
مها: مخبراش لسة مستنية جاسر جال أنه هيتحدت معايا .. انهارده .. هو صحيح العجربه فين مبيناش من الصبح.
حور : معرفش احسن خلينا نرتاح منها شوية
مها: ربنا يستر شكلها بتخطط المصيبة
حور: سيبك منها مقلتلكيش علي اخر الاخبار مش انا هنزل شغل بكره
مها : بجد الف مبروووك اكيد في مستشفى القرية صوح
حور : لا عند السباك اللي جمب مستشفي
دخل جاسر عليهم .
جاسر :اهلا بالمفعوصة . انتي هنا من امتي
مها: من شوية
جاسر طايب كويس علشان عاوز اتكلم معاكي
حور : أسبكم تتكلمو براحتكم
مسك جاسر ايد حور اقعدي ياست البنات مافيش حاجة تتخبي عليكي
ابتسمت حور ثم جلست
جاسر : احكيلي بقي يا مها حكايتك اية براحة ومن غير ما تخبي عني اي حاجة .مها ، بارتباك اصل ، انا اتعرفت علي عمار من فترة و بصراحة . انا
جاسر قاطعها : حبتيه صح
احمر وجه مها .وهزت راسها .. اه يا جاسر حبيته انا عارفه أن كلام ده مينفعش يتقال وخصوصا في مجتمعاتنا اللي مش معترف بحاجة خالص بس انا حبيته يا جاسر . وعمار حد مليح ما شفتش منه اي حاجة عفشة.
جاسر:
من غير. ما تقولي انا سألت عنه وعارف عنه كل حاجة .. عمار مهندس و بيجي هنا علشان أخته .. ولية مستقبل كويس و العقد اللي جاله في الغردقه ده من أكبر شركات الهندسه و المعمار وليها مستقبل ممتاز
بس المشكله دلوقتي . في جدتك انا عارف دمغها كويس
مها : ماما بردو جالتي أكده ،، بس انا مش هوجف حياتي علي حد . ده مستجبلي و حياتي وانا اللي هعيشها مش حد تاني .انا هعمل اللي عليا و اخلص سنه الكليه و هجولها.. ردت كان بيها مرضتش محدش يزعل مني يا واد خالتي ..
جاسر : متجلجيش يا مها انا معاكي في أي خطوة حتاخديها .
مها/ ربنا يخليك ليا يا جاسر
حور كانت تنظر لجاسر نظرات اعجاب و حب
رفع جاسر عينه عليها مالك يا ست البنات بص عليا كده ليه ..
حور : انت حد حلو قوي يا جاسر انا بحبك قوي
جاسر : عيون جاسر وقلب جاسر وعشق جاسر
مها: احم احم نحن هنا
جاسر: بت انتي ايه اللي مقعدك لحد دلوقتي مش قلتي اللي عاوزه يلا غوري علي بيتكم بدل ما اغير رأيي
مها : وعلي ايه أنا هروح الطيب احسن ،،يا داخل بين البصله وجشرتها ماينوبك الا .. ولسة هتكمل جرا جاسر وراءها و هي جرت إلى الخارج .
جاسر : ماشي يا كلبه مش سايبك ثم شارو لحور و انتي تعالي هنا ..
حور ؛ نعم يا جاسر
جاسر تعالي هنا و شاور علي حضنه .. جرت حور مسرعة إلى أحضانه وقد تناست العالم كله .
وكانت عينان حقودتان ترتقبهم عن قرب .
مضي اسبوع ونزلت حور الشغل و كانت مبسوطة جداا لأن بتحب شغلها .
وبعد يومين اتصل فادي بداليا
فادي : انا عرفت هنعمل ايه
داليا:ها جول بسرعة هنعمل ايه
فادي :المهم انا عاوز اقبلك ضروري و لازم تسمعي كل اللي هقولك عليه مش عاوز غلط .
داليا: ماشي اتفجنا هتدلي بكره مصر
أنت تقرأ
صعيدي ولكن عاشق بقلم نرمين قدري
Paranormalهي فتاه طبيبة من عائلة ثرية تهرب من جحيم حب خادع لجحيم عشق الصعيدي هو شاب وسيم من أكبر عائلات الصعيد هو كبير العائلة قاسي حاد الطباع كمثل أهل الصعيد ولكن له قلب عاشق يعشقها بكل جوارحه القلب❤.. مجرد عضلة ،، ولكنّه عاصمة كلّ شيء جميل .. الحبّ ..الد...
