صعيدي ولكن عاشق بقلم نرمين قدري

الفصل الثامن

الفصل الثامن

جلست حور بجانب الجدة وقبلت رأسها فقامت الجدة وقدمت لحور علبه قطيفة لونها أحمر ، ففتحت حور العلبة وكانت عبارة عن طقم الماس حر يعجز الإنسان عن وصف جماله ، فأعجبت حور إعجابا شديدا بهدية الجدة .
وقف جاسر ينظر إليها ثم تقدم منها وسط ذهول النساء لأن هذا مخالف لعاداتهم ثم طبع قبله علي جبينها وأخرج من جيبه علبة قطيفة فيها خاتم زواج من الماس .
وسط شهقات النساء فيهم الحاقدة و فيهم المبهورةو فيهم السعيدة .
ثم أمسك يد حور ووضع الخاتم في إصبعها وقبل يدها
فكادت داليا أن تفقد عقلها بسبب ما فعله ثم أسرعت تقول:
اباااااي عليك يا ود عمي هو ينفع اجده انت ايه داخلك. وسط الحريم عاد و لا مجدرش علي فراج السنيورة نظرإليها جاسر نظرة كفيلة بإخراسها .
ثم التفت إلى حور وأمسك يدها وقال بصوت عال:
- أهلا بيكي في عيلة الأنصاري ، ثم أكمل يا جماعة دكتورة حور تبقي مراتي وطبعا عارفين يعني ايه مراتي يعني مرات كبير النجع كله و اللي يمسها بسوء همحي و هعتبر أن متخلقه من أصله.
تعالت زغاريد الحريم ثم تركها وخرج وسط الرجال ليبداء بلتحطيب كالعادة من عادات الأفراح في الصعيد .
انتهي اليوم دون مشاكل و الكل ذهب كي ينام ، وذهبت حور لجناحها لكي ترتاح من هذا اليوم الطويل وفور أن دخلت وقفت أمام المرآة تتطلع علي شكلها و تلف حول نفسها معجبة بفستانها. وإذ بها تشهق لقد كان أحد يجلس علي الكرسي بجانب السرير .
حور بغضب شديد : إنت مين سمحلك تدخل هنا .
جاسر : ببرود متناه و دون أن يرفع عينه عن موبايل
انا أدخل في الحتة اللي تعجبني في الوقت اللي يعجبني و متنسيش انك مراتي يعني ادخل في أي حتة تخصك ومن غير استئذان .
حور بسخرية :
ااااه مراتك بقولك ايه متفوق بقي من الوهم ده خلاص كتب كتاب انكتب و ضمنت ورثك فكك مني بقي كام يوم ونطلق و انسي انك عرفتني أصلا .
قام جاسر واقفا : فيه دكتورة محترمة تقول فكك ما علينا بصي بقي يا بت الناس انا خلاص بقيت جوزك سواء وافقتي ولا موافقتيش ، خلاص ده بقى واقع ولازم تعودي نفسك علي كده انا الي مصبرني عليكي أن معملناش لسة دخلة بس بعد الفرح يكون في معلومك ان هتتنقلي الجناح بتاعي فا ابدأي من دلوقتي حضري حاجتك ولا بلاش انا مش عاوز حاجة من هدومك دي خليها انا هجبلك غيرهم علي مزاجي .
حور : جاسر انت سقف طموحاتم عالي لية اهدي كدة وخلينا نتفاهم بالعقل...
جاسر : قطع كلامها بقولك اية انا مبحبش أعيد كلامي مرتين انا اللي حقوله هيمشي ولازم كل حد يشوفنا يقتنع أننا اسعد اتنين خلقهم ربنا .. انتي لسة مشفتيش وشي التاني .
ضحكت حور وقالت : ايه حتضربني تاني ،، في اكتر من كده انا لسة مشفتهوش لا متقلقش انت خلاص فرجتني وبزياده كمان انت خليت ابويا مد ايده عليا لأول مرة في حياته بس اذا كان ابويا عمل كده قدامكم  فأنت ما علكش غلط تعمل الأسؤ من كده

شعر جاسر بعمق حزنها ولكنه تعمد تجاهلها  لكي يوقظ القطة الشرسة بداخلها وقال : اه عندي الاسؤ في ولو تحبي اوريكي جزء صغير معنديش مشكله .
وقد نجح فعلا في ايقاظها
قالت حوربغضب  : الي متعرفهوش عني اني مابخفش و اذا كنت سكتلك لما مديت ايدك عليا ده مش ضعف مني بس انا مش هعدهالك ولا هسمحلك تكررها تاني .
أمسك جاسر يد حور وقال :
- لازم تخافي يا حور لازم علشان اللي راح حاجة و اللي جاي حاجة تانية خالص أنا كابوسك من هنا ورايح .. وزقها علي السرير و بداء يتقرب منها
حوربزعر  :
-جاسر ابعد أحسلك ابعد احسن اقسم بالله هصوت وانت المسؤول عن اللي هيحصل
جاسر :
ايه يا عم الشبح مش قولتي ما بتخفيش انا مش هبعد و عاوزك تصوتي زي مانتي عاوزة هاتي اخرك
وراح يتقرب حتي أصبح ملاصق لها و بداء يضع قبلات متفرقه علي رقبتها ...
حور : جاسر عيب كده بطل قلة أدب ابعد بقي
جاسر / هو انا لسة عملت قلة ادب .. اصبري قلت. الادب مش دلوقتي هأجلها لبعد الفرح ثم طبع قبلة طويلة على شفتيها كأنها اعتذار علي ما بدر منه . ثم حضنها وقال بصوت حنون ..
- حقك عليا انا عارف اني النهارده زودتها معاكي ، مكنش ينفع اعمل كده و انهارده بالذات ده اليوم اللي أي بنت بتتمناه بس انتي بتخرجيني عن شعوري . ‏
يا حور إنتي شبه حتة الماس مينفعش اي حد يشوفها ثم قال تصبحي علي خير وتركها وخرج ، وهي مازالت في حالة ذهول مما حدث .
في صباح اليوم التالي استيقظت حور و اتصلت بمها
حور : صباح الخير يا مها
مها: يسعد صباحك يا اجمل عروسه في نجع كلاته
حور : مها انا عاوز اطلب منك طلب ممكن ننزل نشتري هدوم ليا .
مها : من عنيا ياست البنات هعدي عليكي بلعربية و ندله نچبلك كل اللي نفساتك فيه ..
حور:' بس انا عاوزة حاجة تاني وبصراحة مكسوفه منك قوي
مها : خير ياحور هزعل منيكي عاد جولي على طول .
حور : بصراحة كنت عاوزه طقم من عندك انزل بيه علشان اشتري هدوم اصل كل هدومي متنفعش ألبسها وانتي عارفه جاسر بصراحة مش عاوزة مشاكل معاه عاوزة اعدي ال كام يوم اللي قاعدهم هنا في هدوء خلاص معنديش مقاومة الجدال تعبت و زهقت .
مها: لع معلهش مش فاهمة عاد يعني ايه الكام يوم . هو انتي مش اتجوزتي جاسر عشية ولا انا بيتهيجلي
حور : اه اتجوزته بس مش ناوية اكمل
مها بخضة  : ايه كيف يعني ؟
حور : حفضل شوية لحد ما الأمور تهدأ كده وبعدين هطلق
مها : جاسر عنده خبر بحديت ده
حور: لا طبعا انا امبارح حاولت افهموا بس هو معطانيش فرصة
مها : استهدي بالله كده وانا ساعة واكون عنديكي
دق باب الحجرة فقالت حور : ادخل
دخلت خديجة : ست الدكتورة الكل مستيكي علي الفطور
حور : حاضر يا خديجة نزله اهو
نزلت حور لقيت الكل قاعد علي الطعام بما فيهم والدها .
ألقت عليهم تحية الصباح  دون أن تنظر لأحد منهم ثم ذهب لتجلس وجدت  داليا تجلس بجوار   جاسر .. تجاهلت الموقف وذهبت تجلس جوار  والدها
قالت الجدة بحده : داليا جومي فزي من أهنه عاد معارفش أن الواحدة بتجعد جار جوزها جومي و جعدي حور مكانك
داليا: بغيظ حاضر يا جدتي
هجوم اه ....قامت وهي تنظر  لحور نظرات حقد وكره ..
كل ذاك وجاسر يجلس يتناول طعامه ولم يرفع عينه من علي الطعام وكان الأمر لا يعنيه
جلست حور بهدوء تاكل دون النظر إليه
قالت الجدة ،/ اية ياحور مافيش معرفة مجتيش تصبحي عليا و تقسيلي الضغط زي كل يوم لية ولا خلاص بقيتي مرات حفيدي مش دكتورتي
حور : ابدا واللهي يا مدام فضيلة انا صحيت متأخر
الجده: اية مدام فضيلة دي من هنا ورايح تقوليلي ماما الحاجة أو يا جدتي زي جاسر ما بيقولي .
رفع جاسر عينية اتجاها وقال بغضب:
-  انتي ازاي مرحوتشي عند جدتي الصبح هو انتي نسيتي شغلك ولا ايه .  اهم حاجه عندي هي صحت جدتي . واي حاجة تانية متهمتيش انتي هنا علشنها وبس 
اتحرجت  حور واحمر وجهها ولما همت بالرد قاطعتها الجدة :
- خير ايه يا ولدي انا بعكسها بس علشان اتعود كل يوم اصطبح علي الوجه القمر ده..
جاسر بغضب:
معلش يا جده  انا مبحبش حد يدخل بيني وبين مراتي اللي اقول عليه تسمعة بدون نقاش ، حضرتك طلبتي مني اتجوزها ،، وتجوزتها الباقي ده بتاعي انا ٠
اشتدت حمرت وجه  حور  ثم قامت واقفة  :
انا شبعت عن اذنكم .
الجده : يا بنتي انتي مكلتيش حاجة خالص .
قالت حور والدموع في عينيها :
-  شكرا يا جدتي انا شبعت ثم  نظر لوالدها الذي لم ينطق بأي كلمة أو للدفاع عنها من بابا الكدب حتي ..
صعدت إلى جناحها و الدموع في عينيها ، وبعد فترة قليلة سمعت طرق الباب ، ودخلت مها ،،،
مها: صباح العسل علي العسل خدي خلجات دي وجومي غيري خلينا نخرج..
هزت حور راسها بحزن وقامت
وبدلت ملابسها و لبست فستان ازرق طويل و بكم و لمت شعرها لأعلي علي هيئة ذيل حصان و لبست حذاء رياضي .
حور : انا جهزة يلا يا مها
مها: وه وه اده كله ايه الچمال ده كل حاچة تلبسيها ليجه عليكي
حور : شكرا يا مها عيونك انتي حلوين يلا بينا
خرجت حور ومها دون أن تخبر حور جاسر أنها خارجة نزلو علي قرية قريبة و إشترو كل احتياجاتهم ثم جلسوا  يشربون قهوة برفقت عمار الذي عرف بمجأهم و أخدها فرصة يقابل مها .
ثم اقترحت مها علي حور أن تأخذها معاها تعرفها علي امها سعدت حور جداا ووافقت في الحال .
ذهب كل من مها وحور إلى بيت دهب خالة جاسىر
دهب : اهلا بيكي يا مرت الغالي كيفك
حور : اهلا بيكي يا طنط انا كان نفسي اشوفك من زمان من كلام مها عنك