صعيدي ولكن عاشق بقلم نرمين قدري

الفصل الثامن والعشرين

الفصل الثامن والعشرين والاخير
فتح الباب ودخلت مها
قال جاسر بتأفف:
- الله يحرقك ياشيخة عاوزة ايه
ضحكت مها وقالت :
- يووة يعني سايبين الناس تحت ونازلين حب تعالي انزل عمك مولع الدنيا تحت وجايب ولاد اعمامك كلتهم شكلهم جاين يحرروا فلسطين

حور بضحك : ( انتي كارثه ماشية علي الارض)
جاسر وارتسمت علي وجه الجدية:
- وعمي ايه اللي جابو مش انا قلت يسافر الصعيد شكله مش ناوي يجبها لبر انا زهقت بقي ..جابوا لنفسه هو اللي مصمم محيترمش سنه
نزل جاسر مستند علي حور وعلي وجه علامات الغضب
شهقت حور من المنظر
وجدت الكثير من النساء مرتدين اللون الاسود مغطين وجهم ورجال كتير ماسكين نببابيت و مرتدين الزي الصعيدي
ظهر علامات القلق علي وجه حور وقالت :
-جاسر هي الحرب قامت عندنا هنا ولا ايه
جري كلا من أسر وآسيل علي حور قائلين:
-ماما احنا خايفين قوي مين دول
حور بصوت خائف
:إذا كان انا كمان خايفة.
نزل. جاسر،و اتجه ناحية خاله و قال بحزم:
-خير يا خالي فريد ليه الجمع ده كله أنا مش قلتلك ادله الصعيد انا بجيت زين.
نظر له فريد نظرة استهزاء و قال :
- انا ازاي هأمن عليك مع الحيه مراتك دي
صاح جاسر بصوت رج أنحاء المكان:
- خااااالي انا محترمك بس علشان في مقام أبويا لكن تغلط في مراتي لأ ومراتي خط أحمر .
وانت جامع الرجالة دول كلهم ليه انا مش فاهم
قال فريد.بعجرفته المعروفه:
-انا مجمعهم دلوق علشان نشوف حل ليك و العار اللي ركبك من بنت البندر
القاعده كان فيها كل كبار عيلة الانصاري
قال كبيرهم و هو ينظر لجاسر :
- استهدي بالله أكده ياجاسر ولدي واسمع الكلام عاد
دلوق مرتك هربت وسابتك ودي في عرفنا ميته دلوقتي تمسك السلاح و طوخها علشان تبقي عبرة وكمان المفروض انت تتجوز بنت عمك أو خالك حسب العرف بس انت اخليت بالعادات والتقاليد بتاعتنا عاد يا واد عمي
المعروف أن البنت لود عمها
بس انت اخترت بنت البندر الفاجره اللي لطخت اسمك في التراب يا ولدي و انت معترضاش بكده واصل
علي بنت خالك فريد اللي مفروض انت أولي بيها
الاصول دلوق تتجوز من بنت خالك
قال فريد ساخرا :
لع وكمان السنيورة خلفت طايب خلفت كيف بالاسلكي عاد ههه وجوزها كان مسافر أو بالمراسله..

جاسر والشرر يتطاير. من عينة ونسي أنه به جرح لم يلتئم بعد وماسك خاله من خلجاته:
-كلمة كمان وهعتبر ربنا ماخلقك من أساسة ومش هبص لاي اعتبارات وحنسي انك خالي عاد ..ولما الكبير ما يحترمش سنه ميزعلش بقا لما الصغير يقل منه وانت اتعديت كل الاحترام
دخلت دهب في وسطهم وكان لها هيبة مثل أمها فضيلة
وقفت أمام فريد فقام جاسر بإنزال يده من علي خاله .
وبدون مقدمات رفعت دهب بيدها ونزلت بها علي وجه فريد وقالت بحزم:
-ده علشان تحترم البيت اللي انت فيه راحت نزلة بلقلم التاني مع شهقات كل الموجودين
- وده علشان تعرف تتكلم علي شرف واد اختي زين ..
ثم مشت ووقفت وسط الرجال
وقالت بصوت أجش عالي:
- انا الحاجة دهب واظن كلاتكم خابرين زين مين هي الحاجة دهب انا اللي سبت كل ورث أبويا ورا ضهري ومهامنيش حاجة عاد يعني انا بميت راجل وجاية دلوق اعرف الرجولة للمبيعرفهاش
فريد بيقول أنه جاسر سافر و ترك مرته هربانه
اولا. حد سال نفسة جاسر ساب بيته و مراته وكل حاجة وسافر ليه
جاسر سافر علشان عيله الانصاري نفضل زي ماهي عيلة الأنصاري كبيرة النجع كله علشان يحافظ علي كل فلوسها في الوقت اللي كان فيه فريد جاعد بيضيع الفلوس هنا وهناك
فريد اللي باع لحمة علشان شوية جرشنات
بنت خال جاسر يا حاج منصور اللي بتقول المفروض أنه يتجوزعا عاد دي عجربه كبيرة هي اللي وجعت جاسر مع مرته ولسة ابوها ليه عين يبجح
نيجي بجي عاد علي هروب مرته ..
مرته مهربتش مرته كانت جاعدة اهنه مع مها بنتي معززه مكرمة علشان كانت حبله وخافت علي في بطنها من داليا وشرها
غير كده ان حور مش غريبه كيف ما جلت ياحاج منصور حور تبقي بنت حياة خيتي والكل لازم يعرف ان حور تملك نص ثروة جاسر وبكلمة منها تنهي حضراتكم كلكم وبكلمة منها دلوق الاي ظابط هياخدكم كلكم علي قسم لأننا جاعدين في بيتها . ومتهيجلي دلوق ملهاش عازة اللمه الكدابه دي و تدلو وعلي البلد عاد وخدو خيال المجاته ده معاكم علشان ملهوش عازة عندنا خليه يجعد جار بنته اللي باعها . وبعدين ياجي يتكلم علي الولاية كيف ماهو رايد يبص علي خيبته الأول.
ذهب كل ما في البيت
وبقي جاسر وعيلته بس
قالت حور وهي تنظر الاولادها :
يلا بقا ياأولاد الكل يبوس بابا ويقوله تصبح علي خير
قالت أسيل بدلع :
-تصبح على خير يا ببتي
احتضنها جاسر وانتي من اهل ياعصفورة جلبي من جوا
قال أسر :
وانا اية يابابتي
ضحكت جاسر وقال :
- لأ انت سبع معندناش رجالة عصافير أنت ا سد الرجال اللي بيخلي باله علي أخته حبيته اللي هياخدها ويطلع فوق ينامو حالا
الرحمة بقي مش عارف استفرد بحور
قال أسر مستفهما :
- هو يعني ايه تستفرد بمامي.
قال جاسر وعلي وجه شبه إبتسامة:
- يعني تطلع تنام دلوق جبل العرق الصعيدي يظهر وتبجي ليلتكم كلتها طين
جرت حور وهي بتضحك :
يلا ياولد عيب أجده ابوك عاد معيستحملش
أسر.يأستغراب:
-هو انتم بتتكلمو كده ليه انا طالع انا م احسن
جاسر مسك حور شدها لحضنة وقال بحنان :
-واخيرا اخيرا الكل مشي ياساتر يلا بقي علي فوق يا فرولة قلبي ياست البنات كلهم
حور استندت على جاسر وصعدوا لأعلى
وعندما دخلوا جذبها جاسر إلى حضنه ثم قال :
-ياااه علي الحضن ده واحشني قوي ثم التهم شفايفها بقبلة شوق ووجع و حنين قبلة طويلة كان كل واحد منهم يرمي ما في قلبه في تلك القبلة حتى شعروا أنهم بحاجة للنفس فضمها جاسر
جاسر بحب :
انا مش قادر ابعد عنك خالص ياحور
حور بهيام :
-ولا انا خلاص وانت بقيت روحي من جوا
واخدها في حضنه ونام .
وجاء اليوم الثاني واختفي جاسر طوال النهار
حور بغضب :
مها هو جاسر مقلش رايح فين
مها بضحك :
- لا لما انتي مراته و مش عارف أنا هعرف كيف
-خلاص انتي لما بتصدقي ياساتر حتي أسر حولت اكلمه واعرف هما فين معرفتش
- هو أسر ابنك معاه متقلقيش عاد بقا
- اه ياختي عمال بيقوله أنه بقا راجل ولازم يبقي معاه علي طول
مها بضحك :
-هههههههههههه ربنا يخليهولو يارب
دق جرس الهاتف :
حور بلهفة:
الو ايوه يا جاسر انت فين
جاسر :
أيوة حور انا في مشوار بقولك انا بعت أسر مع عمار جه ولاولسة
حور:
لا لسة مجاش
قطع كلامهم صوت رن جرس الباب
- خلاص يا جاسر شكله جه انت فين بقا
-بقول اية يا.حور سيبي العيال مع مها وتعالي عاوزك نشتري حاجة تعالي ع المارينا اللي علي البحر مستنيكي هناك
- ماشي يا جاسر مسافة الطريق بس
وأغلقت الهاتف
دخل أسر عليها وقال بمرح
-مامتي وحشتيني انا جيت
حور في لهفة :
-أسر انتم كنتم فين
آسر: كنت في مشوار مع بابي
-يووه شبه أبوك الواحد ميعرفش ياخد منك كلمة
ثم التفت لمها تقول لها:
-مها انا لازم امشي جاسر مستني عاوز يشتري حاجة هروح معاه وانتي خدي العيال عندك
مها بفرح :
-ابااي دي امي هتفرح بيهم قوي
- طيب يلا سلام علشان متاخرش
وسارت حور وذهبت إلى المكان الذي وصفه جاسر فوجدته في انتظارها .
حور بلهفة :
- خير في ايه يا جاسر
جاسر لم يعطها فرصة للكلام جذبها من يدها علي يخت كبير
ملئ بلالين وأنوار وورد في كل مكان دخلت حور إلى اليخت وقالت:
- واوووو اده يا جاسر روعه روعه بجد
- جاسر كل حاجة ترخص لست البنات
انزلي تحت حتلاقي فستان البسية وتعالي
لبست حور الفستان وكانت تشبه أميرات ديزني و كانت روعة وملكة جمال ثم صعدت بهذا الجمال إلى جاسر
أطلق صافرة اعجاب وقال:
- بسم الله مشاء الله ايه ياحور الجمال ده
وفجأة شهقت حور وقالت:
- جاسر اليخت ببتحرك احنا في وسط البحر
=عارف أننا في وسط البحر بصراحة خطفك في وسط البحر علشان ميكنش في باب حد يخبط عليه ودلوقتي اميرتي اسمحيلي تيجي
-‏أ مسك جاسرحور من يدها وصعد علي سطح اليخت ومن حولهم المياه من كل مكان وكان يوجد بالاعلى حمام سباحه مزين بالورود و البالونات علي شكل قلوب ثم
ذهب بهاا إلى اخر اليخت وكانت توجد منضدة عليها
ورد و اكل وعصير سحب الكرسي وقال:
+ اتفضلي يا ست البنات اقعدي.
حور مبهورة من جمال المكان وجمال المنظر وقالت :
- انا حاسة اني في رويات الف ليله وليله ايه جمال ده
بدأوا يتناولون الطعام ثم وقفت معا وقاما يرقصان على انغام الموسيقى الهادئة ثم حملها داخل صدرة بقوة وكأنها سوف تهرب .
جاسر وبصوت عالي وهو يحتضنها ويدور بها :
- بحبك بحبببببك يا اميرتي بحبببببك يا نبع المية الصافي يا شمس حياتي بحبك ياكل كياني وكل حته فيا .
وأخذ يقبل عنقها وشفتيها وينزل علي عنقها ثم غمز لها قائلا :
اميرتي انا خلاص استويت واحترقت والشياط والدخان شوية وهيملي المكان تعالي بقي طفي ناري علشان مش قادر ثم حملها فوق ذراعيه ونزل بها إلى الغرفة التي كان يوجد بها سرير مزين بالورود والشيكولاتة والبالونات والشموع كانت غرفة اسطوريه كما يقولون
حور:
الله الله عليك مش معقول الجمال ده
ضمها بشده وقال :
- انتي لسة شوفتي جمال اصبري علي نفسك بس
خشي الحمام محضراك هدوم قليلة الادب .وغمز لها فاكرة .
ضحكت حور واحمرت هو انت لسة قليل الادب
صاح جاسر:
- لا بقولك ايه انا بقالي تلات سنين مؤدب لما قلت.جااااي وانهاردة مصمم اني اطلع كل قلة الأدب اللي انا محوشها خشي بقي غيري علشان في قلةادب كتير مستنياكي
ضحكت حور وحضتنه ياقلبي من جوا بحبك
جاسر قلب صعيدي احنا هنجديها حديت عاد فزي يلا غيري خلاجاتك
ضحكت حور وقبلته وذهبت إلى الحمام فوجدت أنه قد أحضر لها قميص نوم احمر تحفة بلون شعرها
لبست حور وكأنها حورية نزلت من السماء
خرجت من الحمام بخجل فحمل على غير قصد منها
حور :.
جاسر اتخضيت
جاسر حطها علي السرير و قاعد يبوس في وشها وبقها وبدأ يتحسسها فذابت حور بين يديه وذهبا في عالم الأحلام وكأن انفاس العالم توقفت عندهم وغمرها بحب وحنان العالم .
و نتركهم بقي في عالمهم الوردي الساخن بالمشاعر الفياضة و الحب الصادق .

اقتباس

(ايوة بغير)

أيوة بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عندك .. عندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

هشام الجخ
تمت