🍂سندريلا فى بيتى🍂منى أحمد حافظ

🍂١٧🍂لن أعفو عنى🍂

#سندريلا_في_بيتى
*السابعة عشر*
لن أعفو عنى
🍂🍂🍂🍂🍂

جلس الجميع بالمشفى وقد أمتلئت نفوسهم بالخوف والقلق فمنذ أُبلغوا بحادث آنس ,لم تكف آلاء عن البكاء لشعورها بالذنب فلولا ما قامت بترتيبه ما كان شقيقها تغافل عن أمانه هكذا وعبر الطريق وهو بمثل تلك الحالة من عدم التركيز, حاول آسر ان يطمئنها ولكنها نظرت له بعينان يسكنهما الندم وقالت:

انا السبب يا آسر فاللى حصل لآنس بسبب تفكيرى وخطتى اللى حطتها انا انا مش عارفة ازاى فكرت اعاقب اخويا واخليه يوصل للحالة دى من الوجع وابقى فرحانة وانا شيفاه بيعانى وازود عليه انا مش هعرف اسامح نفسى ابدا يا آسر على اللى عملته.

ضمها آسر وهو يشعر بالندم لدفعه بشقيقه نحو الغيرة هو الاخر وحانت منه نظرة القاها على هنادى التى جلست أمامه بوجه خال من التعبير وعيون متجمدة ليزداد حزنه على شقيقه , وعلى الجانب الاخر وقف نبيل يحدق بها بحزن وغيرة لانها بين ذراعى آسر بدلا منه فزفر بحدة وادار وجه عنهما لتصطدم عيناه بعين شقيقته التى حدقت به باستنكار فرفع حاجبه وأقترب منها وقال بصوت هامس:

ممكن افهم معنى نظراتك دى ايه .

عبست بسمة فى وجهه اكثر وقالت:

انت عارف معناها كويس وسببها كمان وعموما يا آبية نبيل ماظنش ان المكان هنا مناسب انى اوضح لك اى حاجة احتراما لمشاعر آلاء وآسر ووالدهم وبعدين هو مش المفروض انك تبقى قاعد جنب مراتك فوقت زى دا ولا آلاء مش مراتك زى ما تولين حبيبة القلب مراتك.

اتسعت عينا نبيل دهشة امام لهجة شقيقته الساخرة واخفى ابتسامته واستدار نحو آلاء فى نفس اللحظة التى غادر الطبيب غرفة الجراحة فأسرع الجميع اليه فأبتسم لهم الطبيب وقال قبل ان يواجه سيل الاسئلة :

اطمنوا الاستاذ آنس بخير احنا ركبنا له شريحة فرجله علشان نعالج الكسر المضاعف اللى فيها وبالنسبة للاصابة اللى فراسه فالحمد لله مأثرتش وعموما هو دلوقتى فاوضة الافاقة نص ساعة وننقله اوضة خاصة وتقدروا تبقى معاه. بقلمى منى أحمد حافظ

أغمضت آلاء عيناها بأرتياح وفتحتهما لتحتضن هنادى وتقول :

تقدرى تعيطى دلوقتى وانتى مطمنة انه بخير يا هنادى وسامحينى انى السبب فاللى حصل لآنس.

أجهشت هنادى بالبكاء وهى تتشبث بكتفى صديقتها وقالت بهمس مؤلم:

كلنا السبب يا آلاء كلنا السبب.

وبغرفة آنس التى انتقل اليها جلست هنادى بجواره وجلس والده على المقعد أمامه بينما جلست بسمة بجوار آلاء وآسر على الاريكة وعلى المقعد الاخير جلست تينا يحدقون بوجه آنس الخال من التعبير بعدما أعترفت آلاء بكل تخطيطها له ليجول بعيناه بوجوههم المرتبكة من الحرج وقال: